செய்திகள்

சிங்கப்பூரில் களை கட்டியது தீபாவளிக் கொண்டாட்டம்!

Diwali festival celebration in singapore
Diwali festival celebration in singapore
S CHANDRA MOULI
S CHANDRA MOULI

எஸ். சந்திர மௌலி (S Chandra Mouli) எஸ். சந்திர மௌலி கடந்த நாற்பதாண்டுகளாக கல்கி குழும பத்திரிகைகளில் எழுதிவரும் மூத்த பத்திரிகையாளர். கல்கி வெளியிட்ட பல்வேறு சிறப்பிதழ்கள், மற்றும் தீபாவளி மலர்கள், தொழில் மலர்கள், விடுமுறை மலர்களுக்காக இந்தியாவின் பல்வேறு பகுதிகளுக்கும் பயணம் செய்தவர். 2008ல் கல்கி வெளியிட்ட “குஜராத் டுடே” சிறப்பிதகளுக்காக ஒரு வார காலம் குஜராத் முழுவதும் பயணித்து, குஜராத்தின் வளர்ச்சியை நேரில் கண்டு, எழுதியவர். சமூக அக்கறையோடு கல்கி மேற்கொண்ட “மாதம் ஒரு மாவட்டம்” திட்டத்தில் தமிழ்நாட்டின் பல்வேறு மாவட்டங்களுக்கும் பயணித்து பங்களித்தவர். வாஜ்பாய், வி.பி.சிங் தொடங்கி மன்மோகன் சிங், நரேந்திர மோடி வரை ஏழு இந்தியப் பிரதமர்களை சந்தித்து பேட்டி கண்டவர். எல்.கே.அத்வானி, முரளி மனோகர் ஜோஷி, என்.டி.ஆர், ஜோதி பாசு, வெங்கையா நாயுடு, நிர்மலா சீதாராமன், சிவாஜி கணேசன், ரஜினி காந்த், கமலாசன், ஜெமினிகணேசன், சூர்யா, மணிரத்னம், கிரிக்கெட்டர் ஸ்ரீக்காந்த், விக்கு வினாயகராம். உமையாள்புரம் சிவராமன், வயலின் கன்யாகுமரி, ஜெயகாந்தன், நாஞ்சில் நாடன், கவிஞர் வைரமுத்து, கவிஞர் மு.மேத்தா, நா. முத்துகுமார், சோ ராமசாமி என பல்துறைப் பிரபலங்களையும் பேட்டி கண்டு எழுதியவர். இயக்குனர் ஸ்ரீதர், நடிகர் நாகேஷ், ஓவியர் கோபுலு, இயக்குனர் எஸ்பி. முத்துராமன், திருமதி ஒய்,ஜி.பி. ஃபிலிம் நியூஸ் ஆனந்தன், நடிகர் ஏ.ஆர்.எஸ். மெஜிக் நிபுணர் லால் உள்ளிட்ட பலரது வாழ்க்கை அனுபவங்களை இவர் தொடராக எழுதி, அவை பின்னர் புத்தகங்களாக வெளியாகி உள்ளன. இயக்குனர் மணிரத்னத்தின் பொன்னியின் செல்வன் திரைப்படம் வெளியானபோது, இளைய தலைமுறையினருக்கு அமரர் கல்கி பன்முகச் சாதனை வாழ்க்கையை அறிமுகப்படுத்தும் நோக்கத்துடன் “கல்கி-பொன்னியின் செல்வர்” என்ற தலைப்பில் அவரது வாழ்க்கை வரலாற்றை சுவைபட எழுதியவர். பெண்சிசுக் கொலை தொடர்பான கட்டுரைக்கு “லாட்லி விருதும்”, ரோட்டரி சங்கத்தின் “சாதனை விருதும்” பெற்றவர். தற்போது madraspaper இணைய வார இதழில் “ஓரு குடும்பக் கதை: என்ற தலைப்பில் இந்திய அரசியலில் நேரு குடும்பத்தின் பங்களிப்பு குறித்த நெடுந்தொடர் ஒன்றை எழுதி வருகிறார். சோ குறித்த ஒரு புத்தகத்தை எழுதிக் கொண்டிருக்கிறார்.

