கிரிக்கெட்டும் சினிமாவும் - அப்படி என்னங்க இருக்கு ஒப்பிட?

பல துறைகள் இருந்தாலும் கிரிக்கெட்டிற்கும், சினிமாவிற்கும் தனி ஈஈர்ப்பு இருப்பது மறுக்க முடியாத ஒன்று. அவற்றைப் பற்றி ஒரு ஒப்பீடு.

• ஆரம்ப காலங்களில் சினிமாவில் நடிக்க வேண்டும் என்று இருந்த ஆர்வம் கிரிக்கெட் விளையாட வேண்டும் என்பதில் இல்லை.

• பல ஆண்டுகள் அன்றைய மெட்ராசில் ( இன்றைய சென்னையில் ) கோடம்பாக்கம் பகுதி திரை துறையில் நடிக்க மற்றும் அது சம்பந்தமான துறைகளில் பங்கு
  பெறுபவர்களை கவர்ந்து இழுத்த வண்ணம் இருந்தது.

• அந்த கால கட்டத்தில் கிரிக்கெட் டெஸ்ட் மேட்ச்சுக்கள் அத்தி பூத்தார் போல் நடைப் பெரும். அவ்வளவு பிரபலம் அடையவில்லை.

• சினிமாப் படங்கள் தயாரிக்கப் பட்டு வந்தன வருடம் முழுவதும்.

• குறிப்பாக தீபாவளி, பொங்கல் பண்டிகைகள் போது புது படங்கள் வரிசைக்கட்டி நின்றன ரீலீசுக்காக.

• டெஸ்ட் கிரிக்கெட் பொங்கல் பண்டிகை பொழுது தொடர்ந்து 6 நாட்கள் ( ஒரு ஓய்வு தினம் உட்பட ) நடைப் பெற்றன.

• அன்றைய மவுண்ட் ரோடு ( இன்றைய அண்ணா சாலையில் ) மற்ற இடங்களில் சினிமா தியேட்டர்களில் ரசிகர்கள் கூட்டம் அலை மோதிய நாட்களும் உண்டு.

• டெஸ்ட் மேட்ச் தினங்களில் கார்ப்பரேஷன் ஸ்டேடியம் பிறகு சேப்பாக் மைதானத்தில் கிரிகெட் ரசிகர்களின் ஆராவரம் விண்ணை தொட்டது. சுமார் 45000க்கும் மேற்பட்டவர்கள் ஒரே இடத்தில் என்றால் கேட்கவா வேண்டும்.

• வருடங்கள் உருண்டு ஓட கிரிக்கெட் ஆட்டத்தின் மதிப்பு கூட ஆரம்பித்தது.

• விதம் விதமாக கிரிக்கெட் ஆட்டங்கள், போட்டிகள் இடம் பிடிக்க ஆரம்பித்து இப்பொழுது எல்லாம், மேட்ச்சுக்கள் இல்லாத நாட்களே இல்லை என்ற நிலைக்கு வந்துவிட்டது.

• மாறுதலுக்கு ஏற்ப சினிமா தியேட்டார்கள் காணாமல் போய் விட்டன.

• ஒரு சில குறிப்பிட்ட நடிகர், நடிகைகள் தவிர பலரால் அதிக காலம் தாக்கு பிடிக்க முடியவில்லை சினிமா துறையில்.

• போட்டிகள் மிகுந்து விட்டன. ஆயிரங்களில் ஆரம்பித்த சினிமா துறை கோடிகளுக்கு கீழே பார்க்க தயங்குகின்றது.

• கிரிக்கெட் விளையாடுபவர்களின் மதிப்பு உயர்ந்து வருகின்றது ஜெட் வேகத்தில்.

• கிரிக்கெட் துறையிலும் கோடிகளின் மதிப்புக்கு தனி மரியாதை.

• இரண்டு துறைகளிலும் பணம் தவிர புகழுக்கும் அடைந்த புகழை தக்க வைத்துக் கொள்ளவும் போட்டிகளுக்கு பஞ்சமில்லை.

• இரு துறைகளிலும் விசிறிகள், ரசிகர்கள் எண்ணிக்கை அதிகரித்து வருகின்றது.

• இன்னும் சினிமா துறையில் ரிடையர்மென்ட் வயது வரவில்லை.

• ஆனால் கிரிக்கெட் விளையாடுவதற்கு ரிடையர்மெண்ட் வயது பல வீரர்களுக்கு கதவை தட்டுக்கின்றது. ரிடையர் ஆனாலும் ஒரு சிலருக்கு வாய்ப்புக்கள் காத்துக் கொண்டு இருக்கின்றன, முக்கியமாக வர்ணனையாளராக திகழ.

• சினிமா துறைக்கு போட்டியாக சின்ன திரை, ஓடிடி போன்றவை வலம் வந்து கொண்டிருக்கின்றன.

• கிரிக்கெட் ஆட்டங்களுக்கு சப்போர்ட் செய்யும் விதமாகவும், பார்வையாளர் ரசிகர்களை அதிகரிக்கவும், கிரிக்கெட் மேலும் பிரபலப் படுத்தவும் தொலைக்காட்சிகள் பெரிதும் உதவுகின்றன.

• இரண்டு துறைகளிலும் முக்கிய இடங்களில் இடம் பிடிக்க அடுத்த தலை முறையினரை காந்தம் போல் கவர்ந்து இழுப்பது அவற்றில் கிடைக்கும் பணம் என்பதும் மறுக்க முடியாத உண்மை.

• கிரிக்கெட் துறையிலும் மகளிர் பங்கு பெரும் கிரிக்கெட் ஆட்டங்கள் புகழ் பெற்று வருகின்றன.

• இனி வரும் காலங்களில் கிரிக்கெட் மற்றும் சினிமா இரண்டும் மேலும் வளர்ச்சி அடைந்து புதுமைகளை புகுத்தி ரசிகர்களை அதிகமாக மகிழ்விக்கும் என்று எதிர் பார்க்கலாம்.