அடிக்கடி மொபைல் ஹேங் ஆகுதா? உங்க போன் ஸ்டோரேஜ் ஸ்பேஸை இப்படி மாத்துங்க!

நமது மொபைலில் அடிக்கடி இடம் இல்லை என்ற எச்சரிக்கை வருவது ஒரு பெரிய தலைவலியாகும். ஸ்மார்ட்போன் இல்லாமல் ஒரு நாள் கூட நம்மால் இருக்க முடியாது என்ற நிலையில் இது எரிச்சலை தரும். நானும் ஆரம்பத்தில் இந்த மெசேஜ் வந்த உடனே பதறிப்போய் எனக்கு பிடித்த புகைப்படங்களை எல்லாம் அவசரமாக அழித்து விடுவேன். 

ஆனால் அப்படி செய்வது உண்மையான தீர்வாகாது என்பதை நான் மிகவும் தாமதமாகவே என் சொந்த அனுபவத்தில் உணர்ந்து கொண்டேன். இடம் எங்கு வீணாகிறது என்பதை நாம் முதலில் சரியாக புரிந்து கொள்ள வேண்டும்.

மறைந்திருக்கும் எதிரிகள்! 

சமீபத்தில் டாம்ஸ் கைடு (Tom's Guide) நடத்திய ஒரு ஆய்வில் 83 சதவீத பிரச்சனைக்கு இரண்டு முக்கிய விஷயங்கள் மட்டுமே காரணம் என கண்டுபிடிக்கப்பட்டுள்ளது. நாம் எப்போதுமே பெரிய பைல்கள் தான் இடத்தை அடைத்து கொள்கின்றன என தவறாக நினைத்து கொண்டிருக்கிறோம். 

ஆனால் நம் கண்களுக்கு தெரியாமல் பின்னணியில் நடக்கும் சில விஷயங்கள் தான் நமது மொபைலை முழுமையாக ஆக்கிரமித்து விடுகின்றன. இது போன்ற ரகசியமான விஷயங்களை நாம் கண்டறிந்து அழித்தால் மட்டுமே மொபைலை வேகமாக்க முடியும்.

இந்த ஆய்வின் படி 42 சதவீத மக்கள் தங்களின் புகைப்படங்கள் மற்றும் வீடியோக்கள் தான் முக்கிய காரணம் என கூறியுள்ளனர். மீதமுள்ள 41 சதவீத மக்கள் ஆப்கள் உருவாக்கும் தற்காலிக கேச் (Cache) பைல்கள் தான் முக்கிய காரணம் என உறுதியாக நம்புகின்றனர். 

நம்மை அறியாமலேயே இந்த குப்பைகள் தினமும் நமது போனில் சேர்ந்து கொண்டே இருக்கின்றன. இந்த இரண்டு விஷயங்களும் சேர்ந்து மொபைலின் வேகத்தை பெருமளவு குறைத்து ஹேங் ஆக செய்து விடுகின்றன.

அழிக்க வேண்டாம்! 

இடத்தை மிச்சப்படுத்த உங்களின் பழைய நினைவுகளை அழிக்க வேண்டிய அவசியம் இல்லை. நீங்கள் ஐபோன் பயன்படுத்தினால் செட்டிங்ஸ் சென்று Optimize Storage என்ற வசதியை ஆன் செய்து கொள்ளலாம். ஆண்ட்ராய்டு வாடிக்கையாளர்கள் தங்களின் Google Photos ஆப் மூலம் Free Up Space வசதியை தாராளமாக பயன்படுத்திக் கொள்ளலாம். இது பலருக்கும் தெரியாத ஒரு அருமையான தொழில்நுட்ப வசதியாகும்.

இப்படி செய்வதன் மூலம் உங்களின் ஒரிஜினல் தரமுள்ள புகைப்படங்கள் அனைத்தும் கிளவுட் பகுதிக்கு மிகவும் பாதுகாப்பாக மாற்றப்படும். மொபைலில் குறைந்த எடையுள்ள புகைப்படங்கள் மட்டுமே பார்வைக்கு இருக்கும். இந்த ஒரு சிறிய ட்ரிக் மூலம் நான் எனது மொபைலில் சுமார் 15 GB இடத்தை எளிதாக மிச்சப்படுத்தினேன். இது எனக்கு தினசரி பயன்பாட்டில் மிகவும் பயனுள்ளதாக அமைந்தது. நீங்களும் இதை முயற்சி செய்து பார்த்தால் ஆச்சரியப்படுவீர்கள்.

தேவையற்ற பைல்கள் செய்யும் வேலை! 

அடுத்ததாக இன்ஸ்டாகிராம், பேஸ்புக் போன்ற செயலிகள் உருவாக்கும் குப்பைகள் தான் பெரிய தடையாக உள்ளன. இந்த ஆப்களை தொடர்ந்து பயன்படுத்தும் போது தற்காலிக பைல்கள் அதிகமாக சேரும். ஐபோனில் ஆப்பை நீக்கிவிட்டு மீண்டும் டவுன்லோடு செய்து கொள்ளலாம். ஆண்ட்ராய்டு போன்களில் செட்டிங்ஸ் சென்று Clear Cache கொடுப்பதன் மூலம் உங்களின் போன் ஸ்டோரேஜ் வேகமாக நிரம்புவதை உங்களால் மிக எளிதாக தடுத்து நிறுத்த முடியும்.

பழைய கேம்கள் மற்றும் டவுன்லோடுகள்! 

Netflix, Spotify போன்ற ஆப்களில் ஆப்லைனில் பார்ப்பதற்காக நாம் பதிவிறக்கம் செய்யும் திரைப்படங்கள் சுமார் 9 சதவீத இடத்தை அடைக்கின்றன. தேவை முடிந்தவுடன் அவற்றை அழிப்பது மிகவும் நல்லது. இதற்காக நாம் தனியாக நேரம் ஒதுக்கி செக் செய்ய வேண்டும். அதேபோல நாம் பல மாதங்களாக விளையாடாமல் முற்றிலும் மறந்துபோன பழைய மொபைல் கேம்கள் சுமார் 8 சதவீத இடத்தை வீணாக பிடித்துக் கொள்கின்றன.

பொதுவாகவே ஒரு சிறந்த கிராபிக்ஸ் கேம் 2 முதல் 5 GB வரை அளவு கொண்டிருக்கும். அதை அன்இன்ஸ்டால் செய்துவிட்டால் உங்களின் போன் ஸ்டோரேஜ் பிரச்சனைக்கு நிரந்தரமான தீர்வு கிடைத்துவிடும். தேவைப்படும் போது மீண்டும் இன்ஸ்டால் செய்து விளையாடிக் கொள்ளலாம். உங்களின் பழைய கேம் டேட்டா அனைத்தும் கிளவுட் கணக்கில் பத்திரமாகவே இருக்கும். புதிய மொபைல் வாங்காமல் இந்த எளிய வழிமுறைகளை பின்பற்றி உங்கள் பணத்தை சேமித்து கொள்ளுங்கள்.