செய்திகள்

கர்நாடக முதல்வர் சித்தராமையா பதவிக்கு ஆபத்தா?

கர்நாடக முதல்வர் சித்தராமையா பதவிக்கு ஆபத்தா?
S CHANDRA MOULI
S CHANDRA MOULI

எஸ். சந்திர மௌலி (S Chandra Mouli) எஸ். சந்திர மௌலி கடந்த நாற்பதாண்டுகளாக கல்கி குழும பத்திரிகைகளில் எழுதிவரும் மூத்த பத்திரிகையாளர். கல்கி வெளியிட்ட பல்வேறு சிறப்பிதழ்கள், மற்றும் தீபாவளி மலர்கள், தொழில் மலர்கள், விடுமுறை மலர்களுக்காக இந்தியாவின் பல்வேறு பகுதிகளுக்கும் பயணம் செய்தவர். 2008ல் கல்கி வெளியிட்ட “குஜராத் டுடே” சிறப்பிதகளுக்காக ஒரு வார காலம் குஜராத் முழுவதும் பயணித்து, குஜராத்தின் வளர்ச்சியை நேரில் கண்டு, எழுதியவர். சமூக அக்கறையோடு கல்கி மேற்கொண்ட “மாதம் ஒரு மாவட்டம்” திட்டத்தில் தமிழ்நாட்டின் பல்வேறு மாவட்டங்களுக்கும் பயணித்து பங்களித்தவர். வாஜ்பாய், வி.பி.சிங் தொடங்கி மன்மோகன் சிங், நரேந்திர மோடி வரை ஏழு இந்தியப் பிரதமர்களை சந்தித்து பேட்டி கண்டவர். எல்.கே.அத்வானி, முரளி மனோகர் ஜோஷி, என்.டி.ஆர், ஜோதி பாசு, வெங்கையா நாயுடு, நிர்மலா சீதாராமன், சிவாஜி கணேசன், ரஜினி காந்த், கமலாசன், ஜெமினிகணேசன், சூர்யா, மணிரத்னம், கிரிக்கெட்டர் ஸ்ரீக்காந்த், விக்கு வினாயகராம். உமையாள்புரம் சிவராமன், வயலின் கன்யாகுமரி, ஜெயகாந்தன், நாஞ்சில் நாடன், கவிஞர் வைரமுத்து, கவிஞர் மு.மேத்தா, நா. முத்துகுமார், சோ ராமசாமி என பல்துறைப் பிரபலங்களையும் பேட்டி கண்டு எழுதியவர். இயக்குனர் ஸ்ரீதர், நடிகர் நாகேஷ், ஓவியர் கோபுலு, இயக்குனர் எஸ்பி. முத்துராமன், திருமதி ஒய்,ஜி.பி. ஃபிலிம் நியூஸ் ஆனந்தன், நடிகர் ஏ.ஆர்.எஸ். மெஜிக் நிபுணர் லால் உள்ளிட்ட பலரது வாழ்க்கை அனுபவங்களை இவர் தொடராக எழுதி, அவை பின்னர் புத்தகங்களாக வெளியாகி உள்ளன. இயக்குனர் மணிரத்னத்தின் பொன்னியின் செல்வன் திரைப்படம் வெளியானபோது, இளைய தலைமுறையினருக்கு அமரர் கல்கி பன்முகச் சாதனை வாழ்க்கையை அறிமுகப்படுத்தும் நோக்கத்துடன் “கல்கி-பொன்னியின் செல்வர்” என்ற தலைப்பில் அவரது வாழ்க்கை வரலாற்றை சுவைபட எழுதியவர். பெண்சிசுக் கொலை தொடர்பான கட்டுரைக்கு “லாட்லி விருதும்”, ரோட்டரி சங்கத்தின் “சாதனை விருதும்” பெற்றவர். தற்போது madraspaper இணைய வார இதழில் “ஓரு குடும்பக் கதை: என்ற தலைப்பில் இந்திய அரசியலில் நேரு குடும்பத்தின் பங்களிப்பு குறித்த நெடுந்தொடர் ஒன்றை எழுதி வருகிறார். சோ குறித்த ஒரு புத்தகத்தை எழுதிக் கொண்டிருக்கிறார்.

