காரைக்குடியின் டிஜிட்டல் பல் மருத்துவர் டூ த.வெ.க தளபதி: யார் இந்த டாக்டர் டி.கே. பிரபு?

காரைக்குடி மற்றும் அதன் சுற்றுவட்டாரப் பகுதிகளில் நன்கு அறியப்பட்ட ஒரு மருத்துவராக இருப்பவர் டாக்டர் டி.கே. பிரபு. ஒரு எளிய விவசாயக் குடும்பத்தில் பிறந்து, இன்று ஒரு நவீன டிஜிட்டல் பல் மருத்துவமனையை நிறுவியுள்ள இவரது பயணம், கடின உழைப்பால் உருவானது. மருத்துவத் துறையில் அவர் அடைந்துள்ள வளர்ச்சியும், சமீபகாலமாக அவர் காட்டி வரும் பொதுவாழ்வு மற்றும் அரசியல் சார்ந்த ஆர்வங்களும் கவனிப்புக்குரியவை.

மருத்துவப் பயணம் மற்றும் நிபுணத்துவம் :

டாக்டர் டி.கே. பிரபு ஒரு பல் மருத்துவர். ஜெர்மனி மற்றும் பிலிப்பைன்ஸ் போன்ற நாடுகளில் உயர்கல்வி பெற்ற இவர், நவீன தொழில்நுட்பங்களை உள்ளூர் மக்களுக்குக் கொண்டு சேர்ப்பதில் ஆர்வம் காட்டி செயல்பட்டு வருகிறார். பொதுவாக, இம்ப்ளான்ட் சிகிச்சைகள் அதிக செலவு பிடிப்பவை மற்றும் பெரிய நகரங்களில் மட்டுமே கிடைக்கக்கூடியவை என்ற நிலை இருந்தது. அந்த பிம்பத்தை உடைத்து, காரைக்குடி போன்ற ஒரு நகரில் 24/7 இயங்கும் டிஜிட்டல் பல் மருத்துவமனையை அமைத்தது அவரது தொழில்முறை வளர்ச்சியில் ஒரு முக்கிய மைல்கல்.

கடந்த பத்து ஆண்டுகளுக்கும் மேலாக இவரது மருத்துவமனை காரைக்குடியில் செயல்பட்டு வருகிறது. இதுவரை 10,000-க்கும் மேற்பட்ட பல் இம்ப்ளான்ட் எனப்படும் செயற்கைப் பல் பொருத்தும் சிகிச்சைகளை வெற்றிகரமாகச் செய்துள்ளார். ஒரு லட்சத்திற்கும் அதிகமான நோயாளிகளுக்குச் சிகிச்சை அளித்துள்ளார்

மருத்துவ ரீதியாக அவர் "வாழ்க்கையை முழுமையாக வாழ வேண்டும்" என்ற கருத்தை முன்வைக்கிறார். ஒருவருக்குப் பற்கள் சரியாக அமையும் போது, அவர்களால் உணவை ரசித்து உண்ண முடிகிறது, அதுவே ஒரு மனிதனின் அடிப்படை மகிழ்ச்சி என்பது அவரது தத்துவம். அவர், தொழில்நுட்ப ரீதியாகத் தன்னைத் தொடர்ந்து புதுப்பித்துக் கொள்வதை வழக்கமாகக் கொண்டுள்ளார்.

சமூகப் பங்களிப்பு :

தான் பிறந்த மண்ணின் முன்னேற்றத்திற்காக ஏதாவது செய்ய வேண்டும் என்ற நோக்கில், பல்வேறு சமூக அமைப்புகளுடன் இணைந்து பணியாற்றி வருகிறார். குறிப்பாக, காரைக்குடி மற்றும் சிவகங்கை மாவட்டத்தின் உட்கட்டமைப்பு வசதிகள், கல்வி மற்றும் சுகாதார மேம்பாடு குறித்து அவர் தனது கருத்துக்களைப் பதிவு செய்து வருகிறார். சமூகத்தில் நலிவடைந்த பிரிவினருக்கு இலவசப் பல் மருத்துவ முகாம்களை நடத்துவது இவரது வழக்கமான செயல்பாடுகளில் ஒன்று. கிராமப்புறங்களில் நிலவும் பல் ஆரோக்கியம் குறித்த அறியாமையைப் போக்க இவர் எடுக்கும் முயற்சிகள், அவரை மக்கள் மத்தியில் ஒரு பரிச்சயமான முகமாக மாற்றியது. இந்த மக்கள் தொடர்புதான், இயல்பாகவே அவரைப் பொதுவாழ்வை நோக்கித் திருப்பியிருக்கக் கூடும் எனக் கருதப்படுகிறது.

அரசியல் ஆர்வம் மற்றும் பொதுவாழ்வு :

தமிழகத்தின் தற்போதைய சூழலில், படித்த இளைஞர்களும் தொழில்முறை வல்லுநர்களும் அரசியலுக்கு வர வேண்டும் என்ற குரல் வலுத்து வருகிறது. அந்த வகையில், டாக்டர் பிரபுவும் பொது மேடைகளிலும், சமூக ஊடகங்களிலும் மக்கள் நலன் சார்ந்த கருத்துக்களைப் பகிர்ந்து வருகிறார்.

த.வெ.க-வில் டாக்டர் பிரபுவின் பங்கு:

நடிகர் விஜய் தொடங்கியுள்ள தமிழக வெற்றிக் கழகம் கட்சியில் டாக்டர் டி.கே. பிரபு தீவிரமான ஈடுபாட்டுடன் செயல்பட்டு வருகிறார். நீண்ட காலமாகவே விஜய்யின் தீவிர ரசிகராக, மக்கள் இயக்கத்தின் செயல்பாடுகளில் தன்னை ஈடுபடுத்திக் கொண்டவர் இவர். அரசியலில் ஒரு புதிய மற்றும் தூய்மையான கலாச்சாரத்தை உருவாக்க விரும்புவதாகத் தெரிவித்துள்ள டாக்டர். பிரபு விஜய்யின் அரசியல் கொள்கைகள் மற்றும் ‘புதிய அரசியல்’ என்ற சிந்தனையால் கவரப்பட்டு இக்கட்சியில் இணைந்துள்ளார்.

காரைக்குடி மற்றும் சிவகங்கை மாவட்டங்களில் த.வெ.க தொடர்பான பல்வேறு நலத்திட்ட உதவிகள் மற்றும் பொதுக்கூட்டங்களில் இவர் முன்னின்று செயல்படுகிறார். குறிப்பாக, "தளபதி 50" (விஜய்யின் 50-வது பிறந்தநாள்) கொண்டாட்டங்களின் போது காரைக்குடியில் பிரமாண்டமான நலத்திட்ட உதவி வழங்கும் விழாவை இவர் ஒருங்கிணைத்தார்.