ஐஏஎஸ் பயிற்சி மையங்களுக்கு ஷாக்: போலி விளம்பரத்தால் ₹8 லட்சம் அபராதம்!

போலி விளம்பரம் கொடுத்ததற்காக Dikshant IAS மற்றும் Abhimanu IAS ஆகிய இரண்டு நிறுவனங்களுக்குத் தலா ₹8 லட்சம் அபராதம் விதிக்கப்பட்டுள்ளது.

நுகர்வோர் பாதுகாப்புச் சட்டம் 2019-ஐ மீறியதற்காக, CCPA-வின் தலைமை ஆணையர் நிதி காரே மற்றும் ஆணையர் அனுபம் மிஸ்ரா ஆகியோர் இந்த இரண்டு நிறுவனங்கள் மீதும் இறுதி உத்தரவுகளைப் பிறப்பித்துள்ளனர்.

"பொதுவாக நுகர்வோரின் உரிமைகளைப் பாதுகாக்கவும், மேம்படுத்தவும், மேலும் 2019 நுகர்வோர் பாதுகாப்புச் சட்டத்தை மீறும் வகையில் எந்தவொரு தவறான அல்லது போலியான விளம்பரமும் வெளியிடப்படுவதில்லை என்பதை உறுதிப்படுத்தவும் இந்த முடிவு எடுக்கப்பட்டது," என்று நுகர்வோர் விவகாரங்கள், உணவு மற்றும் பொது விநியோக அமைச்சகம் தெரிவித்துள்ளது.

ஏன் அபராதம்? – நடந்த மோசடி என்ன?

ஐ.ஏ.எஸ். தேர்வில் வெற்றி பெற்றவர்களின் பெயர்கள் மற்றும் புகைப்படங்களை, அவர்களின் சம்மதம் இல்லாமல் இந்த நிறுவனங்கள் பயன்படுத்தி, தாங்கள்தான் வெற்றியை உருவாக்கினோம் என்று தவறான விளம்பரங்களை (Misleading Ads) கொடுத்ததுதான் குற்றச்சாட்டு.

இது நுகர்வோர் உரிமைகளைப் பாதிக்கும் 'நியாயமற்ற வர்த்தக நடைமுறை' (Unfair Trade Practice) என்று CCPA அறிவித்துள்ளது. மேலும், இந்த நடவடிக்கை 2019-ன் நுகர்வோர் பாதுகாப்புச் சட்டத்தை (Consumer Protection Act, 2019) மீறிய செயல் என்றும் CCPA தெரிவித்துள்ளது.

Dikshant IAS மீது நடவடிக்கை

Dikshant IAS நிறுவனம், 'UPSC CSE 2021-ல் 200+ வெற்றிகள்' என்று விளம்பரம் செய்தது.

வெற்றி பெற்ற மாணவர்கள் என்ன கோர்ஸில் (மாதிரி நேர்காணல் போன்ற சிறப்புக் கோர்ஸ்) படித்தார்கள் என்ற விவரத்தை மறைத்து விளம்பரம் செய்தது.

இந்த கோரிக்கைக்கு நம்பகமான ஆதாரத்தைக் காட்டத் தவறியதால், இது முழுப் பொய்யென அம்பலமானது.

• புகார் கொடுத்தவர்: UPSC தேர்வில் 96-வது ரேங்க் எடுத்த மினி சுக்லா (Mini Shukla) என்பவர், "நான் Dikshant-ல் படிக்கவே இல்லை, ஒரு 'Mock Interview' (மாதிரி நேர்காணல்) மட்டும்தான் அட்டெண்ட் செய்தேன்" என்று வெளிப்படையாகப் புகார் அளித்தார்.

• போலிக் கணக்கு: 200 வெற்றிகள் என்று சொன்ன அந்த நிறுவனம், வெறும் 116 மாணவர்களின் அட்மிஷன் படிவங்களை மட்டுமே காட்ட முடிந்தது.

