உங்கள் கணினியின் ஆயுளை இரட்டிப்பாக்க வேண்டுமா? பலருக்கும் தெரியாத பாதுகாப்பு ரகசியம்!

கணினி பாதுகாப்பு தினம் ஒவ்வொரு ஆண்டும் நவம்பர் 30ம் தேதி அனுசரிக்கப்படுகிறது. கணினிகள் மற்றும் இணையம் தொடர்பான அச்சுறுத்தலில் இருந்து பாதுகாத்துக் கொள்ளவும், டிஜிட்டல் தகவல்களை பாதுகாக்கவும் இந்த நாள் கடைபிடிக்கப்படுகிறது.

1988ல் கணினி பாதுகாப்பு தினம் முதன் முதலில் அனுசரிக்கப்பட்டது. அப்போதுதான் கணினிகள் பரவலாகப் பயன்பாட்டுக்கு வரத் தொடங்கியிருந்தன. இதன் நோக்கம் ஆன்லைன் அச்சுறுத்தல்கள், வைரஸ்கள் போன்றவற்றுக்கு எதிராக நம் கணினிகளையும் நமது தனிப்பட்ட தகவல்களையும் பாதுகாப்பாக வைத்திருக்க வேண்டியதன் முக்கியத்துவத்தைப் பற்றிய விழிப்புணர்வு ஏற்படுத்துவதே இதன் நோக்கம்.

கணினியை பாதுகாக்க வலுவான கடவுச்சொற்களைப் பயன்படுத்துதல், வைரஸ் தடுப்பு மென்பொருளை நிறுவுதல் மற்றும் புதுப்பித்தல், அறியப்படாத இணைப்புகளை தவிர்த்தல் மற்றும் மென்பொருள் இயக்கம் முறைமைகளை எப்போதும் புதுப்பித்த நிலையில் வைத்திருத்தல், வேலை முடிந்தவுடன் மூடி வைத்தல் போன்ற வழிமுறைகளைப் பின்பற்ற வேண்டும். மேலும், கணினியின் வன்பொருளைப் பாதுகாக்கவும் தூசி மற்றும் அதிக வெப்பத்தில் இருந்து பாதுகாக்கவும் அவ்வப்போது சுத்தம் செய்யவும் வேண்டும். தரவு இழப்பைத் தடுக்க முக்கியக் கோப்புகளை தொடர்ந்து காப்பி எடுக்க வேண்டும்.

உங்கள் கணினியை பாதுகாக்க ஃபயர்வாலை எப்போதும் இயக்கத்தில் வைத்திருக்கவும். இது அங்கீகரிக்கப்படாத அணுகலைத் தடுக்க உதவும். முடிந்த இடங்களில் எல்லாம் இரண்டு காரணி அங்கீகரிப்பை இயக்கவும். இது உங்கள் கணக்கை பாதுகாப்பதற்கான கூடுதல் பாதுகாப்பை வழங்குகிறது. குளிர்ந்த சூழலில் உங்கள் கணினியை பயன்படுத்துங்கள்.

உங்கள் பணியிடத்தை சுத்தமாக வைத்திருங்கள். ஒவ்வொரு இரண்டு நாட்களுக்கும் ஒரு முறை ஏதேனும் தூசி இருந்தால் அகற்றவும். பணி செய்யும்போது ஈரம் ஏதேனும் படாமல் இருக்க உங்கள் கணினி அருகில் சாப்பிடவோ, குடிக்கவோ கூடாது. மின் தடை அடிக்கடி இருக்கும் இடத்தில் உங்கள் கணினியை நேரடியாக ஒரு மின் இணைப்பில் செருகுவதைத் தவிர்க்கவும். அதற்கு பதிலாக ஒரு மின் எழுச்சிக் காப்பியுடன் இணைக்கவும். இது மின் அவுட்லெட்டுடன் இணைக்கும்.

உங்கள் கணினியில் வைரஸ் தடுப்பு மென்பொருள் இருப்பதை உறுதி செய்து பணி செய்யவும். இந்த மென்பொருளை புதுப்பித்து தொடர்ந்து ஸ்கேன்களை இயக்கவும். மின்னல் புயலின்போது உங்கள் கணினியை ஆப் செய்து இழப்பை அகற்றி வைக்கவும். இது Surge protector  இணைக்கப்பட்டிருந்தாலும் அகற்றி விடவும். உங்கள் வேலையை சேமித்து முக்கியமான தகவல்களை வெளிப்புற இயக்கங்களில் எக்ஸ்டர்னல் டிரைவ்ஸ் பேக்கப் எடுக்கவும். உங்கள் கணினியை நிறுத்துவதற்கு முன் அனைத்து பணிகளையும் மூடுங்கள். ஆரம்பத்திலிருந்து உங்கள் கணினி சாதனத்தை பராமரிப்பதில் கவனம் செலுத்தினால் உங்கள் கணினியை பராமரிப்பது நீண்ட நேரம் சரியாக செயல்பட வைக்க சிறந்த வழியாகும்.

இந்த வழியில் நீங்கள் நீண்ட காலத்திற்கு பழுது பார்ப்பு அல்லது கணினியை மாற்றுவதற்கு பணத்தை வீண் விரயம் செய்யத் தேவை இல்லை. கணினியை தொடர்ந்து இயக்குவதால் வெப்பம் அடைகின்றது. மேலும் கணினியை ஒருபோதும் அணைக்காமல் இருப்பதால் அவை பாதிக்கப்படலாம். இது வேலைகளில் அதிக அழுத்தத்தை ஏற்படுத்தி அவற்றின் ஆயுட்காலத்தைக் குறைக்கிறது.

கணினியை அணைப்பதால் நீண்ட நேரம் புதியதாக வைத்திருக்கும். கணினியை அணைப்பது உங்கள் சாதனத்தின் ஆயுளை அதிகரிக்கும். கணினியை மூடுவதால் அதில் உள்ள பேட்டரி பாதுகாக்கப்படுகிறது. அதிகப்படியான வெப்பத்தை தடுக்கிறது. மேற்கண்ட வழிமுறைகளைப் பயன்படுத்தி கணினியைப் பாதுகாக்கலாம்.