Ghibli வீடியோவும் உருவாக்கலாம்… இலவசமாக வீடியோ உருவாக்கும் புதிய வழி!

Ghibli Video
Ghibli Video
கிரி கணபதி

கிரி கணபதி, 8 ஆண்டுகளுக்கும் மேலான அனுபவம் கொண்ட எழுத்தாளர். Quora போன்ற தளங்களில் எழுதிய அனுபவம் உண்டு.. வீடியோ, பாட்காஸ்ட் வெளியிட்ட அனுபவமும், AI கருவிகளை கையாளும் திறனும் கொண்டவர். ஆரோக்கியம், தன்னம்பிக்கை, தொழில்நுட்பம், சுற்றுச்சூழல் உள்ளிட்ட பல்வேறு பிரிவுகளில் ஆய்வுப்பூர்வமான கட்டுரைகளை எழுதி வருகிறார்.

Updated on: 

சமூக வலைத்தளங்களில் தற்போது ஜப்பானிய அனிமேஷன் திரைப்படங்களுக்கு ஒரு தனி ரசிகர் பட்டாளமே உள்ளது. குறிப்பாக ஸ்டுடியோ ஜிப்லி திரைப்படங்களின் தனித்துவமான கலைநயம் பலரையும் கவர்ந்துள்ளது. இந்நிலையில், செயற்கை நுண்ணறிவு தொழில்நுட்பம் இந்த ஜிப்லி பாணியிலான படங்களை மட்டுமல்ல, வீடியோக்களையும் உருவாக்கும் சாத்தியத்தை வழங்கியுள்ளது.

சமீபத்தில், பிரபல செயற்கை நுண்ணறிவு நிறுவனமான OpenAI, SORA எனும் அதிநவீன வீடியோ உருவாக்கும் கருவியை அறிமுகப்படுத்தியது. இருப்பினும், இது கட்டணம் செலுத்தும் பயனர்களுக்கு மட்டுமே தற்போது கிடைக்கிறது. இதனால், ஜிப்லி பாணியில் வீடியோக்களை உருவாக்க விரும்பும் பலரும் மாற்று வழிகளைத் தேடி வந்தனர். இந்த நிலையில், ஒரு இணைய பயனர் மிகவும் புத்திசாலித்தனமான ஒரு முறையை கண்டறிந்துள்ளார்.

இந்த புதிய முறைக்கு, ஓபன்ஏஐயின் மற்றொரு பிரபலமான கருவியான சாட்ஜிபிடியும், பைத்தான் எனும் கணினி நிரலாக்க மொழியும் தேவைப்படுகின்றன. இந்த முறையின்படி, முதலில் சாட்ஜிபிடியை பயன்படுத்தி ஜிப்லி பாணியிலான தொடர்ச்சியான படங்களை உருவாக்க வேண்டும். ஒரு குறிப்பிட்ட கதாபாத்திரம் அல்லது காட்சிக்கு தேவையான பல்வேறு நிலைகளில் குறைந்தபட்சம் பத்து படங்களையாவது உருவாக்கிக்கொள்ளலாம். பின்னர், பைத்தான் நிரலைப் பயன்படுத்தி இந்த படங்களை ஒன்றிணைத்து ஒரு குறுகிய வீடியோவாக மாற்ற முடியும். நொடிக்கு எத்தனை படங்கள் காண்பிக்கப்பட வேண்டும் என்பதையும் நாம் தீர்மானிக்க முடியும்.

இந்த வழிமுறை, கட்டண கருவிகள் கிடைக்காத நிலையில் இருப்பவர்களுக்கு ஒரு வரப்பிரசாதமாக அமைந்துள்ளது. அதே சமயம், செயற்கை நுண்ணறிவு உருவாக்கும் இந்த படைப்புகளின் காப்புரிமை மற்றும் அசல் தன்மை குறித்த கேள்விகளும் எழுகின்றன. ஏனெனில், சாட்ஜிபிடி நாம் கொடுக்கும் கட்டளைகளுக்கு ஏற்ப படங்களை உருவாக்கினாலும், அதன் உள்ளீடுகள் மற்றும் பயிற்சி பெற்ற தரவுகள் யாருக்கு சொந்தம் என்ற விவாதம் இன்னும் முழுமையடையவில்லை.

இதையும் படியுங்கள்:
புதிய பரிணாமத்தில் X தளம்: ரூ.2.82 லட்சம் கோடிக்கு விற்கப்பட்டது ஏன்? 
Ghibli Video

எது எப்படியிருந்தாலும், இந்த புதிய தொழில்நுட்பம் டிஜிட்டல் உலகில் படைப்பாற்றலின் எல்லைகளை விரிவுபடுத்துகிறது என்பதில் எந்த சந்தேகமும் இல்லை. எதிர்காலத்தில், இதுபோன்ற இலவச மற்றும் எளிமையான கருவிகள் மூலம் யார் வேண்டுமானாலும் தங்களுக்குப் பிடித்தமான பாணியில் வீடியோக்களை உருவாக்க முடியும் என்பது நிச்சயம். இந்த தொழில்நுட்பம் மேலும் வளரும்போது, காப்புரிமை தொடர்பான சிக்கல்களுக்கு என்ன மாதிரியான தீர்வுகள் காணப்படப் போகின்றன என்பதை பொறுத்திருந்து பார்க்க வேண்டும்.

இதையும் படியுங்கள்:
தேய்ந்து போகும் தோள்பட்டை... வலி தாங்காது... தீர்வு?
Ghibli Video