• உண்மை மறைப்பு: மாதிரி நேர்காணல் கூட 'Chahal Academy' உடன் இணைந்துதான் நடத்தப்பட்டது. ஆனால், மாணவர்களிடம் அந்தத் தகவலை Dikshant IAS மறைத்துவிட்டது.

Abhimanu IAS மீது நடவடிக்கை

இந்த நிறுவனம் UPSC தேர்வில் 175-வது ரேங்க் எடுத்த நடேஷா கோயல் (Natasha Goyal) என்பவரைத் தங்கள் மாணவி என்று போலியாக விளம்பரப்படுத்தியது.

• நடந்தது என்ன? நடேஷா கோயலுக்கு இந்த நிறுவனம் ஒரு 'Question Bank' அனுப்பியது.

• ஆனால், நேர்காணல் கூட நடக்கவில்லை. அதற்கே, அவர் தங்கள் மாணவி என்று சொல்லி, சம்மதம் இல்லாமல் படத்தைப் பயன்படுத்தினார்கள்.

• நம்பமுடியாத கிளைம்கள்: இந்த நிறுவனம், 'HCS/PCS/HAS தேர்வுகளில் முதல் ரேங்க்' (HCS: ஹரியானா, PCS: மாகாண சிவில் சர்வீஸ், HAS: ஹிமாச்சலப் பிரதேச நிர்வாக சேவை), 'Top 10-ல் 10+ தேர்வுகள்' என்றெல்லாம் ஆதாரமில்லாத கோரிக்கைகளை வைத்து மாணவர்களை ஏமாற்றியுள்ளது.

• மேலும், 'ஆரம்பித்ததிலிருந்து 2200+ வெற்றிகள்' என்ற தங்கள் கோரிக்கைக்கும் ஆதாரம் கொடுக்க இந்த நிறுவனம் தவறியுள்ளது.

• தகவல் மறைப்பு: 2023-ல் நடந்த UPSC, HCS, RBI Grade-B, மற்றும் NABARD Grade-A போன்ற பல தேர்வுகளில் வெற்றி பெற்றவர்களின் பெயர்களையும், படங்களையும் விளம்பரங்களில் காட்டி, அந்த மாணவர்கள் எந்தச் சிறப்புக் கோர்ஸில் சேர்ந்தார்கள் என்ற முக்கியமான விவரத்தை மறைத்துள்ளது.

• ஆதாரம் இல்லை: இந்த நிறுவனம் வெற்றி பெற்றதாகக் கூறிய 139 மாணவர்களில், 88 பேர் Abhimanu IAS-ன் எந்த முக்கியப் பயிற்சியையும் பெறாமல், சுயமாகப் படித்து Prelims மற்றும் Mains தேர்வுகளில் வெற்றி பெற்றவர்கள் என்று விசாரணையில் உறுதியானது.

• அதாவது, இவர்களின் வெற்றியை நிறுவனம் பொய்யாக உரிமை கொண்டாடியுள்ளது.

CCPA-வின் எச்சரிக்கை

இதுவரை இதுபோன்ற தவறான விளம்பரங்களுக்காக 57 பயிற்சி நிறுவனங்களுக்கு நோட்டீஸ் அனுப்பப்பட்டுள்ளது.

27 நிறுவனங்களுக்கு மொத்தம் ₹98.6 லட்சத்துக்கும் அதிகமான அபராதம் விதிக்கப்பட்டுள்ளது.

ஐஏஎஸ் கனவுடன் வரும் மாணவர்களின் நம்பிக்கையை இதுபோன்ற போலியான விளம்பரங்களால் நிறுவனங்கள் சிதைக்கக் கூடாது என்று CCPA தலைமை ஆணையர் நிதி காரே உறுதியாகத் தெரிவித்துள்ளார்.

மாணவர்களுக்கான செய்தி: எந்தப் பயிற்சி மையத்தில் சேருவதற்கு முன்பும், அங்கு வெற்றி பெற்றதாகக் கூறப்படும் மாணவர்களின் தகவல்களைச் சரிபார்க்க வேண்டியது மிக அவசியம். கண்மூடித்தனமாக விளம்பரங்களை நம்பி ஏமாற வேண்டாம்!