ஐபோன் வச்சுருக்கீங்களா? அப்போ இந்த மொபைலை பாதி விலையில் வாங்கலாமே!

நத்திங் நிறுவனம் அதன் பிரபலமான ஸ்மார்ட்போன்களில் ஒன்றான நத்திங் போன் (2) மாடலுக்கு அதிரடியான விலை குறைப்பை அறிவித்துள்ளது. ரூ. 79,999 என்கிற ஆரம்ப விலையில் அறிமுகமான இந்த ஸ்மார்ட்போன், தற்போது சிறப்பு சலுகைகள் மற்றும் தள்ளுபடிகளின் மூலம் பாதி விலைக்கு கிடைப்பதாக வெளியாகி வரும் தகவல் வாடிக்கையாளர்களை ஆச்சரியத்தில் ஆழ்த்தியுள்ளது. இந்தச் சலுகை மூலம் பட்ஜெட் விலையில் ஒரு பிரீமியம் ஸ்மார்ட்போனை வாங்க முடியும் என்பது பலருக்கும் மகிழ்ச்சியான செய்தியாக அமைந்துள்ளது.

நத்திங் போன் (2) வெளியானது முதல், அதன் தனித்துவமான வடிவமைப்பு, கிளிஃப் இன்டர்ஃபேஸ் (Glyph Interface) மற்றும் சுத்தமான ஆண்ட்ராய்டு அனுபவத்தால் பலரின் கவனத்தை ஈர்த்தது. குறிப்பாக, இதன் பின்னால் உள்ள எல்.ஈ.டி விளக்குகள், அழைப்புகள், நோட்டிஃபிகேஷன்கள் மற்றும் சார்ஜிங் போன்றவற்றுக்கு வெவ்வேறு வடிவங்களில் இருக்கும். இது பயனர்களுக்கு ஒரு புதிய அனுபவத்தைத் தருகிறது.

இந்த ஸ்மார்ட்போன், ஸ்னாப்ட்ராகன் 8+ ஜென் 1 ப்ராசஸர் மூலம் இயக்கப்படுகிறது. இது வேகமான மற்றும் மென்மையான செயல்திறனை வழங்குகிறது. மேலும், 6.7 இன்ச் LTPO OLED டிஸ்ப்ளே, 120Hz ரெஃப்ரெஷ் ரேட் ஆகியவையும் இதில் உள்ளன. கேமரா பிரிவில், 50MP பிரைமரி சென்சார் மற்றும் 50MP அல்ட்ரா-வைட் சென்சார் கொண்ட டூயல் கேமரா அமைப்பு உள்ளது. இதன் பேட்டரி திறன் 4700mAh ஆகும், இது 65W ஃபாஸ்ட் சார்ஜிங் மற்றும் 15W வயர்லெஸ் சார்ஜிங் ஆகியவற்றையும் ஆதரிக்கிறது.

இந்த ஸ்மார்ட்போனின் விலை குறைப்பு சலுகை, குறிப்பிட்ட இ-காமர்ஸ் தளங்கள் மற்றும் விற்பனையாளர்கள் மூலம் வழங்கப்படுகிறது. குறிப்பாக இந்த அதிரடி சலுகைகளை தற்போது ஃபிளிப்கார்ட் மற்றும் நத்திங்கின் அதிகாரப்பூர்வ இணையதளம் மூலமாக பெறலாம்.

இதில் வங்கி அட்டைகள் (Bank Cards) மூலம் கூடுதல் தள்ளுபடி, பரிவர்த்தனை சலுகைகள் (Exchange offers) மற்றும் இதர தள்ளுபடிகள் சேர்க்கப்படும் போது, ஸ்மார்ட்போனின் விலை கணிசமாகக் குறைகிறது. இது, அதிக விலையுள்ள பிரீமியம் போனை வாங்கும் கனவில் உள்ள நடுத்தர மக்களுக்கு ஒரு சிறந்த வாய்ப்பாக அமைந்துள்ளது.

ஐசிஐசிஐ வங்கி மற்றும் ஐடிஎஃப்சி ஃபர்ஸ்ட் பேங்க் கிரெடிட் கார்டுகளைப் பயன்படுத்தி ஸ்மார்ட்போனை வாங்கும் வாடிக்கையாளர்கள் உடனடித் தள்ளுபடியைப் பெறலாம். இதன் மூலம் அசல் விலையில் இருந்து ரூ.10,000 குறைந்து, அந்த ஸ்மார்ட்போன் ரூ.69,999க்குக் கிடைக்கிறது.

கூடுதலாக, எக்ஸ்சேஞ்ச் சலுகையின் கீழ், பழைய ஸ்மார்ட்போன்களை கொடுத்து வாங்குவதன் மூலம் ரூ.35,000 வரை தள்ளுபடி பெற முடியும். அதாவது ப்ரீமியம் ஃபோன்கள் (பிக்சல் 8, ஐபோன் 13, கேலக்ஸி எஸ்22 போன்றவை) இருந்தால் ரூ.30,000 முதல் ரூ.35,000 வரையிலான தள்ளுபடியைப் பெற முடியும். சாதாரண மிட்-ரேஞ்ச் ஃபோன்களுக்கேனும் ரூ.10,000 முதல் ரூ.15,000 வரை பெற முடியும்.

இதன்மூலம் 80 ஆயிரம் மதிப்புள்ள போனை தள்ளுபடியுடன் பாதி விலைக்கு வாங்கலாம். மேலும், மாதத் தவணை (EMI) விருப்பங்களும் உள்ளன. மாதத்திற்கு ரூ. 4,445 முதல் தவணை செலுத்தி போனை வாங்கலாம். கூடுதல் கட்டணமில்லா EMI விருப்பங்களும் கிடைக்கின்றன. வாடிக்கையாளர்கள் கூடுதல் பணம் செலுத்தி, நீட்டிக்கப்பட்ட வாரண்டி அல்லது பிற கூடுதல் சலுகைகளையும் பெறலாம்.

இந்தச் சலுகைகள், புதிய ஸ்மார்ட்போன் வாங்குபவர்களுக்கு ஒரு சிறந்த வாய்ப்பாக அமைந்துள்ளது. இந்த சலுகை எவ்வளவு காலம் நீடிக்கும் என்பது குறித்த அதிகாரப்பூர்வ தகவல் இன்னும் வெளியாகவில்லை. எனவே, வாங்க விரும்புபவர்கள் விரைந்து செயல்படுவது நல்லது.