சுருக்குப்பை செய்திகள்(09.03.2024)

திமுக கூட்டணியில் விடுதலை சிறுத்தை கட்சிக்கு 2 தொகுதிகள், மதிமுகவிற்கு 1 தொகுதி ஒதிக்கீடு என்று அறிவுப்பு. தனி சின்னத்தில் போட்டியிடப் போவதாக திருமாவளவன், வைக்கோ தெரிவிப்பு.

திமுக காங்கிரஸ் இடையே தொகுதி பங்கீடு ஒப்பந்தம் கையெழுத்திட நாளை மீண்டும் பேச்சு வார்த்தை தொடரும்.

த.வெ.க-த்தில் முதல் நபராக இணைந்து உறுப்பினர் சேர்க்கையை தொடங்கி வைத்தார் விஜய். மக்கள் ஆட்சி, மதர்சார்பின்மை, சமூக நிதி பாதையில் பயணிக்க மக்களுக்கு அழைப்புவிடுத்தார்.

TNPSC தகவல் படி, 6000 காலி இடங்களைக் கொண்ட குரூப்-4 தேர்விற்கு 20 லட்சம் பேர் விண்ணப்பம் செய்துள்ளனர்.

'விலைவாசியை கடுமையாக உயர்த்திவிட்டு பிரதமர் மோடி மகாத்மா காந்தி போல் பேசுகிறார்' - அதிமுக முன்னாள் அமைச்சர் திண்டுக்கல் ஸ்ரீனிவாசன் பிரதமர் மோடி குறித்த விமர்சனம்.

தகதகிக்கும் தமிழ்நாடு! வெயில் கொளுத்தத் தொடங்கியாச்சு!

6 இடங்களில் 100 டிகிரி பாரன்ஹீட்டைத் தாண்டியது வெயில். அதிகபட்சமாக ஈரோட்டில் 103 வெப்பம் பதிவு.

ஓ. பன்னீர் செல்வம் தன் ஆதரவாளர்களுடன் நேற்று நள்ளிரவில் யோசனை. பாஜக கூட்டணிப் பற்றி பேச்சுவார்த்தை நடத்த 7 பேர் கொண்ட கொண்ட குழு அமைப்பது குறித்து உரையாடல்.

காங்கிரஸ் கட்சியில் 39 பேர் கொண்ட முதற்கட்ட வேட்பாளர் பட்டியலில் வயநாடு தொகுதியில் ராகுல் காந்தி, திருவனந்தபுரத்தில் சசி தரூர் மீண்டும் போட்டி என்ற தகவல் தெரிவிக்கப்பட்டுள்ளது.

மகாசிவராத்திரியை முன்னிட்டு தஞ்சை பெரிய கோவிலில் பக்தர்கள் நீண்ட நேரம் காத்திருந்து சாமி தரிசனம். பரத நாட்டிய கலைஞர்களின் நாட்டிய அஞ்சலி கோலாகலம்.

கட்சியில் இணைந்து மக்கள் பணி செய்ய விரும்புவர்கள் QR Code இணைப்புகளைப் பயன்படுத்தி உறுப்பினர் அட்டையை பெற்றுக்கொள்ளலாம் என்று த.வெ.க தலைவர் விஜய் அறிவித்ததையடுத்து, செயலியில் 40 நிமிடங்கள் ஒரு கோடி கோரிக்கைகள் குவிந்தன. இதனால், செயலியே ஸ்தம்பித்துப் போனது.

பத்மஸ்ரீ திருமதி.சின்னப் பிள்ளை அவர்களுக்கு கலைஞரின் கனவு இல்லம் திட்டத்தின்கீழ் உடனடியாக வீடு வழங்கிட மாண்புமிகு தமிழ்நாடு முதலமைச்சர் திரு.மு.க.ஸ்டாலின் அவர்கள் உத்தரவு.