ஐபோன் வெச்சிருக்கீங்களா? அப்போ இந்த செட்டிங்ஸ உடனே மாத்திடுங்க மக்களே!

ஸ்மார்ட்போன் தொலைந்து போவது யாருக்கும் நிகழக்கூடிய ஒரு மிகவும் கசப்பான அனுபவமாகும். ஆனால் வெறும் போனினை இழப்பதை விட அதில் உள்ள நமது தனிப்பட்ட தகவல்கள் மற்றும் வங்கி கணக்கு விவரங்கள் திருடர்களின் கைகளில் சிக்குவது மிகப்பெரிய ஆபத்தை நமக்கு உடனடியாக ஏற்படுத்தும். செல்போன் திருடப்பட்டவுடன் அவர்கள் செய்யும் முதல் வேலை அதிலுள்ள இணைய தொடர்பைத் துண்டிப்பது தான்.

Airplane Mode ஆன் செய்துவிட்டால் நம்மால் போனினை எந்த வகையிலும் கண்காணிக்க முடியாது. இது போன்ற மோசமான சூழ்நிலைகளைத் தவிர்க்க உங்கள் போனில் இப்போதே சில மிக முக்கியமான பாதுகாப்புகளைச் செய்வது அவசியம்.

ஆண்ட்ராய்டு போன்களுக்கான சிறப்பு பாதுகாப்பு! 

ஆண்ட்ராய்டு பயன்படுத்துபவர்கள் முதலில் தங்களது போனில் லாக் ஸ்கிரீனில் வைத்து இன்டர்நெட் அல்லது ப்ளூடூத்போன்ற எந்த செட்டிங்ஸையும் மாற்ற முடியாதவாறு லாக் செய்ய வேண்டும். Samsung, OnePlus, Vivo போன்ற பல்வேறு பிராண்டுகளில் இதற்கான பெயர்கள் சற்று மாறுபடும்.

மொபைல் செட்டிங்ஸ் பகுதிக்குச் சென்று செக்யூர் லாக் செட்டிங்ஸ் (Secure Lock Settings) அல்லது லாக் நெட்வொர்க் (Lock Network) எனத் தேடிப் பாருங்கள். போன் லாக் ஆகி இருக்கும்போது அந்தத் திரையை கீழே இழுத்து ஏரோபிளேன் மோட் ஆன் செய்யும் வசதியை உடனடியாகத் துண்டிப்பது ஸ்மார்ட்போன் பாதுகாப்பு விஷயத்தில் முதல் வெற்றியாகும்.

ஐபோன் பயனர்கள் செய்ய வேண்டியவை! 

iPhone பயன்படுத்துபவர்கள் செட்டிங்ஸ் பகுதிக்குச் சென்று Face ID & Passcode என்ற ஆப்ஷனைத் தேர்வு செய்ய வேண்டும். அதன் உள்ளே Allow Access When Locked என்ற பகுதிக்குச் சென்று Control Center மற்றும் USB Accessories ஆகியவற்றை முழுமையாக முடக்கி விடுங்கள்.

மேலும் Stolen Device Protection என்ற அட்டகாசமான வசதியையும் ஆன் செய்து வைப்பது உங்கள் போனுக்கு கூடுதல் பாதுகாப்பை வழங்கும். போன் லாக் ஆன பின்பு யாராலும் எந்த ஒரு மாற்றத்தையும் செய்ய முடியாது.

வலுவான Password! 

போன் தொலைந்தால் அதை சுலபமாகத் தேடிக் கண்டுபிடிக்க ஆண்ட்ராய்டில் Find My Device மற்றும் ஐபோனில் Find My என்ற சேவைகள் எப்போதுமே ஆன் ஆக இருக்க வேண்டியது மிகவும் அவசியம். இவை இரண்டும் உங்கள் போன் கடைசியாக இருந்த இருப்பிடத்தை மிகத் துல்லியமாகக் காட்டும்.

மேலும் 4 இலக்க எளிய பாஸ்வேர்டுகளுக்குப் பதிலாக வலிமையான பேட்டர்ன் அல்லது 6 இலக்க பாஸ்கோடுகளைப் பயன்படுத்துவது சிறந்த ஸ்மார்ட்போன் பாதுகாப்பு உத்தியாகும். கைரேகை மற்றும் முக அடையாளம் மூலம் லாக் செய்வதும் பாதுகாப்பைப் பல மடங்கு அதிகரிக்கும்.

எந்த ஒரு செட்டிங்ஸும் திருடர்கள் போனை ஸ்விட்ச் ஆப் செய்வதை 100 சதவீதம் தடுத்து விட முடியாது என்பது தான் நிஜம். ஆனால் மேற்கூறிய அனைத்து வழிகளையும் நாம் சரியாகப் பின்பற்றினால் திருடர்கள் உங்கள் டேட்டாவை திருடுவதைக் கணிசமாகத் தாமதப்படுத்தலாம்.

உங்கள் போன் என்றாவது ஒரு நாள் திருடப்பட்டால் சுயமாகச் சென்று திருடர்களிடம் சண்டை போடுவதைக் கண்டிப்பாகத் தவிர்க்க வேண்டும். உடனடியாக போலீசில் புகார் அளித்து உங்களின் சிம் கார்டு மற்றும் பேங்க் அக்கவுண்ட்களை முடக்குவதே மிகவும் பாதுகாப்பான செயலாகும்.