Updated on: 

சட்டசபைத் தேர்தலில் தனிப்பெரும் கட்சியாக வெற்றி பெற்று, ஆட்சி அமைக்க வாய்ப்பு கிடைத்தாலும், யார் காங்கிரஸ் முதலமைச்சர் என்பதை முடிவு செய்ய அந்தக் கட்சி மிகவும் திணறியது பழைய கதை. கட்சி மேலிடம் சித்தராமையாவுக்கும் அவருக்குப் போட்டியாக விளங்கும் டி கே சிவகுமாருக்கும் இடையில் சமாதானம் செய்து வைத்து, சித்தராமையா முதலமைச்சர் ஆவதற்கு வழி செய்து கொடுத்தது.

ஐந்தாண்டு கால ஆட்சியில் முதல் இரண்டரை ஆண்டு காலம் சித்தராமையாவும், அடுத்த இரண்டரை ஆண்டு காலம் சிவகுமாரும் முதலமைச்சராக இருப்பது என்பதுதான் காங்கிரஸ் கட்சி மேலிடம் உருவாக்கிய சமாதான பார்முலா என்று சொல்லப்பட்டது.

மொத்தம் 224 சட்ட மன்ற உறுப்பினர்களைக் கொண்டது கர்நாடக சட்ட மன்றம். இதில் காங்கிரஸ் எம்.எல்.ஏ.க்களின் எண்ணிக்கை 135. பா.ஜ.க.வுக்கும், மதசார்பற்ற ஜனதா தளத்துக்கும் முறையே 66 எம்.எல்.ஏ.க்களும் 19 எம்.எல்.ஏ.க்களும் உள்ளனர்.ஆனால், காங்கிரஸ் கட்சி எம்.எல்.ஏ.க்கள். சித்தராமையா ஆதரவாளர்கள், சிவகுமார் ஆதரவாளர்கள் என்று இரண்டு கோஷ்டிகளாகப் பிரிந்து கிடக்கிறார்கள்.

சித்தராமையா பதவி ஏற்பதற்கு முன்பாக கட்சிக்குள் ஏற்பட்ட சலசலப்பு, அவர் முதல்வராகப் பதவி ஏற்றதைத் தொடர்ந்து சற்றே அடங்கி இருந்தது. ஆனால், அண்மைக் காலமாக, சிவகுமார் ஆதரவாளர்கள், வாய்ப்புக் கிடைக்கும்போதெல்லாம், தங்கள் தலைவர் முதலமைச்சர் ஆக வேண்டும் என்ற கருத்தை பொது வெளியில் வலியுறுத்தி வருகிறார்கள்.

அண்மையில் சட்டசபையில் காங்கிரஸ் கட்சியின் கொறடாவான அஷோக் பட்டன் என்பவர், மீண்டும் சிவகுமார் சர்ச்சையை எழுப்பி இருக்கிறார். ”கர்நாடக மந்திரி சபையில் மாற்றம் கோண்டுவரவேண்டிய தருணம் வந்துவிட்டது” என்று கொளுத்திப் போட, மறுபடியும் சர்ச்சைத் தீ பற்றிக் கொண்டு விட்டது.

எரியும் நெருப்பில் எண்ணெய் ஊற்றினாற்போல, பசவராஜ் சிவகங்கா என்ற காங்கிரஸ் எம் எல் ஏ. தன் பங்குக்கு, ‘காங்கிரஸ் எம் எல் ஏ க்களில் சுமார் 70 பேர், சிவகுமார் முதலமைச்சர் ஆவதற்கு ஆதரவாக இருக்கிறார்கள் என்று ஒரு குண்டைப் போட்டிருக்கிறார்.

இந்த செய்தி வெளியானதும், கலக்கமுற்ற சித்தராமையா தன் ஆதரவாளர்களான எம் எல் ஏ களிடம் பேசி, தன் பொசிஷனை வலுப்படுத்திக் கொள்ளும் ரகசிய நடவடிக்கைகளில் ஈடுபட்டதாகத் தெரிகிறது..

சிவகுமார் தன் பங்குக்கு தன் ஆதரவு எம் எல் ஏ கோஷ்யிடம், “ பொது வெளியில், இப்படி ஓப்பனாக முதலைச்சருக்கு எதிரான கருத்துக்களைத் தெரிவிக்க வேண்டாம். அமைதியாக இருங்கள்” என்று உத்தரவிட்டிருக்கிறார்.

Siddaramaiah
Karnataka Deputy C.M.