ரூ.36 லட்சம் உதவித் தொகை தரும் தமிழக அரசு..! இனி ஏழை மாணவர்களும் வெளிநாடு சென்று படிக்கலாம்..!

வெளிநாடு சென்று படிக்க விரும்பும் சிறுபான்மையின மாணவர்களுக்கு தமிழக அரசு உதவி தொகை வழங்குகிறது. சிறுபான்மையின மாணவ, மாணவிகள் வெளிநாடுகளில் பட்ட மேற்படிப்புகளைப் படிப்பதற்கு உதவும் புதிய கல்வி உதவித்தொகை திட்டத்தை அறிமுகப்படுத்தியுள்ளது.

ஆதிதிராவிடர் நலத்துறை கல்வி உதவித்தொகை என்றழைக்கப்படும் இந்தத் திட்டம், தமிழ்நாடு அரசின் நிதி உதவியுடன், தாழ்த்தப்பட்டோர், பழங்குடியினர் மற்றும் கிறித்துவ மதத்திற்கு மாறிய தாழ்த்தப்பட்டோர் சமூகங்களைச் சேர்ந்த மாணவர்களுக்காக உருவாக்கப்பட்ட ஒரு சிறப்பு நிதி உதவித் திட்டமாகும். நிதித் தடைகளை நீக்கி, உயர்கல்வியை ஊக்குவிப்பதே இத்திட்டத்தின் முக்கிய நோக்கம். இந்த உதவித்தொகையானது, மாணவர்களின் கல்விக் கட்டணம், விடுதிச் செலவு, பயணச் செலவு மற்றும் பிற கல்வி சார்ந்த செலவுகளை ஈடுசெய்கிறது.

ஆதிதிராவிடர் மற்றும் பழங்குடியினர் நலத்துறையின் ஒரு பகுதியான இத்திட்டம், விளிம்புநிலை சமூகங்களைச் சேர்ந்த மாணவர்களுக்கு தரமான கல்வி வழங்குவதன் மூலம் அவர்களை மேம்படுத்துவதை இலக்காகக் கொண்டுள்ளது. இத்திட்டம் தொடங்கப்பட்டதிலிருந்து ஆயிரக்கணக்கான மாணவர்கள் தங்கள் கல்வி இலக்குகளை அடைய உதவியுள்ளது. மேலும், உள்நாட்டு மற்றும் வெளிநாட்டு கல்வி வாய்ப்புகளுக்கும் இதில் சிறப்பு ஏற்பாடுகள் உள்ளன.

இந்தத் திட்டத்திற்காக ஆண்டுக்கு 10 மாணவர்களுக்கு தலா 36 லட்சம் ரூபாய் வீதம், மொத்தம் 3.60 கோடி ரூபாய் நிதி ஒதுக்கப்பட்டுள்ளது. இந்த நிதி, கல்வி கட்டணம், விடுதி கட்டணம், பயணச் சீட்டு மற்றும் இதர செலவினங்களுக்குப் பயன்படுத்தப்படும். இத்திட்டத்திற்கு விண்ணப்பிக்க, மாணவர் தமிழ்நாட்டில் வசிப்பவராக இருக்க வேண்டும், மேலும் அவர்களின் குடும்ப ஆண்டு வருமானம் 6 லட்ச ரூபாய்க்குள் இருக்க வேண்டும்.

முதுகலை படிப்புக்கு விண்ணப்பிப்பவர்கள் இளங்கலை படிப்பில் 60% மதிப்பெண்களும், முனைவர் பட்டப்படிப்புக்கு விண்ணப்பிப்பவர்கள் முதுகலை படிப்பில் 60% மதிப்பெண்களும் பெற்றிருக்க வேண்டும். இத்திட்டத்தின் முக்கிய நோக்கம், நிதி நெருக்கடியால் வெளிநாடுகளில் படிக்க முடியாத சிறுபான்மையின மாணவர்களின் கனவுகளை நிறைவேற்றுவதாகும். இந்த உதவித்தொகைக்கான விண்ணப்பங்கள் விரைவில் தமிழ்நாடு அரசின் சிறுபான்மையினர் நலத்துறை இணையதளத்தில் ஆன்லைன் மூலம் வெளியிடப்படும்.