Updated on: 

இந்த வருடம் அக்டோபர் 20ஆம் தேதி தீபாவளிப் பண்டிகை. ஆனால் இப்போதே களை கட்டத் துவங்கிவிட்டது சிங்கப்பூர். அதற்குக் கட்டியம் கூறும் வகையில் சிங்கப்பூரில் பிர்ச் சாலையில் தீபாவளிச் சந்தை கோலாகலமாகத் துவக்கியது. இந்தச் சந்தையில் புத்தாடைகள், பட்டாசு ரகங்கள், இனிப்பு வகைகள், உணவு ஐட்டங்கள், வீட்டு அலங்காரப் பொருட்கள் என மக்களைக் கவரும்விதமான பல்வேறு பொருட்களும் விற்பனை செய்யப்படுகின்றன.

சிங்கப்பூர் தமிழர்கள் தீபாவளி பர்சேஸ்களை இன்னும் முழு வீச்சில் ஆரம்பிக்காவிட்டாலும், இந்த தீபாவளிச் சந்தைக்கு குடும்பத்துடன் வந்து, தினுசு, தினுசான உணவு வகைகளை சாப்பிட்டு மகிழ்கிறார்கள். அந்த ஏரியா முழுக்க கடைக்குக் கடை தமிழ்த் திரைப்படப் பாடல்கள் ஒலிக்கின்றன. வண்ண விளக்குகளின் அலங்காரம் அபாரம்.

வாடிக்கையாளர்களைத் தங்கள் கடைக்கு இழுக்க மிகவும் வித்தியாசமான முறையில் ஸ்டால்களை அமைத்திருப்பதும், ஸ்டால்களுக்குப் பெயரிட்டிருப்பதையும் பார்க்கலாம். தமிழ்நாட்டு கிராமப்புற குடிசை போல தென்னங்கீற்றுகள் கொண்டு குடிசை அமைத்துள்ளனர். இங்கே கிடைக்கும் வித்தியாசமான சீஸ் பானிபூரிக்கு ஏக கிராக்கி. இவர்களுக்குப் போட்டியாக வேறு ஒரு கடையில், துபாய் சாக்லேட் பானி பூரி விற்கப்படுகிறது.

தி ஒரிஜினல் வடை என்று ஒரு கடை. அங்கே போனால், வழக்கமான மசால் வடை மட்டுமில்லாமல், பட்டர் சிக்கன் வடை, நண்டு வடை, காடைமுட்டை வடை, நெத்திலி மீன் வடை என்று விதம்விதமாக வடை சுட்டுத் தள்ளுகிறார்கள். இந்தக் கடை சிங்கப்பூர் தமிழர்கள் மத்தியில் மட்டுமில்லாமல் சீனர்கள் மத்தியிலும் பிரபலமான 25 வருட பாரம்பரிய கடை.

இது ஒரு பக்கம் என்றால், லிட்டில் இந்தியா பகுதியில் ஆண்டுதோறும் தீபாவளிக் கொண்டாட்டம் கனஜோராக இருக்கும். அந்தப் பகுதியில் நவம்பர் 9ஆம் தேதி வரை சுமார் 60 நாட்களுக்கு பிரம்மாண்டமான முறையில் வண்ண விளக்குகள் ஒளிரும். இந்தப் பகுதியைச் சேர்ந்த 60 சமூக அமைப்புகள் இனைந்து இந்தக் கொண்டாட்டத்துக்கு ஏற்பாடு செய்துள்ளன.

மேலும் இந்த ஆண்டு சிங்கப்பூரின் 60ஆம் ஆண்டு பிறந்தநாள் கொண்டாட்டத்தின் காரணமாக ஆறு லட்சம் எல் ஈ டி மின்விளக்குகளால் அலங்கரிக்கப்பட்டுள்ளது. மேலும், அந்தப் பகுதியில் சுமார் இரண்டு கிலோ மீட்டர் தொலைவிற்குள் 42 அலங்கார வளைவுகளும் அமைக்கப்பட்டுள்ளன. அதன் ஒரு அங்கமாக, இந்த ஆண்டு தீபாவளிக் கொண்டாட்டத்துக்கான கருப்பொருளாக “ஆட்டம், பாட்டம், கொண்டாட்டம்” என்று அறிவிக்கப்பட்டுள்ளது.

இதையும் படியுங்கள்:
ஒரு நாளைக்கு 30,000 கொசுக்கள் அழிப்பு – சுகாதாரத்தில் செயற்கை நுண்ணறிவுப் புரட்சி..!!
Diwali festival celebration in singapore

தீபாவளி சமயத்தில் இந்தியன் ஹெரிடேஜ் மையம் விழாக்கோலம் பூண்டு காணப்படும். இங்கே ஏராளமான பொழுபோக்கு, கலாசார அம்சங்களும், கடைகளும் இடம்பெறும். கிளி ஜோசியக்காரர்களையும் இங்கே பார்க்கலாம்.

Singapore
Diwali