22 கோடியில் ராமர் பூங்கா… எங்கு தெரியுமா?

22 கோடி செலவில்  ‘ரா​மாயண் வாட்​டி​கா’ என்ற பெயரில் ஒரு புதிய பூங்கா 6 ஏக்கரில் அமைக்​கப்​படு​கிறது.

வட இந்தியாவில் ராமர் கோவில்களை அதிகம் காணலாம். அயோத்தி ராமர் கோவிலே அதற்கு சாட்சி. இதுபோன்ற ஏராளமான கோவில்கள்  உள்ளன. ராமரின் தீவிர பக்தர்கள் அவ்வப்போது சில பூங்காக்களையும், சிலைகளையும் கட்டி வருகின்றனர். அதேபோல்தான் அரசும் ராம பக்தர்களின் மனதைப் பூர்த்தி செய்ய இதுபோன்ற பல ஏற்பாடுகளை செய்து வருகிறது.

அதேபோல்தான் தற்போது உத்தர பிரதேசத்தில், ராமர் பூங்கா அமைக்கப்படவுள்ளது இதில் 51 அடி கொண்ட ராமர் சிலையும் வடிக்கப்படவுள்ளது. இந்த சிலையை குஜ​ராத் மாநிலத்​தில் அமைக்கப்பட்டுள்ள உலகின் மிகப்​பெரிய 182 மீட்டர் உயர வல்லபாய் படேல் சிலையை வடித்திருந்த பத்ம ஸ்ரீராம் சுத்​தார்தான் வடிவமைக்கவுள்ளார்.

ராமர் கடந்து சென்ற சித்​ரகுட், கிஷ்கிந்​தா, துரோணகிரி உள்​ளிட்ட 6 வனப்​பகு​தி​களின் 60 சிற்​பக் காட்​சிகளும் பூங்​கா​வில் வடிவ​மைக்​கப்​படு​கின்​றன.

இப்பூங்காவின் பணிகள் முடிவடையவுள்ளன. இதனைத்தொடர்ந்து மலர்க் கண்காட்சி ஏற்பாடு செய்யப்பட்டிருந்தது. கடந்த வெள்​ளிக்​கிழமை தொடங்​கிய மலர்க் கண்​காட்சி ஞாயிற்றுக்கிழமையுடன் முடிவடைந்​ததாக கூறப்படுகிறது.

இந்த ராமர் பூங்காவில் சில மாதங்களுக்கு முன்னர்  ஏறக்குறைய 1,600 பூஞ்​செடிகள் நடப்​பட்​டன. மலர்​களால் அலங்​கரிக்​கப்​பட்ட ராமர், சீதை, ஹனு​மன் உள்​ளிட்ட கடவுள்​களின் வடிவங்​கள் மலர்​களால் அலங்​கரிக்கப்பட்டு காட்சிப்படுத்தப் பட்டிருந்தன. இதற்​காக சுமார் 50,000 வகைப் பூக்​கள் பயன்​படுத்​தப்​பட்​டன. சிவபெரு​மானை ராமர் புகழ்ந்து பாடும் வகை​யில் பாபா கேதார்​நாத் கோயி​லின் மாதிரி, மலர்​களால் செய்​யப்​பட்​டுள்​ளது.

மலர்க் கண்​காட்​சி​யில் ராமாயணத்​தில் ராமர் கடந்து சென்ற வனத்​தில் பூத்த மலர்​களும் காட்​சிப்​படுத்​தப்​பட்​டன. முழு தோட்​ட​மும் லட்​சக்​கணக்​கான மலர்​களால் அலங்​கரிக்​கப்​பட்டிருந்தது.

இதுபோன்ற பெரிய அளவிலான ராமர் பூங்கா இந்தியாவில் பெரிய சுற்றுலா இடமாக இருக்கும் என்றே எதிர்பார்க்கப்படுகிறது.

ஏற்கனவே பல மாநிலங்களில் ஆன்மீக பூங்கா, புராணக்கதைகளின் பூங்கா போன்ற எண்ணற்ற பூங்காக்கள் இருந்து வருகின்றன. இருப்பினும் பலருக்கு விருப்பமான பூங்காவாக இது இருக்கும் என்றே கூறப்படுகிறது.