லேப்டாப் வாங்குறீங்களா? இந்த 8 விஷயங்களை கவனிக்காம போனா அப்புறம் ஃபீல் பண்ணுவீங்க!

இன்றைய டிஜிட்டல் யுகத்துல லேப்டாப் ஒரு முக்கியமான கருவி ஆயிடுச்சு. வேலை, படிப்பு, பொழுதுபோக்குன்னு எல்லாத்துக்கும் லேப்டாப் தேவைப்படுது. ஆனா, மார்க்கெட்டில் ஆயிரக்கணக்கான மாடல்கள், விதவிதமான விலைகள்னு நிறைய விஷயங்கள் இருக்கு.

இதில் நமக்கு ஏற்ற லேப்டாப்பை எப்படித் தேர்ந்தெடுப்பதுன்னு நிறைய பேருக்கு குழப்பம் இருக்கும். இந்தப் பதிவில், ஒரு லேப்டாப் வாங்குவதற்கு முன் நீங்க கவனிக்க வேண்டிய முக்கியமான 8 விஷயங்களை பத்தி பார்க்கலாம். 

1. பிராசசர் (Processor):

ஒரு லேப்டாப்பின் செயல் திறனை முடிவு செய்வது அதோட பிராசசர்தான். இதைத்தான் லேப்டாப்போட மூளைன்னும் சொல்லலாம். Intel மற்றும் AMD போன்ற நிறுவனங்களின் புதிய தலைமுறை பிராசசர்கள் வேகமான வேலையைச் செய்ய உதவும். கேமிங், வீடியோ எடிட்டிங் போன்ற பெரிய வேலைகளுக்கு ஒரு வலிமையான பிராசசர் இருப்பது அவசியம். சாதாரணமா இணையதளம் பயன்படுத்துறது, அலுவலக வேலைகளுக்கு ஒரு சாதாரண பிராசசரே போதும்.

2. ரேம் (RAM):

நிறைய சாப்ட்வேர்களை ஒரே நேரத்தில் பயன்படுத்தும்போது லேப்டாப் மெதுவாக இயங்காமல் இருக்க ரேம் ரொம்ப முக்கியம். பொதுவா 8 ஜி.பி. ரேம் சாதாரணப் பயன்பாட்டுக்குப் போதுமானது. ஆனா, கிராபிக்ஸ் டிசைன், வீடியோ எடிட்டிங், அல்லது கேமிங் போன்ற வேலைகளைச் செய்பவர்கள், 16 ஜி.பி. அல்லது அதற்கு மேற்பட்ட ரேம் கொண்ட லேப்டாப்பைத் தேர்ந்தெடுப்பது நல்லது.

3. ஸ்டோரேஜ் (Storage):

லேப்டாப்பில் தரவுகளை சேமிக்க ஹார்ட் டிஸ்க் (HDD) மற்றும் சாலிட் ஸ்டேட் டிரைவ் (SSD) என இரண்டு வகை இருக்கு. ஹார்ட் டிஸ்க் நிறைய இடத்தை கொடுக்கும், ஆனா எஸ்.எஸ்.டி. அதைவிட ரொம்ப வேகமாக வேலை செய்யும். லேப்டாப் ஆன் ஆகும் வேகம், அப்ளிகேஷன்கள் திறக்கும் வேகம் இதுக்கெல்லாம் எஸ்.எஸ்.டி. ரொம்ப உதவும். வேகமாக இயங்க எஸ்.எஸ்.டி.யும், நிறைய இடம் தேவைப்பட்டா ஹார்ட் டிஸ்க்கையும் தேர்ந்தெடுக்கலாம்.

4. டிஸ்பிளே (Display): 

லேப்டாப் திரையின் அளவு மற்றும் ரெசல்யூஷன், உங்க பார்வை அனுபவத்தை மேம்படுத்தும். ஒரு தெளிவான, துல்லியமான திரை வீடியோக்கள் பார்ப்பதற்கும், புகைப்படங்களை எடிட் செய்வதற்கும் ரொம்ப முக்கியம். அடிக்கடி பயணம் செய்பவர்கள் சிறிய, எடை குறைந்த லேப்டாப்பைத் தேர்ந்தெடுப்பது சுலபமா இருக்கும்.

5. பேட்டரி லைஃப் (Battery Life): 

ஒருமுறை சார்ஜ் செய்தால் எவ்வளவு நேரம் லேப்டாப் இயங்கும் என்பது பேட்டரி லைஃபை பொறுத்தது. வீட்டை விட்டு வெளியே அதிகம் பயன்படுத்தும் நபர்களுக்கு குறைந்தபட்சம் 5 முதல் 6 மணி நேரம் வரை பவர் கொடுக்கும் லேப்டாப் அவசியம்.

6. கனெக்டிவிட்டி (Connectivity): 

லேப்டாப்பில் யு.எஸ்.பி. போர்ட், எச்.டி.எம்.ஐ. போர்ட் போன்ற வசதிகள் இருக்கிறதான்னு பார்க்கணும். இது ஹார்ட் டிஸ்க், மானிட்டர், பிரின்டர் போன்ற சாதனங்களை இணைக்க உதவும். வைஃபை மற்றும் புளூடூத் போன்ற வயர்லெஸ் இணைப்புகளும் அவசியமானவை.

7. ஆப்பரேட்டிங் சிஸ்டம் (Operating System): 

விண்டோஸ், மேக், லினக்ஸ், குரோம் ஓ.எஸ். எனப் பல வகை ஆப்பரேட்டிங் சிஸ்டம்கள் உள்ளன. நீங்க செய்யப்போற வேலைக்கு எந்த ஆப்பரேட்டிங் சிஸ்டம் சரியா இருக்கும்னு தெரிஞ்சிக்கிட்டு தேர்ந்தெடுப்பது முக்கியம். பொதுவாக, விண்டோஸ் பெரும்பாலான சாப்ட்வேர்களுக்கு சப்போர்ட் கொடுக்கும்.

8. பில்ட் குவாலிட்டி (Build Quality):

லேப்டாப்போட உடல் உறுதியா இருக்கிறதான்னு பார்க்கணும். கீபோர்டு மற்றும் டச்பேட் பயன்படுத்துவதற்கு சுலபமா இருக்கணும். மடிக்கக்கூடிய 2 in 1 லேப்டாப் தேவையா அல்லது சாதாரண லேப்டாப் போதும்னு உங்க தேவைக்கு ஏத்த மாதிரி முடிவெடுக்கலாம்.

இந்த 8 விஷயங்களையும் கவனமா பார்த்து லேப்டாப்பை தேர்ந்தெடுத்தா உங்க தேவைகளை பூர்த்தி செய்யக்கூடிய ஒரு நல்ல லேப்டாப்பை வாங்கலாம். விலை, பிராண்ட், மாடல்னு எதுக்குமே முக்கியத்துவம் கொடுக்காம, உங்க தனிப்பட்ட தேவை என்னன்னு புரிஞ்சுக்கிட்டு அதற்கேற்ப முடிவெடுப்பதுதான் புத்திசாலித்தனம்.