இந்த 40 நாட்டு மக்களுக்கு இலங்கை செல்ல விசா தேவையில்லை…. இந்தியா உள்ளதா?

இலங்கைக்கு வரும் சுற்றுலாப் பயணிகளின் எண்ணிக்கையை அதிகரிக்கும் நோக்கில், 40 நாடுகளைச் சேர்ந்த சுற்றுலாப் பயணிகளுக்கு இலவச விசா வழங்க இலங்கை அரசு முடிவு செய்துள்ளது. இது நாட்டின் சுற்றுலாத்துறைக்கு ஒரு புதிய உத்வேகத்தை அளிக்கும் என எதிர்பார்க்கப்படுகிறது.

இலங்கையின் சுற்றுலாத்துறை அமைச்சர், இந்த அறிவிப்பை வெளியிட்டுள்ளார். ஏற்கனவே சில நாடுகளுக்கு இலவச விசா வழங்கப்பட்டு வரும் நிலையில், தற்போது மேலும் 40 நாடுகளின் பயணிகள் 30 நாட்கள் வரை இலங்கையில் விசா கட்டணம் இன்றி தங்கியிருக்க முடியும். இது ஒரு சோதனைத் திட்டமாக அறிமுகப்படுத்தப்பட்டுள்ளது.

அதாவது, இந்தியா, சீனா, ரஷ்யா, மலேசியா, ஜப்பான், இந்தோனேசியா மற்றும் தாய்லாந்து ஆகிய நாடுகளின் பயணிகளுக்கு ஏற்கனவே இலவச விசா வழங்கப்பட்டு வருகிறது. இந்த வரிசையில் தற்போது ஐக்கிய இராச்சியம், ஜெர்மனி, நெதர்லாந்து, பெல்ஜியம், ஸ்பெயின், ஆஸ்திரேலியா, போலாந்து, கசகஸ்தான், சவுதி அரேபியா, ஐக்கிய அரபு அமீரகம், நேபாளம், பிரான்ஸ், ஐக்கிய அமெரிக்கா, கனடா, செக் குடியரசு, இத்தாலி, சுவிட்சர்லாந்து, ஆஸ்திரியா, இஸ்ரேல், பெலாரஸ், ஈரான், சுவீடன், பின்லாந்து, டென்மார்க், தென் கொரியா, கட்டார், ஓமான், பஹரைன், நியூசிலாந்து, குவைத், நோர்வே, துருக்கி, பாகிஸ்தான் ஆகிய 40 நாடுகள் சேர்க்கப்பட்டுள்ளன.

சுற்றுலாப் பயணிகளின் வருகையை ஆண்டுதோறும் 2.3 மில்லியனாக உயர்த்தும் இலக்கை இலங்கை அரசு நிர்ணயித்துள்ளது. இந்த இலக்கை அடைவதற்கு, இலவச விசா திட்டம் ஒரு முக்கியப் படியாக அமையும் என்று சுற்றுலாத்துறை வட்டாரங்கள் தெரிவிக்கின்றன. இதன் மூலம், உலகின் பல்வேறு பகுதிகளில் இருந்தும் அதிக சுற்றுலாப் பயணிகளை ஈர்க்க முடியும் என எதிர்பார்க்கப்படுகிறது.

இலங்கையின் அழகான கடற்கரைகள், வரலாற்றுச் சிறப்புமிக்க இடங்கள், வனவிலங்குகள் மற்றும் கலாச்சாரச் செழுமை ஆகியவை உலகெங்கிலும் உள்ள சுற்றுலாப் பயணிகளை ஈர்த்து வருகின்றன. இந்த இலவச விசா திட்டம், இலங்கையை ஒரு சிறந்த சுற்றுலா தலமாக மேலும் பிரபலப்படுத்தும் என்பதில் சந்தேகமில்லை. இது நாட்டின் பொருளாதார வளர்ச்சிக்கும் பெரிதும் உதவும் என நம்பப்படுகிறது.