பிரகாரத்தை எத்தனை முறை சுற்றினால் என்னென்ன பலன்கள் கிடைக்கும் தெரியுமா?

பிரதட்சணம் என்பது இந்து சமயக் கோயில்களையும், இறைவனையும் பக்தியோடு வலம் வருகின்ற முறையாகும்.

* பிரதட்சண முறையில் அங்கப் பிரதட்சணம், அடிப் பிரதட்சணம், சோம சூக்தப் பிரதட்சணம், வேப்பிலை ஆடை பிரதட்சணம், கரும்பு தொட்டில் பிரதட்சணம் என்று பல வகைகள் உள்ளன.

* பிரகாரத்தை எத்தனை முறை பிரதட்சணம் செய்தால் என்னென்ன பலங்கள் என்று தெரிந்து கொள்வோமா?

மூன்று முறை - விரும்பிய காரியம் நிறைவேறும்

ஐந்து முறை - காரிய வெற்றி

ஏழு முறை - நல்ல குணம், எண்ணம், வாழ்க்கையில் அமைதி

ஒன்பது முறை - குழந்தைப் பேறு

பதினொரு முறை - ஆயுள் விருத்தி

பதினைந்து முறை - செல்வம் பெருகும்

108 முறை - அஸ்வமேதயாகம் செய்த பலன் கிடைக்கும்.

1008 முறை - விரும்பிய பெண் மனைவியாகக் கிடைப்பாள்.

* "அடி உதவுவது போல் அண்ணன் தம்பி கூட உதவ மாட்டான்" என்ற பழமொழி அடித்துக் கொள்வதைக் குறிப்பதல்ல.. கோவிலில் அடி பிரதட்சணம் செய்வது வாழ்வில் வெற்றி பெற உதவும் என்பதே ஆகும்.

* பசுவை ஒரு முறை பிரதட்சணம் செய்வதால் பூலோகம் முழுவதும் பிரதட்சணம் செய்த புண்ணியம் கிடைக்கும்.

* தினமும் அரசமரம் சுற்றுவதன் பலன்கள்:

ஞாயிறு - நோய் அகலும்

திங்கள் - சுப நிகழ்வு கைகூடும்

செவ்வாய் - வெற்றி கிட்டும்

புதன் - தொழில் வளர்ச்சி அடையும்

வியாழன் - கல்வி, ஞானம் வளரும்

வெள்ளி - சகல சௌபாக்கியங்களும் கிடைக்கும்

சனி - வீட்டில் லட்சுமி தேவி வாசம் செய்வாள்

சனிக்கிழமை மட்டும் அரசமரத்தை தொட்டு வணங்கலாம். இதர நாட்களில், சற்று தள்ளி வலம் வரலாம். பகல் நேரத்தில் மட்டும் வலம் வருதல் நன்று.

* காஞ்சி கையிலாயநாதர் ஆலய கருவறையைச் சுற்றி, மார்பாலேயே ஊர்ந்து செல்லும்படியாக ஒரு பிரகாரம் அமைந்துள்ளது. இதனை அவ்விதம் வலம் வருபவர்களுக்கு மறு பிறவி கிடையாது என்பது ஐதீகம். இதனை 'சொர்க்கப் பிரதட்சணம்' என்று கூறுவர்.