தெருநாய்களுக்கு உணவளிக்கும் பெண் மீது போலீசில் புகார்: அடையாறில் குடியிருப்பு நலச்சங்கம் அதிரடி..!

உச்ச நீதிமன்றம் பொது இடங்களில் இருந்து தெருநாய்களை அப்புறப்படுத்துமாறு மாநில அரசுகளுக்கு உத்தரவிட்ட மறுநாளே இந்தப் புகார் அளிக்கப்பட்டதால் அப்பகுதியில் பரபரப்பு நிலவுகிறது.

மோதலின் பின்னணி

அடையாறு குடியிருப்புவாசிகள் அளித்த புகாரில், அப்பகுதியில் வசித்து வந்த அந்தப் பெண், ஒரு வருடத்திற்கு முன்பு வேறு பகுதிக்குக் குடிபெயர்ந்த பின்னரும், தினந்தோறும் மாலை 3 மணிக்குத் திரும்பி வந்து தெருநாய்களுக்கு உணவளிப்பதாகக் கூறியுள்ளனர்.

கடந்த நவம்பர் 5-ஆம் தேதி, குடியிருப்பு நலச் சங்க உறுப்பினர்கள் அந்தப் பெண்ணிடம் நாய்களுக்கு உணவளிப்பதைத் தவிர்க்குமாறு அறிவுறுத்தியுள்ளனர்.

ஏனெனில், அங்குள்ள நாய்கள் பொதுமக்களைக் கடிப்பதாகவும், துரத்துவதாகவும் அவர்கள் குற்றம் சாட்டினர்.

மறுநாளும் அவர் தொடர்ந்து உணவளித்ததால், வேறு வழியின்றி RWA உறுப்பினர்கள் அடையாறு சட்டம்-ஒழுங்கு காவல் நிலையத்தில் புகார் அளித்துள்ளனர்.

குடியிருப்போர் தரப்பு குற்றச்சாட்டுகள்

குடியிருப்பு நலச்சங்க உறுப்பினர்கள் அளித்த புகாரில் உள்ள முக்கியக் குற்றச்சாட்டுகள் இவை:

• பயமும் காயம்: தெருவில் உணவளிக்கப்படுவதால், நாய்கள் முதியவர்களையும், குழந்தைகளையும், அவ்வழியே செல்வோரையும் துரத்திச் சென்று கடிக்கின்றன. இதனால் அப்பகுதியில் பதற்றம் நிலவுகிறது.

• நடமாட்டக் கட்டுப்பாடு: நாய்களால் ஏற்படும் அச்சுறுத்தல் காரணமாக, குடியிருப்பாளர்களின் இயல்பு நடமாட்டம் கட்டுப்படுத்தப்படுகிறது.

• சுகாதாரச் சீர்கேடு: அந்தப் பெண் தெருவில் உணவுக் கழிவுகளை வீசிச் செல்வதால், சாலை முழுவதும் குப்பையாகி சுகாதாரச் சீர்கேடு ஏற்படுகிறது.

RWA-வின் துணைத் தலைவர் டி. பாலாஜி பேசுகையில், "அவர் ஒரு வருடத்துக்கு முன் இங்கிருந்து சென்றுவிட்டார்.

குடியிருப்புவாசி பி. ராம்குமார் கூறுகையில், "எங்கள் சங்கம் மிரட்டியதாகப் பொய்யான குற்றச்சாட்டுகளைக் கூறி, அந்தப் பெண் இரண்டு ரோந்து காவலர்களை அழைத்து வந்தார்.

நாய்களுக்கு உணவளிப்பது குறித்து மட்டுமே எங்களுக்குப் பிரச்னை என்று நாங்கள் போலீசாரிடம் தெளிவுபடுத்திவிட்டுப் புகாரும் கொடுத்தோம்," என்றார்.

அவர் சுமார் ஆறு நாய்களுக்கு உணவளிப்பதாகவும் ராம்குமார் தெரிவித்தார். இப்புகாரைப் பெற்றுக்கொண்ட அடையாறு சட்டம்-ஒழுங்கு ஆய்வாளர் இளங்கனி, புகார் குறித்து விசாரணை நடந்து வருவதாகவும், சம்பந்தப்பட்ட பெண்ணின் அடையாளத்தைக் கண்டறியும் முயற்சியில் இருப்பதாகவும் தெரிவித்துள்ளார்.

பொதுமக்கள் பாதுகாப்புக்கும், விலங்குகள் நலனுக்கும் இடையிலான இந்தச் சவால், அடங்காத சர்ச்சையாக நீடித்து வருகிறது.