Fly-by-Wire: பைலட் இல்லாத போதும் விமானத்தைக் கட்டுப்படுத்தி நிலைநிறுத்த அதிரடி பாதுகாப்பு!

ஃப்ளை பை ஒயர் (Fly by wire) தொழில்நுட்பம் என்பது விமானத்தின் கட்டுப்பாடுகளை, பைலட்டின் உள்ளீட்டிலிருந்து நேரடியாகக் கம்பி வழியாக கட்டுப்படுத்துவதற்கு பதிலாக, மின்னணு சமிக்ஞைகள் மூலம் கணினிகளைப் பயன்படுத்தி செயல்படுத்துவதாகும். பைலட் ஸ்டிக்கை நகர்த்தும்போது, அதிலிருந்து வரும் உள்ளீட்டை ஒரு கணினி பெற்று, விமானத்தின் இறக்கைகள் மற்றும் வால் போன்ற கட்டுப்பாட்டுப் பரப்புகளுக்கு செல்ல வேண்டிய சமிக்ஞைகளை மின்னணு முறையில் அனுப்புகிறது. இது பாரம்பரிய இயந்திர மற்றும் கேபிள் இணைப்புகளை மாற்றுகிறது. இதனால் கனமான கேபிள்கள், புல்லிகள் மற்றும் லிங்குகள் நீக்கப்பட்டு விமானத்தின் எடை குறைக்கப்படுகிறது.

பாரம்பரியமான விமானங்களில், விமானியின் கட்டுப்பாட்டு சக்கரங்கள் மற்றும் விமானத்தின் கட்டுப்பாட்டு பரப்புகளுக்கு இடையே நேரடி இயந்திர இணைப்பு இருக்கும். ஆனால் ஃப்ளை பை வயர் முறையில், இந்த இயந்திர இணைப்புகள் நீக்கப்பட்டு, அவற்றுக்கு பதிலாக விமானியின் இயக்கங்கள் மின்னணு சிக்னல்களாக மாற்றப்படுகின்றன.

இந்த சிக்னல்கள் மின் கம்பிகள் வழியாக கட்டுப்பாட்டு கணினிகளுக்கு அனுப்பப்படும். கட்டுப்பாட்டு கணினிகள், விமானத்தின் கட்டுப்பாட்டு பரப்புகளை (எடுத்துக்காட்டாக இறக்கைகள் மற்றும் வால் பகுதியில் உள்ள பகுதிகள்) இயக்கிகளைப் பயன்படுத்தி நகர்த்தும். இந்த அமைப்பு விமானத்தின் பாதுகாப்பையும், செயல்திறனையும் மேம்படுத்த உதவுகிறது.

இதன் முக்கிய நன்மைகள்:

1. அதிக பாதுகாப்பு

விமானம் பாதுகாப்பான எல்லைக்கு வெளியே செல்லாமல் தடுக்க கணினி சில சமயங்களில் தலையிடலாம். கணினி கட்டுப்பாடுகள் மற்றும் பாதுகாப்பு அம்சங்கள் மூலம் மேம்பட்ட விமானக் கட்டுப்பாட்டை வழங்குகிறது. கணினிகள் மூலம் கட்டுப்பாடுகள் அளவிடப்படுகின்றன‌. இது விமானிகள் எதிர்பாராதவிதமாக கட்டுப்பாட்டு பரப்புகளை அதிகமாக நகர்த்துவதை தடுக்கிறது.

2. சிறந்த கையாளுமை மற்றும் பராமரிப்பு

பறக்கும் போது விமானத்தின் பண்புகளைச் சரி செய்ய கணினிகள் உதவுகின்றன. குறைவான பாகங்கள் இருப்பதால் பராமரிப்பும் எளிதாகிறது.

3. எடை குறைப்பு

கனமான மெக்கானிக்கல் மற்றும் ஹைட்ரோ-மெக்கானிக்கல் அமைப்புகளுக்கு பதிலாக மின்னணு சமிக்ஞைகளை பயன்படுத்துவதால் விமானத்தின் ஒட்டுமொத்த எடை குறைகிறது. பாரம்பரிய கேபிள் மற்றும் புல்லி அமைப்புகளை விட அதாவது பழைய இயந்திர அமைப்புகளுடன் ஒப்பிடும்பொழுது இது இலகுவானது.

4. செயல்திறன் மேம்பாடு

எரிபொருள் திறனை மேம்படுத்தவும், விமானப் பயணத்தை சீராக வைத்திருக்கவும் கணினிகள் உதவ முடியும். இது விமானம் அதிக செயல்திறனுடன் செயல்பட உதவுகிறது.

5. தானியங்கி செயல்பாடுகள்

கணினி, பைலட் இல்லாத போதும் விமானத்தைக் கட்டுப்படுத்தி நிலைநிறுத்த முடியும்.