ரேஷன் அட்டைதாரர்களுக்கு ஷாக்..! இனி குடும்பத்திற்கு 35 கிலோ அரிசி கிடையாது..!!

அந்தியோதயா அன்ன யோஜனா திட்டத்தில் குடும்பத்திற்கு 35 கிலோ உணவு தானியத்துக்கு பதில் நபர் ஒருவருக்கு 7 கிலோ வீதம் உணவு தானியம் வழங்க மத்திய அரசு சட்ட திருத்தம் கொண்டு வருகிறது.

மத்திய அரசின் அந்தியோதயா அன்ன யோஜனா (Antyodaya Anna Yojana - AAY) திட்டம், நாட்டின் மிக ஏழ்மையான குடும்பங்களுக்கு உணவு பாதுகாப்பை உறுதி செய்வதற்காக 2000-ஆம் ஆண்டு தொடங்கப்பட்டது. இத்திட்டத்தின் கீழ் தகுதியான குடும்பங்களுக்கு ரேஷன் கடைகள் மூலம் மலிவு விலையில் உணவு தானியங்கள் வழங்கப்படுகின்றன. அதன்படி, நாட்டின் ஏழைகளிலும் ஏழைகளான பரம ஏழைகளுக்கு மாதந்தோறும் இலவசமான உணவு தானியம் வழங்க ‘அந்தியோதயா அன்ன யோஜனா’ திட்டத்தை மத்திய அரசு செயல்படுத்தி வருகிறது.

இந்த திட்டத்தின் கீழ், நிலமற்ற விவசாயத் தொழிலாளர்கள், கைவினைஞர்கள், விதவைகள், முதியவர்கள் (60 வயதுக்கு மேற்பட்டவர்கள்), மாற்றுத்திறனாளிகள் மற்றும் ஆதரவற்றோர் முன்னுரிமை பெற்று பயனடைகின்றனர். இத்திட்டத்தின் கீழ் தகுதியான பயனாளிகளுக்குச் சிறப்பு மஞ்சள் அல்லது பிங்க் நிற ரேஷன் கார்டுகள் வழங்கப்படுகின்றன.

ஒரு குடும்பத்திற்கு மாதந்தோறும் 35 கிலோ அரிசி அல்லது கோதுமை இலவசமாக வழங்கப்படுகிறது. அந்த குடும்பத்தில் எத்தனை பேர் இருந்தாலும், 35 கிலோ உணவு தானியம் வழங்கப்படுகிறது. முன்னிரிமை குடும்பங்கள் (பிஹெச்) என்ற பிரிவில் வருபவர்களுக்கு குடும்பத்தில் உள்ள நபர் ஒருவருக்கு 5 கிலோ உணவு தானியம் வழங்கப்பட்டு வருகிறது. இதனால் 8 பேர் இருந்தாலும் 35 கிலோ மட்டுமே ஒரு குடும்பத்திற்கு கிடைக்கும் நிலையில் முன்னுரிமை குடும்பங்களுக்கு 40 கிலோ கிடைக்கிறது.

இது குறித்து உணவு அமைச்​சகம் வெளி​யிட்ட அறிக்​கை​யில், “மிகவும் நலிந்த குடும்​பங்​களுக்​கான பாது​காப்பு நடவடிக்கையாக உரு​வாக்​கப்​பட்ட அந்​தி​யோதயா அன்ன யோஜனா திட்​டத்​தின் தற்​போதைய குடும்​பம் சார்ந்த ஒதுக்​கீட்டு முறை, குடும்​பத்​தின் அளவைப் பொறுத்து குறிப்​பிடத்​தக்க ஏற்றத்தாழ்​வு​களை ஏற்​படுத்​துகிறது.

