iPhone 15-ல் பெண்களுக்கான புதிய அம்சம்?

ஆப்பிள் நிறுவனம் வரும் செப்டம்பர் மாதத்தில் உலக அளவில் அதன் ஐபோன் வரிசையில் ஐபோன் 15ஐ அறிமுகம் செய்ய உள்ளது. இதில் பெண்களுக்கான புதிய அம்சம் ஒன்று இணைக்கப்பட்டுள்ளதாக தகவல் வெளிவந்துள்ளது. 

தற்போது ஐபோன் சாதனங்களில் அதிகம் மக்களால் எதிர்பார்க்கப்படுவது ஐபோன் 15 தான். இது அதிகாரப் பூர்வமாக வெளிவருவதற்கு முன்பே, இதுசார்ந்த பல தகவல்கள் அவ்வப்போது வெளிவந்த வண்ணம் இருக்கிறது. இதன்படி சமீபத்தில் ஐபோன் 15 பற்றி வெளிவந்த ஒரு செய்தி, i phone ரசிகர்களின் ஆர்வத்தையும் எதிர்பார்ப்பையும் அதிகரித்துள்ளது. 

ஐபோனில் இந்த அம்சம் வரும், அந்த அம்சம் வரும் என பலதரப்பட்ட விஷயங்கள் இணையத்தில் கசிந்து வரும் நிலையில், தற்போது கசிந்துள்ள புதிய தகவலின்படி, ஐபோன் 15 சாதனம் முற்றிலும் புதியதோர் வண்ணத்தில் வரப்போகிறது என்பது தெரியவந்துள்ளது. குறிப்பாக பெண்களை குறிவைத்து இந்த முயற்சியை ஆப்பிள் நிறுவனம் கையில் எடுத்துள்ளதாக பலரும் கருத்து தெரிவிக்கின்றனர். ஏனென்றால் ஐபோன் 15 சீரியஸ் வரிசைகளில் இம்முறை கூடுதலாக பிங்க் நிறத்தில் ஐபோன் வெளிவரும் என கூறப்படுகிறது. பார்ப்பதற்கு பஞ்சுமிட்டாய் போல தோற்றமளிக்கக் கூடிய ஐபோன் 15ஐ, Cottton Candy வெர்ஷன் எனக் குறிப்பிட வாய்ப்புள்ளது. 

இந்த நிறம் யாருக்கு பிடிக்கிறதோ இல்லையோ இளம் பெண்களுக்கு நிச்சயம் பிடிக்கும். மேலும் பிங்க் நிறப் பிரியர்களை நிச்சயம் இந்த சாதனம் அதிகமாக ஈர்க்கும் என்பதில் எவ்வித சந்தேகமும் இல்லை. பொதுவாகவே பெண்களுக்கு பிங்க் நிறம் அதிகம் பிடிக்கும் என்பதால் அவர்களின் இதயங்களை இது திருடப்போவது உறுதி என பலரும் கூறுகின்றனர். உலகில் ஐபோனை பயன்படுத்து 51% பெண்கள்தான் என்பது உங்களுக்கு தெரியுமா? அந்த அளவுக்கு ஐபோன் மீதான மோகம் பெண்களுக்கு அதிகம் இருக்கிறது. 

எனவே பெண்கள்தான் ஆப்பிள் சாதனத்தை அதிகமாக பயன்படுத்துகிறார்கள் என்பதை அறிந்த ஆப்பிள் நிறுவனம், அவர்களை குறிவைத்து ஐபோன் 15 பிங்க் நிற வெர்ஷனை வெளியிட உள்ளது எனத் தகவல்கள் கசிந்துள்ளது.