மின்சார ஸ்கூட்டர்கள்... அடிப்படைத் தகவல்கள்!

இந்தியாவில் பெட்ரோலில் இயங்கும் ஸ்கூட்டர்கள் தான் அதிகம் விற்பனையாகின்றன. இருப்பினும் மின்சார ஸ்கூட்டர்களின் விற்பனையும் அதிகரித்து வருகிறது. பெட்ரோல் ஸ்கூட்டர்கள் நீண்ட காலமாக சந்தையில் இருப்பதால், அவற்றின் விலையும், பராமரிப்பு செலவுகளும் ஒப்பீட்டளவில் குறைவாக இருப்பதால் அதிகமான பயன்பாட்டில் உள்ளது.

மின்சார ஸ்கூட்டர்களின் நன்மைகள்:

சுற்றுச்சூழலுக்கு ஏற்றவை:

மின்சார ஸ்கூட்டர்கள் பெட்ரோல் ஸ்கூட்டர்களை விட சுற்றுச்சூழலுக்கு குறைவான பாதிப்பை ஏற்படுத்துகின்றன. ஏனெனில், அவை புகை படிவ எரிபொருட்களை பயன்படுத்துவதில்லை. அதாவது சுற்றுச்சூழலுக்கு தீங்கு விளைவிக்கும் புகையை வெளியிடுவதில்லை.

குறைந்த இயக்க செலவு:

பெட்ரோல் ஸ்கூட்டர்களை விட மின்சார ஸ்கூட்டர்களின் இயக்கும் செலவுகள் பொதுவாக குறைவாகத்தான் உள்ளது. காரணம் மின்சாரத்திற்கான செலவு பெட்ரோலை விட குறைவாக இருக்கும்.

குறைந்த பராமரிப்பு:

மின்சார ஸ்கூட்டர்களில் இயந்திர பாகங்கள் குறைவாக இருப்பதால், அவற்றின் பராமரிப்பு செலவு பெட்ரோல் ஸ்கூட்டர்களை விட குறைவாகவே உள்ளது.

இரைச்சல் குறைவு:

மின்சார ஸ்கூட்டர்கள் பெட்ரோல் ஸ்கூட்டர்களை விட இரைச்சல் குறைவானது. எனவே, இது நகரங்களில் இரைச்சல் மாசுபாட்டை குறைக்க உதவுகிறது.

மின்சார ஸ்கூட்டர்கள் எதிர்கொள்ளும் சவால்கள்:

விலை அதிகம்:

மின்சார ஸ்கூட்டர்களின் விலை பொதுவாக பெட்ரோல் ஸ்கூட்டர்களை விட அதிகமாக இருக்கிறது.

குறைந்த பேட்டரி ஆயுள்:

ஒருமுறை சார்ஜ் செய்தால் அதிக தூரம் செல்ல முடியாத நிலையில் உள்ளது. அத்துடன் அவற்றை சார்ஜ் செய்ய அதிக நேரமும் தேவைப்படுகிறது.

மின்சார ஸ்கூட்டர்களின் விலை மற்றும் பேட்டரி தொழில்நுட்பம் மேம்படுத்தப்பட்டால், அவற்றின் விற்பனை மேலும் அதிகரிக்கும் என்று எதிர்பார்க்கப்படுகிறது.

மின்சார ஸ்கூட்டர்கள் வாங்குவதற்கு முன் கவனிக்க வேண்டிய விஷயங்கள்:

எத்தனை கிலோ மீட்டர் பயணிக்க திட்டமிடுகிறோமோ அதன் அடிப்படையில் ஒரு நல்ல பேட்டரி ஆயுள் உள்ள ஸ்கூட்டரை தேர்ந்தெடுக்கலாம். தேர்ந்தெடுக்கும் சமயம் சார்ஜிங் நேரத்தையும் கவனத்தில் கொள்ள வேண்டும்.

நம் தேவைக்கேற்ப ஸ்கூட்டரில் தேவையான அம்சங்கள் உள்ளதா? என்பதை கவனிக்கவும். நம்மால் எவ்வளவு செலவு செய்ய முடியுமோ அதைப் பொறுத்து ஒரு ஸ்கூட்டரை தேர்ந்தெடுக்கலாம்.

அத்துடன் முக்கியமாக, நாம் வசிக்கும் பகுதியில் ஸ்கூட்டருக்கு சேவை வழங்குவதற்கான மையங்கள் உள்ளதா? என்பதை உறுதிப்படுத்திக் கொள்வது மிகவும் அவசியம்.