77 நாடுகளில் ஒமிக்ரான் வைரஸ் பரவல்: உலக சுகாதார அமைப்பு அறிவிப்பு!

உலகம் முழுவதும் 77 நாடுகளில் ஒமிக்ரான் வைரஸ் பரவியுள்ளதாக உலக சுகாதார அமைப்பின் தலைவர் டெட்ரோஸ் அதனாம் தெரிவித்துள்ளார்.

ஜெனிவாவில் செய்தியாளர்களிடம் பேசிய உலக சுகாதார அமைப்பின் தலைவர் டெட்ரோஸ் அதனாம் தெரிவித்ததாவது:

கொரோனா வைரஸின் மற்ற உருமாறிய வகைகளைவிட ஒமிக்ரான் வைரஸ் மிக வேகமாக பரவி வருகிறது என்றார். தற்போது அதிகாரபூர்வமாக 77 நாடுகளில் ஒமைக்ரான் பரவியிருப்பது தெரிய வந்துள்லது. ஆனால் இதைவிட அதிக எண்னிகையிலான நாடுகளிலும் பரவியிருக்கக் கூடும். ஒமைக்ரான் பரவலை தடுப்பதற்காக பூஸ்டர் தடுப்பூசி போடுவதை உலக சுகாதார அமைப்பு எதிர்க்கவில்லை, ஆனால், இதன் காரணமாக தடுப்பூசி பதுக்கப்படுவதற்கு வாய்ப்பு இருக்கிறது.

–இவ்வாறு அவர் தெரிவித்தார்.