ஐபிஎல் 2026: பஞ்சாப் அணியை வீழ்த்தி குஜராத் டைட்டன்ஸ் அதிரடி வெற்றி..!!

19-வது ஐபிஎல் கிரிக்கெட்டில் இன்று இரண்டு லீக் ஆட்டங்கள் நடக்கிறது.

ஆமதாபாத்தில் உள்ள நரேந்திரமோடி மைதானத்தில் இன்று நடைபெறும் மற்றொரு லீக் ஆட்டத்தில் முன்னாள் சாம்பியனான குஜராத் டைட்டன்ஸ் அணி, பஞ்சாப் கிங்சுடன் மோதுகிறது.

குஜராத் அணி 9 ஆட்டங்களில் ஆடி 5-ல் வெற்றி, 4-ல் தோல்வி கண்டு புள்ளிப்பட்டியலில் 10 புள்ளிகளுடன் 5-வது இடத்தில் உள்ளது.

பஞ்சாப் அணி 8 ஆட்டங்களில் ஆடி 6-ல் வெற்றி, ஒரு முடிவில்லை, 1-ல் தோல்வியுடன் புள்ளிப்பட்டியலில் 13 புள்ளிகளுடன் முதலிடத்தில் உள்ளது.

இவ்விரு அணிகளும் இதுவரை 7 முறை சந்தித்ததில் பஞ்சாப் அணி 4-3 என்ற கணக்கில் முன்னிலை வகிக்கிறது.

இந்நிலையில் இன்றைய போட்டிக்கான டாஸ் சுண்டப்பட்டதில் குஜராத் அணி டாஸ் வென்று பந்து வீச்சை தேர்வு செய்த நிலையில் முதலில் பேட்டிங் செய்ய களத்தில் இறங்கிய பஞ்சாப் அணி 20 ஓவர் முடிவில் 9 விக்கெட்டுகள் இழப்பிற்கு 163 ரன்களை குவித்தது.

அதனை தொடர்ந்த 164 ரன்கள் எடுத்தால் வெற்றி என்ற இலக்குடன் களத்தில் இறங்கிய குஜராத் அணி ஆரம்பம் முதலே அதிரடியாக விளையாடி இறுதியில் 4 விக்கெட்டுகள் வித்தியாசத்தில் வெற்றி பெற்றது.

இந்த வெற்றியின் மூலம் குஜராத் அணி நடப்புத் தொடரில் தனது 6-வது வெற்றியைப் பதிவு செய்து புள்ளிப்பட்டியலில் தனது நிலையை வலுப்படுத்தியுள்ளது.