சிறுகதை: வாக்கு – வழக்கு!

'சரிதா' குளிரூட்டப்பட்ட மினி ஹால். கூடியிருந்த ‘கல்யாண கவலை’ வரன்களின் பெருமூச்சால், வழக்கத்திற்கு மாறாக சூடாக இருந்தது.

'நம் சுயம்வரம்' திருமண வரன்களின் பிரபலமான ஜாதக பரிவர்த்தனை நிறுவனம் சார்பில், அவர்களிடம் பதிவு செய்தவர்களுக்கான சுயம்வர நிகழ்ச்சி ஏற்பாடு செய்யப்பட்டிருந்தது.

நிகழ்ச்சியின் தொடக்கமாய், கூடியிருந்தோரைக் குதூகலப்படுத்தவும், அவர்களுக்கு விழிப்புணர்வு உண்டாக்கவும், ஓர் வழக்காடு மன்ற நிகழ்ச்சி.

வழக்காடு மன்றத்தின் தலைப்பு..

'இன்றைய திருமண காலதாமதத்திற்குக் காரணம்... '

1. 'வரன்களே' என்றும்

2. 'பெற்றோர்களே' எனவும், வாதிட, வாதி, பிரதிவாதிகள்.

நீதியரசராக, திரு. தர்மராஜன்.

'வரன்களே' என வாதிட - பெரியவர் விஸ்வநாதன் .

'பெற்றோர்களே' என வாதிட பிரதிவாதியாக கல்லூரிப் பேராசிரியை ஸ்ரீமதி.

பலரும் ஆர்வமாகக் காத்திருந்த வழக்காடு மன்றத்தை, தொடங்கி வைத்துப் பேசத் தொடங்கினார் நீதியரசர் தர்மராஜன்.

''இங்கு கூடியிருக்கும் அனைத்து ஆண் பெண் வரன்களையும், அவர்களின் பெற்றோர்களையும் எங்களது அணியின் சார்பில் வரவேற்கிறேன். திருமணம் அனைவருக்கும் ஒரு ‘சொர்க்கவாசல்’ மாதிரி. புதிய உலகை நோக்கிய பயணத்திற்கான திறவுகோல். என்ன உண்மைதானே?...'' என ஒரு நிமிடம் அவர் இடைவெளி விட,