ஐபிஎல் 2026: மும்பையை வீழ்த்தி பிளே-ஆப் வாய்ப்பை தக்க வைத்தது கொல்கத்தா..!

கொல்கத்தா ஈடன் கார்டனில் இன்று நடக்கும் 65-வது லீக் ஆட்டத்தில் முன்னாள சாம்பியன்களான கொல்கத்தா நைட் ரைடர்ஸ்- மும்பை இந்தியன்ஸ் அணிகள் மோதுகின்றன.

4 வெற்றி, 8 தோல்வி கண்டு 9-வது இடத்திற்கு தள்ளப்பட்டு ஏற்கனவே அடுத்த சுற்று வாய்ப்பை இழந்து விட்ட மும்பை அணிக்கு இந்த ஆட்டத்தின் முடிவு எந்த பாதிப்பையும் ஏற்படுத்தப்போவதில்லை. இருப்பினும் சீசனை முடிந்த வரை உயரிய நிலையில் முடிக்க தீவிரம் காட்டுகிறது.

5 வெற்றி, 6 தோல்வி, ஒரு முடிவில்லை என 11 புள்ளிகளுடன் 8-வது இடத்தில் இருக்கும் கொல்கத்தா அணி எஞ்சிய இரு ஆட்டங்களில் வெற்றி பெற்றால் மட்டுமே பிளே-ஆப் வாய்ப்பில் தொடர முடியும். அதனால் இன்றைய ஆட்டம் வாழ்வா-சாவா மோதலாகும். இதில் தோற்றால் வெளியேற வேண்டியது தான்.

இன்றைய போட்டிக்கான டாஸ் சுண்டப்பட்டதில் கொல்கத்தா அணி டாஸ் வென்று பவுலிங் தேர்வு செய்த நிலையில் முதலில் பேட்டிங் செய்ய களத்தில் இறங்கிய மும்பை அணி 20 ஒவர் முடிவில், 8 விக்கெட்டுகள் இழப்பிற்கு 147 ரன்களை குவித்தது.

அதனை தொடர்ந்து 148 ரன்கள் எடுத்தால் வெற்றி என்ற இலக்குடன் களத்தில் இறங்கிய கொல்கத்தா அணி அதிரடியாக விளையாடி இறுதியில் 4 விக்கெட்டுகள் வித்தியாசத்தில் இலக்கை அசால்டாக எட்டியது.

இதன் மூலம் 6-வது வெற்றியை பதிவு செய்த கொல்கத்தா அணி பிளே-ஆப் வாய்ப்பை தக்க வைத்தது.