கூண்டோடு ஊழியர்கள் பணிநீக்கம்.. பிரபல நிறுவனத்தில் அதிர்ச்சி சம்பவம்..!!

பல்வேறு பெரிய டெக் நிறுவனங்களில் தொடங்கி ஸ்டார்ட் அப் நிறுவனங்கள் வரை ஊழியர்களை பணி நீக்கம் செய்வது என்பது அண்மைக்காலமாக அதிகரித்து வருகிறது. அந்த வரிசையில் தற்போது ஆட்டோமொபைல் துறையும் சிக்கியுள்ளது. மின்சார வாகனங்களுக்கான தேவை குறைந்து வருவதால், கிட்டத்தட்ட 1,000 வேலைகளை குறைக்க ஆட்டோமொபைல் நிறுவனம் திட்டமிட்டுள்ளது.

ஐரோப்பாவை பெரிதும் நெருங்காமல் இருந்த Mass Layoff தற்போது கொஞ்சம் கொஞ்சமாக அமெரிக்க நிறுவனங்களில் இருந்து நகர்ந்து ஐரோப்பிய நாடுகளை தாக்க ஆரம்பித்துள்ளது. அந்த வகையில் பிரபல கார் நிறுவனமாக ஃபோர்டு நிறுவனம் ஜெர்மனியில் உள்ள மின்சார கார் தயாரிப்பு ஆலையில் இருந்து 1000 ஊழியர்களை பணிநீக்கம் செய்ய உள்ளதாக அறிவித்துள்ளது.

எதிர்பார்த்ததை விட விற்பனை குறைவாக உள்ளதால் மேலும் அதிகரித்து வரும் செலவினங்களை குறைப்பதற்காகவும் தங்களது உற்பத்தியை முறைப்படுத்த இந்த முடிவை எடுத்திருப்பதாக நிறுவன தரப்பில் இருந்து தெரிவிக்கப்பட்டுள்ளது. இந்த நிலையில் Ford நிறுவனத்தின் இந்த அறிவிப்பு ஐரோப்பியர்கள் பலரையும் அதிர்ச்சியில் ஆழ்த்தியுள்ளது.

பேட்டரி மூலம் இயங்கும் கார்களுக்கான தேவை குறைந்து வருவதால், ஃபோர்டு மோட்டார் நிறுவனம் அதன் கொலோன் மின்சார ஆட்டோ ஆலையில் 1,000 வேலைகளை குறைக்க திட்டமிட்டுள்ளது. தேவைக்கு ஏற்ப உற்பத்தி அளவுகளில் சரிசெய்தல்களுடன், ஐரோப்பாவில் 4,000 பணியிடங்களைக் குறைப்பதாக நிறுவனம் முன்பு அறிவித்தது.

முந்தைய ஆண்டுகளில் வலுவான ஆரம்ப வளர்ச்சி இருந்தபோதிலும், ஐரோப்பாவில் மின்சார வாகனங்களை ஏற்றுக்கொள்வது எதிர்பார்ப்புகளை விட பின்தங்கியிருப்பதால், வாகன உற்பத்தியாளர்கள் எதிர்கொள்ளும்அழுத்தத்தை இந்த மாற்றம் எடுத்துக்காட்டுகிறது.

பேட்டரியில் இயங்கும் கார்களுக்கான தேவை எதிர்பார்த்ததை விடக் குறைவாக இருப்பதால், ஜெர்மனியின் கொலோனில் உள்ள அதன் மின்சார வாகன ஆலையில் இருந்து 1,000 ஊழியர்களை குறைப்பதாக ஃபோர்டு மோட்டார் நிறுவனம் இரு தினங்களுக்கு முன்பு அறிவித்தது.

இதுகுறித்து, ‘ஐரோப்பாவில், மின்சார கார்களுக்கான தேவை தொழில்துறை கணிப்புகளை விட கணிசமாகக் குறைவாக உள்ளது’ என்று நிறுவனத்தின் அறிக்கை தெரிவித்துள்ளது.

எக்ஸ்ப்ளோரர் எஸ்யூவியின் மின்சார பதிப்பை உற்பத்தி செய்யும் இந்த ஆலை, வரும் ஜனவரி முதல் ஒரு நாளைக்கு 2 ஷிப்டுகளில் இருந்து ஒரு ஷிப்டுக்கு மாறும் என்று நிறுவனம் மேற்கோளிட்டுள்ளது. கடந்த 2024-ம் ஆண்டு நவம்பர் மாதம் நிறுவனம் தனது மறுசீரமைப்புத் திட்டங்களை அறிவித்ததைத் தொடர்ந்து சமீபத்திய பணிநீக்கங்கள் வந்துள்ளன.

இந்த பணிநீக்கங்கள், மின்சார வாகன விற்பனை மந்தநிலை மற்றும் உலகளாவிய போட்டி தீவிரமடைந்து வருவதால், குறிப்பாக சீனாவின் அதிக மானியம் பெற்ற மின்சார வாகன சந்தையிலிருந்து செயல்பாடுகளை ஒழுங்குபடுத்துவதற்கான ஃபோர்டின் பரந்த திட்டத்தின் ஒரு பகுதியாகும்.

2024-ம் ஆண்டின் தொடக்கத்தில், ஃபோர்டு அதன் ஐரோப்பிய பணியாளர்களில் 14 சதவீதத்தை குறைப்பதாக அறிவித்தது. இது முக்கியமாக ஜெர்மனி மற்றும் இங்கிலாந்தில் சுமார் 4,000 ஊழியர்கள் வேலை இழப்பை பிரதிநிதித்துவப்படுத்துகிறது. இந்த குறைப்புகள் 2027-ம் ஆண்டின் இறுதி வரை நடைபெறும் என்று எதிர்பார்க்கப்படுகிறது.

வட அமெரிக்காவிலும், இந்நிறுவனம் ஆட்குறைப்பைத் தொடங்கி உள்து. மே 2025-ல், அமெரிக்கா மற்றும் கனடா முழுவதும் அதன் இணைக்கப்பட்ட வாகன மென்பொருள் பிரிவைச் சேர்ந்த கிட்டத்தட்ட 350 ஊழியர்களை ஃபோர்டு பணிநீக்கம் செய்ததாக USA Today செய்தி வெளியிட்டுள்ளது, இது அந்தக் குழுவில் 5 சதவீதமாகும்.