ஆசிய விளையாட்டு 2026:பதக்கப் பட்டியலில் மிரட்டலான இடம்பிடித்த இந்தியா - 5வது இடத்திற்கு முன்னேற்றம்!

20 - வது ஆசியன் விளையாட்டுப் போட்டிகள், ஜப்பானில் உள்ள ஐச்சி-நகோயா நகரில் கோலாகலமாக நடைபெற்று வருகின்றன. இன்றைய போட்டிகளில் இந்தியாவை சார்ந்த வீரர்கள் மற்றும் வீராங்கனைகள் பதக்கங்களை பெற்று, பதக்க பட்டியலில் இந்தியாவை 5- வது இடத்திற்கு உயர்த்தியுள்ளனர். ஆசியன் விளையாட்டுப் போட்டிகளில் ஆரம்பத்தில் இந்திய அணி டாப் 10 இடங்களை தாண்டி வெளியில் இருந்தது. தற்போது இந்தியாவை சார்ந்த விளையாட்டு வீரர்களின் செயல்பாட்டினால் இந்தியா பெருமைப்படுகிறது.

செப்டம்பர் 19 ஆம் தேதியில் இருந்த ஆசியன் விளையாட்டுப் போட்டிகள் தொடங்கி நடைபெற்று வருகிறது. இந்த விளையாட்டு போட்டியில் இந்தியா இதுவரை 15 தங்கப் பதக்கங்களை வென்று பதக்க பட்டியலில் 5 வது இடத்தில் உள்ளது. இந்த தொடர் முழுக்க வழக்கம் போல சீனா மிகக் கடுமையான ஆதிக்கத்தை செலுத்தி வருகிறது. மொத்தமாக 161 தங்கங்களை வென்று, எவரும் நெருங்க முடியாத இடத்தில் உள்ளது.

1. ஏராளமான பதக்கங்களை இந்திய வீரர்கள் வில்வித்தை போட்டியில் பெற்று வருகின்றனர். இன்று அங்கீதா பகத் , குங்கும் மோஹத் , கீர்த்தி ஆகியோர் அடங்கிய வில்வித்தை அணி தங்கப் பதக்கம் வென்றது .

2. மகளிர் குத்துச் சண்டை 75 கிலோ பிரிவில் லவ்லினா போர்கோஹன் தங்கம் பதக்கம் வென்றார்.

3 மகளிர் குத்துச் சண்டை 65 கிலோ பிரிவில் பர்வீன் தங்கம் பதக்கம் வென்றார்.

4.ஆடவர் குத்துச் சண்டை 80 கிலோ பிரிவில் அங்குஷ் பங்கால் தங்கம் பதக்கம் வென்றார்.

5. ஆடவர் மல்யுத்தம் 65 கிலோ பிரிவில் சுஜித் கல்கல் தங்கம் வென்றார்.

1.ரிகர்வ் கலப்பு வில்வித்தை போட்டியில் குங்கும் மோஹத் மற்றும் திரஜ் பொம்மதேவரா அடங்கிய குழு வெள்ளிப் பதக்கம் வென்றது.

2.ரிகர்வ் ஆடவர் வில்வித்தை போட்டியில் திரஜ் பொம்மதேவரா, நீரஜ் சவ்ஹான் , யாஷ்தீப் போகே ஆகியோர் அடங்கிய குழு வெள்ளி வென்றது.

1.மகளிருக்கான டிங்கி பாய்மர படகு போட்டியில் நேத்ரா குமணன் வெண்கலப் பதக்கம் வென்றார்.

2. செகப்டக்ராவ் போட்டியில் ஆடவர் பிரிவில் அருண் , பாபி குமார் , லோகோன் சிங் , ராம்குமார் ஷர்மா , ஆகாஷ் யும்னன் , மலெங்கன்பா சிங் ஆகியோர் கொண்ட குழு வெண்கலம் வென்றனர்.