AIMS மருத்துவமனையில் காத்திருக்கும் ஆயிரக்கணக்கான வேலைகள்! விவரம் உள்ளே!

அகில இந்திய மருத்துவ அறிவியல் கழகம் (AIIMS) நாடு முழுவதும் உள்ள அதன் மருத்துவமனைகள் மற்றும் மத்திய அரசு மருத்துவமனைகளில் காலியாக உள்ள 3,496 குரூப் 'பி' மற்றும் 'சி' பிரிவுகளில் உள்ள பணியிடங்களை நிரப்புவதற்கான பொது ஆட்சேர்ப்புத் தேர்வை (Common Recruitment Examination - CRE 2025) அறிவித்துள்ளது. அரசு வேலை தேடும் இளைஞர்களுக்கு இது ஒரு பொன்னான வாய்ப்பாக அமைந்துள்ளது.

இந்த பணியிடங்களுக்கான ஆன்லைன் விண்ணப்பப் பதிவு கடந்த ஜூலை 12, 2025 அன்று தொடங்கியது. விண்ணப்பிப்பதற்கான கடைசி தேதி ஜூலை 31, 2025 ஆகும். மேலும் இதன் கணினி வழித் தேர்வு (CBT) ஆகஸ்ட் 25 மற்றும் 26, 2025 ஆகிய தேதிகளில் நடைபெறும் என அறிவிக்கப்பட்டுள்ளது.

பணியிடங்களின் விவரங்கள்:

மொத்தம் 3,496 பணியிடங்கள் அறிவிக்கப்பட்டுள்ளன. இதில் அப்பர் டிவிஷன் கிளர்க் (UDC - 685), மல்டி-டாஸ்கிங் ஸ்டாஃப் (MTS - 24), பார்மசிஸ்ட் (311), OT அசிஸ்டெண்ட் (237), ஜூனியர் மெடிக்கல் லேப் டெக்னாலஜிஸ்ட் (377), ஜூனியர் ரேடியோகிராஃபர் (79), நர்சிங் அட்டெண்டெண்ட் (24), ஹாஸ்பிடல் அட்டெண்டெண்ட் கிரேடு-III (47) உட்பட பல்வேறு வகையான பணியிடங்கள் அடங்கும். மேலும், டயட்டீஷியன், ஜூனியர் இன்ஜினியர், அசிஸ்டெண்ட் அட்மினிஸ்ட்ரேட்டிவ் ஆபிஸர் போன்ற நிர்வாக மற்றும் தொழில்நுட்பப் பணிகளும் இதில் உள்ளன.

கல்வித் தகுதி:

பணியிடங்களின் தன்மைக்கேற்ப கல்வித் தகுதிகள் மாறுபடும். 10ஆம் வகுப்பு, 12ஆம் வகுப்பு தேர்ச்சி பெற்றவர்கள் முதல் டிப்ளோமா, இளங்கலை, முதுகலைப் பட்டம் பெற்றவர்கள் வரை பல்வேறு பணிகளுக்கு விண்ணப்பிக்கலாம். முழுமையான கல்வித் தகுதி விவரங்களை AIIMS-ன் அதிகாரப்பூர்வ இணையதளத்தில் வெளியிடப்பட்டுள்ள அறிவிப்பில் காணலாம்.

வயது வரம்பு மற்றும் விண்ணப்பக் கட்டணம்:

விண்ணப்பதாரர்களின் வயது 18 முதல் 45 வயதுக்குள் இருக்க வேண்டும். அரசு விதிகளின்படி, SC/ST, OBC மற்றும் மாற்றுத்திறனாளிகளுக்கு வயது வரம்பில் தளர்வுகள் வழங்கப்படும். விண்ணப்பக் கட்டணமாக பொது மற்றும் OBC பிரிவினருக்கு ரூ.3,000 ஆகவும், SC/ST மற்றும் EWS பிரிவினருக்கு ரூ.2,400 ஆகவும் நிர்ணயிக்கப்பட்டுள்ளது. மாற்றுத்திறனாளிகளுக்கு கட்டணம் இல்லை.

தேர்வு முறை: விண்ணப்பதாரர்கள் கணினி வழித் தேர்வு (CBT) மூலம் தேர்வு செய்யப்படுவார்கள். சில பணிகளுக்கு திறன் தேர்வுகளும் (Skill Test) நடத்தப்படும். இந்த அரிய வாய்ப்பைப் பயன்படுத்தி, மத்திய அரசு மருத்துவமனைகளில் பணிபுரிய ஆர்வமுள்ளவர்கள் https://www.aiimsexams.ac.in/ என்ற இணையதளத்தின் மூலம் விரைவாக விண்ணப்பிக்குமாறு கேட்டுக் கொள்ளப்படுகிறார்கள்.