தனி மனித உரிமையை பாதுகாத்து, மார்பக புற்றுநோயை கண்டறியும் தெர்மலடிக்ஸ் இயந்திரம்!

மும்பையிலுள்ள KEM (King Edward Momorial) Hospital -இல், மார்பக புற்று நோய் கொண்டவர்கள் பலர் உள்ளனர். பெண்களின் ப்ரைவசி கருதி, அவர்களுக்காக, தனியாக ஒரு பகுதி (Ward ) அமைக்கப்பட வேண்டுமென்ற வேண்டுகோள் 15 வருடங்களுக்குப் பின் தற்போது செயல் படுத்தப்பட்டிருப்பது நிறைவான விஷயமாகும். தவிர, தெர்மலடிக்ஸ் இயந்திரமும் KEMல் வைக்கப்பட்டுள்ளது.

தெர்மலடிக்ஸ் :-

தெர்மலடிக்ஸ் இயந்திரம் மும்பையிலுள்ள KEM மருத்துவமனையில், மார்பக புற்று நோயைக் கண்டறிய புதியதாக வைக்கப்பட்டுள்ளது. இது ஒரு குறிப்பிடத்தக்க முன்னேற்றமாகும். மார்பக புற்று நோயை ஆரம்பத்திலேயே கண்டறியக்கூடிய தெர்மலடிக்ஸ் இயந்திரம், AI -ஐ அடிப்படையாகக் கொண்டது. தெர்மலடிக்ஸ் மூலம், 30 வயதிற்கு மேற்பட்ட சுமார் 7,000 பெண்களுக்கு Mammography செய்ய இயலுமெனக் கூறப்படுகிறது.

தெர்மலடிக்ஸ் இயந்திரத்தின் முக்கிய அம்சங்கள் :-

• கதிர் வீச்சை பயன்படுத்தாததால், பாதுகாப்பான முறையாகும்.

• தெர்மலடிக்ஸ் ஒரு சிறிய போர்ட்டபிள் இயந்திரம். பரவலாகப் பயன்படுத்தலாம்.

• நோயாளியின் உடலில் இருந்து, ஆடையை அகற்ற தேவையில்லை. தெர்மலடிக்ஸை உபயோகிக்கையில் தொடுதல் கிடையாது. தனி மனித உரிமையை பாதுகாக்கும் விதத்தில் தெர்மலடிக்ஸ் அமைக்கப்பட்டுள்ளது.

• மார்பக புற்று நோயை மிகத் துல்லியமாக கண்டறியக் கூடியது தெர்மலடிக்ஸ் இயந்திரம். மேலும், மார்பக அடர்த்தியுள்ள பெண்களுக்கும் பயனளிக்கும் விதத்தில் அமைக்கப்பட்டுள்ளது.

• தெர்மலடிக்ஸ் இயந்திரத்தை, மகாராஷ்ட்ரா மற்றும் பிற மாநிலங்களுக்கும் எளிதாக எடுத்துச் சென்று மார்பக புற்றுநோய் ஸ்கீரினிங் முகாம் நடத்தி விழிப்புணர்வை ஏற்படுத்தலாம்.

உபரி தகவல்கள் :-

• பெங்களூரில் இருக்கும் "Nirmai Health Analytix", தெர்மலடிக்ஸ் இயந்திரத்திற்கு பின்னால் செயல்படும் நிறுவனமாகும்.

• தெர்மலடிக்ஸ்ஸின் விலை ரூபாய் 50 லட்சம்.

• KEM - இல் Innovation study செய்வதின் பொருட்டு, தெர்மலடிக்ஸ் இயந்திரத்தை MCGM இலவசமாக வழங்கியுள்ளது.

• தெர்மலடிக்ஸ் இயந்திரத்தின் முன்பாக நோயாளி அமர்ந்தால் போதும். மார்பகங்களை அழுத்த வேண்டாம். குறைந்த பட்சம், 15 நிமிடங்களுக்குள், டெஸ்ட் செய்து ரிப்போர்ட் கிடைத்துவிடும்.

• ப்ரைவேட் மருத்துவமனைகளில், Mammography, Surgery, Chemeo theraphy போன்றவற்றிற்கு லட்சக்கணக்கில் பணம் செலவாகும். KEM மருத்துவமனையில் அனைத்தும் இலவசம். தவிர, மகாத்மா ஜ்யோத்ராவ் புலே ஜன ஆரோக்ய யோஜனாவும் (MPJAY) இதற்கு உதவுகிறது.

• மார்பக புற்றுநோய்க்கென உருவாக்கப்பட்டிருக்கும் புதிய மருத்துவ டெக்னாலஜி (தெர்மலடிக்ஸ்) மற்றும் ஸ்பெஷல் வார்டு அமைப்பு ஆகியவை பாராட்டப்பட வேண்டியவை.