உலகளவில் செல்வந்தர்களாக உயர்ந்து அந்நிலையை தக்கவைத்துக் கொள்ளும் 4 பிரபலங்கள்! சாத்தியமானது எப்படி?

பணக்காரர்களாக இருக்க வேண்டும் என்பது பெரும்பாலானோரது இயல்பான விருப்பம். அதில் ஒரு சிலர் தங்கள் திறமையால் அந்நிலையை அடைந்து வாழ்க்கையை சந்தோஷமாக வாழ்வார்கள். ஆனால், இந்த நிலையை எவ்வளவு நாட்கள் தக்க வைக்கிறார்கள்? அப்படி தக்க வைத்துக் கொள்வதுதான் அவர்களது முதன்மை பணி. உலகில் இந்த வேலையை கட்சிதமாக செய்யும் சிலரை பற்றி தெரிந்து கொள்வோம்.   
புதுமை, திட்டமிடுதலுடன் கூடிய சிந்தனை (strategic thinking) மற்றும் இடைவிடாத முயற்சி ஆகியவற்றின் மூலம் உலகின் பணக்கார நபர்கள் தங்களின் சிறந்த நிலையை அடைந்துள்ளனர்.

1. 2024 ஆம் ஆண்டு நிலவரப்படி, எலோன் மஸ்க் (Elon Musk) $334.3 பில்லியன் (இந்திய மதிப்பில் ₹27,74,100 கோடி) நிகர மதிப்புடன் இந்தப் பட்டியலில் முதலிடத்தில் உள்ளார். மஸ்கின் தொழில் அதிபர் பயணம், அவர் தொடக்கத்தில் இணைந்து நிறுவிய ஜிப்2 (Zip2) நிறுவனத்துடன் தொடங்கியது. அது காம்பேக்கிற்கு (Compaq) விற்கப்பட்டது. அதன்பின், அவர் X.com ஐ நிறுவினார். அது பேபால்(PayPal) ஆனது; eBay க்கு விற்கப்பட்டது. மஸ்க் தனது வருவாயை டெஸ்லா (Tesla) மற்றும் ஸ்பேஸ்எக்ஸில் (Space X) மீண்டும் முதலீடு செய்தார். இவை இரண்டும் அந்தந்த தொழில்களில் வெற்றிகரமாக செயல்பட்டு இன்று இந்நிலைக்கு வர பெரிதும் கை கொடுத்துள்ளன.

2. அமேசான் (Amazon) நிறுவனர் ஜெஃப் பெசோஸ் (Jeff Bezos), தனது நிறுவனத்தை கராஜில் (garage) தொடங்கி, அதை உலகின் மிகப்பெரிய ஆன்லைன் சில்லறை விற்பனை தளமாக மாற்றினார். இ-காமர்ஸ் (E- COMMERCE) மற்றும் வாடிக்கையாளர் திருப்தியில் கவனம் செலுத்துகின்ற பெசோஸின் புதுமையான அணுகுமுறை, அமேசானை உலகளவில் ஓர் அதிவேக வளர்ச்சிக்கு கொண்டு சென்று கொண்டிருக்கிறது. 

3. மார்க் ஜுக்கர்பெர்க் (Mark Zuckerberg) ஹார்வர்டில் மாணவராக இருந்தபோதே பேஸ்புக்கை (Facebook) உருவாக்கினார். அது சமூக ஊடகமாக மாறியது. பின் உலகளவில் பில்லியன் கணக்கான மக்களை இணைத்தது. முன்னணி நிறுவன மென்பொருள் நிறுவனமான ஆரக்கிளை (Oracle) இணைத்து அதை நிறுவிய லாரி எலிசனை (Larry Ellison), குறிப்பிடத்தக்க பங்குதாரராக மார்க் சேர்த்து கொண்டார். 

4. பெர்னார்ட் அர்னால்ட் (Bernard Arnault) LVMH சாம்ராஜ்யத்தை உருவாக்கியவர். இதில் லூயிஸ் உய்ட்டன் (Louis Vuitton) மற்றும் செபோரா (Sephora) போன்ற புகழ்பெற்ற ஆடம்பர பிராண்டுகள் அடங்கும். ஃபேஷன் மற்றும் ஆடம்பர பொருட்கள் துறையில் தன்னை ஒரு ஆக்க சிறந்தவராக மாற்றி, இன்று இந்நிலைக்கு வந்துள்ளார்.

இவர்கள் இந்த உயர்ந்த நிலையை எப்படி தக்க வைத்துக் கொள்கிறார்கள்?

இந்த நபர்கள், தொலைநோக்கு சிந்தனை (visionary thinking), இடர்களை எதிர்கொள்ளக் கூடிய முடிவுகள் (risk-taking) மற்றும் சந்தை இடைவெளிகளை அடையாளம் காணும் திறன் (market gaps) போன்ற இயல்பான திறன்களைக் கொண்டுள்ளனர். புதுமைக்கான ஆர்வத்தையும், வலுவான அடித்தளத்தையும் உருவாக்க முயற்சித்தனர். செல்வத்தைத் தக்கவைக்க, இவர்கள் தொடர்ச்சியான கற்றல், முதலீடுகளை வகைப்படுத்துவது (diversification of investments) நீண்ட கால இலக்குகளுக்கான வேலைகளை தாமதமின்றி ஆரம்பிப்பது போன்ற முக்கிய கொள்கைகளைப் பின்பற்றுகிறார்கள்.

கூடுதலாக, தொண்டு நிறுவனங்களுக்கு நன்கொடை அளிப்பார்கள். அதன் மூலம் மற்றவர்களுக்கு நன்மை செய்கிறார்கள். தங்களுக்கு என்று நேர்மறையான நற்பெயரையும் இதன் மூலமும் உருவாக்கி கொள்கிறார்கள். இந்த குணாதிசயம் அவர்களின் பெருந்தன்மை மற்றும் சமூக அக்கறையை வெளிப்படுத்தி அவர்களின் அந்தஸ்தை  மேம்படுத்துகிறது.

சுருக்கமாக, உலகின் மிகப்பெரிய பணக்காரர்களில் ஒருவராக மாறுவது என்பது நம்முள் இருக்கும் திறமை, தெளிவான சிந்தனையுடன் கூடிய முடிவுகளை எடுத்தல், தொடர்ச்சியான முன்னேற்றம் மற்றும் சமூக பங்களிப்பிற்கான அர்ப்பணிப்பு ஆகியவற்றின் கலவையை உள்ளடக்கியது.