புதிய மசோ​தா​வின்​படி, 2 உறுப்​பினர்​களைக் கொண்ட ஏஏஒய் குடும்​பத்​துக்கு மாதம் 14 கிலோ உணவு தானி​யம் கிடைக்​கும். அதே வேளை​யில், 5 அல்​லது அதற்கு மேற்​பட்ட உறுப்​பினர்​களைக் கொண்ட குடும்​பத்​துக்கு தற்​போதுள்ள அதி​கபட்ச வரம்​பான 35 கிலோ வழங்​கப்​படும்.

‘தேசிய உணவுப் பாது​காப்​புச் சட்​டம், 2013’ன் நோக்​கங்​களுக்கு இணங்க, மலிவு விலை​யில் தரமான மற்​றும் போது​மான அளவு உணவை உறுதி செய்​யும் மனித வாழ்க்​கைச் சுழற்சி அணுகு​முறை மூலம் உணவு மற்​றும் ஊட்​டச்​சத்து பாது​காப்பை வலுப்படுத்​தும் அரசின் பரந்த முயற்​சி​யின் ஒரு பகு​தி​யாகவே இந்தத் திருத்​தம் வடிவ​மைக்​கப்​பட்​டுள்​ளது” என கூறப்​பட்​டுள்​ளது.

எனவே குடும்பத்தில் உள்ளவர்களின் எண்ணிக்கைக்கு ஏற்ப உணவு தானியம் வழங்கும் வகையில், அந்தியோதயா அன்ன யோஜனா திட்டத்தை மாற்றி அமைக்க மத்திய அரசு திட்டமிட்டுள்ளது. அதன்படி நபர் ஒருவருக்கு 7 கிலோ உணவு தானியம் வழங்கப்படும். 2 பேர் உள்ள குடும்பங்களுக்கு 14 கிலோ உணவு தானியம் மட்டுமே கிடைக்கும்.

குடும்பத்தில் 5 பேர் அல்லது அதற்கு மேல் இருந்தாலும் 35 கிலோ உணவு தானியம் என்ற உச்சவரம்பில் மாற்றம் இருக்காது. குறைந்த உறுப்பினர்கள் கொண்ட குடும்பங்களுக்கு குறைவாகவும், அதிக உறுப்பினர்கள் கொண்ட குடும்பங்களுக்கு 35 கிலோ உச்சவரம்புடனும் உணவு தானியம் கிடைக்கும்.

இந்த மாற்றத்துக்காக தேசிய உணவு பாதுகாப்பு சட்டத்தில் திருத்தம் கொண்டுவர மத்திய அரசு திட்டமிட்டுள்ளது. இந்த திருத்தங்களுடன் கூடிய ‘தேசிய உணவு பாதுகாப்பு திருத்த மசோதா-2026’ குறித்து ஜூலை 13-ம்தேதிக்குள் பொதுமக்கள் கருத்து தெரிவிக்கலாம் என்று மத்திய உணவு அமைச்சம் அழைப்பு விடுத்துள்ளது. தேசிய உணவு பாதுகாப்பை வலுப்படுத்தும் நோக்கத்துடன் இந்த மாற்றத்தை செய்வதாக மத்திய உணவு அமைச்சகம் கூறியுள்ளது.

தற்​போது, முன்​னுரிமைக் குடும்பங்கள் மற்​றும் ஏஏஒய் குடும்​பங்​கள் ஆகிய இரு பிரிவினருக்​கும் அரிசி மற்​றும் கோதுமை இலவச​மாக வழங்கப்படு​கின்​றன என்பது குறிப்​பிடத்​தக்​கது.

உங்கள் பகுதியில் இத்திட்டம் தொடர்பான கூடுதல் விவரங்களை அறியவும், புதிய விண்ணப்பங்களின் தகுதியைச் சரிபார்க்கவும் அதிகாரப்பூர்வ இந்திய தேசிய உணவுப் பாதுகாப்பு போர்ட்டலை (NFSA) அணுகலாம். மேலும், பொது விநியோகத் திட்ட சேவைகளுக்கு உங்கள் மாநில அரசின் தமிழ்நாடு நுகர்பொருள் வாணிபக் கழக இணையதளத்தைப் பயன்படுத்தலாம்.