சாட்ஜிபிடி-யின் அன்றாடப் பயன்பாட்டில் பெண்களே அதிகம்! சாட்ஜிபிடி-யின் லேட்டஸ்ட் ரிப்போர்ட்!

ஒரு சிக்கலான முடிவை எடுக்க AI-யிடம் ஆலோசனை கேட்போம் என்று யாராவது சொல்லியிருந்தால், சிரித்திருப்போம். ஆனால், நாம் "சாத்தியமே இல்லை" என்று நினைத்ததெல்லாம் இன்று நிஜமாகிவிட்டது.

குறிப்பாக, டெக்னாலஜி என்றாலே ஆண்களின் ஆதிக்கம் என்று இருந்த பிம்பத்தை உடைத்து, இன்று பெண்கள்தான் இந்தத் தொழில்நுட்பப் புரட்சியில் முன்னணியில் நிற்கிறார்கள்.

நவீன வசதிகளுக்கு ஏற்பத் தங்களைத் தகுதியாக்கிக்கொண்டு, அன்றாட வாழ்க்கையில் தொழில்நுட்பத்தின் துணையைத் தேடும் பெண்களின் எழுச்சிக்குச் சாட்ஜிபிடி (ChatGPT) ஒரு சிறந்த உதாரணம்.

சாட்ஜிபிடி அறிமுகப்படுத்தப்பட்டபோது, அதன் பயனாளர்களில் 80% பேர் பொதுவாக ஆண்களின் பெயர்களைக் கொண்டிருந்தனர்.

ஆனால், நிலைமை தலைகீழாக மாறிவிட்டது. ஜூன் 2025 நிலவரப்படி, சாட்ஜிபிடி பயன்படுத்துபவர்களில் 52% பேர் பெண்களின் பெயர்களைக் கொண்டிருக்கிறார்கள்.

அதாவது, பெண்களே இந்தத் தளத்தில் இப்போது அதிகமாக ஆதிக்கம் செலுத்துகிறார்கள்.

மேலும், இதில் இளம் தலைமுறையினரான Gen Z (18 முதல் 25 வயது வரை) தான் மொத்த உரையாடல்களிலும் கிட்டத்தட்ட பாதியளவுக்குப் பங்களித்து, ஆதிக்கம் செலுத்துகிறார்கள்.

பாரபட்சமற்ற நண்பன்: மன ஆறுதலுக்காக AI

"தனிமையும், சலிப்பும்தான் என்னைச் சாட்ஜிபிடி-யிடம் கொண்டு வந்தன," என்று ராஜஸ்தானைச் சேர்ந்த ஒரு 24 வயது Gen Z பயனர் கூறுகிறார்.

ஆம், இன்று பலருக்கும் சாட்ஜிபிடி ஒரு நீதி வழங்காத, பாரபட்சம் பார்க்காத ஆறுதல் தரும் துணையாக மாறிவிட்டது.

சில சமயம் குடும்பத்தினர் அல்லது நண்பர்களிடம் கேட்கத் தயங்கும் தனிப்பட்ட விஷயங்கள், உறவுச் சிக்கல்கள், அல்லது மனக்குமுறல்களை வெளிப்படுத்தப் பலரும் சாட்ஜிபிடி-யைத் தேடிச் செல்கிறார்கள்.

என்று ஒரு பயனர் சமூக ஊடகத்தில் பதிவிட்டது, AI இன்று மனித உணர்வுகளுடன் எந்த அளவுக்குப் பின்னிப் பிணைந்திருக்கிறது என்பதைக் காட்டுகிறது.

தங்கள் உணர்வுகளை வெளிப்படுத்தவும், சூழ்நிலைகளைச் சமாளிக்கவும் இது ஒரு சிறந்த இடமாக இருப்பதாக அவர்கள் உணர்கிறார்கள்.

அலுவலக வேலையைக் கடந்து அன்றாட வாழ்வில் ஆதிக்கம்

சாட்ஜிபிடி-யின் பயன்பாடு அலுவலகப் பணிகளைத் தாண்டி, சமையலறை, படிப்பு மற்றும் தனிப்பட்ட வளர்ச்சி என அன்றாட வாழ்க்கையில்தான் அதிகம் காணப்படுகிறது என்கிறது ஆய்வு.

ஆய்வின் முக்கியப் பயன்பாட்டு விவரங்கள் இங்கே:

• 1. அன்றாட நடைமுறை வழிகாட்டுதல் (28.3%): சமையல் குறிப்புகள், உடற்பயிற்சிக் குறிப்புகள், வீட்டுப் பாடங்களில் உதவி, மற்றும் 'எப்படிச் செய்வது' (How-to) என்ற பொதுவான ஆலோசனைகள்.

• 2. எழுத்துப் பணி உதவி (25.6%): இது மின்னஞ்சல்களை வரைவது, சமூக ஊடகப் பதிவுகளைத் தயாரிப்பது, அல்லது ஏற்கெனவே எழுதிய உரையை எடிட் செய்து மெருகேற்றுவது போன்றவற்றுக்குப் பயன்படுகிறது.

• 3. தகவல் தேடல்: கூகுள் தேடலுக்குப் பதிலாகச் சில தகவல்களைத் தெரிந்துகொள்ளவும் சாட்ஜிபிடி ஒரு மாற்றாகச் செயல்படுகிறது.