IPL 2026: லக்னோவை வீழ்த்தி த்ரில் வெற்றி: பிளே-ஆப் வாய்ப்பை தக்கவைத்தது பஞ்சாப் கிங்ஸ்..!

19-வது ஐபிஎல் கிரிக்கெட் திருவிழா இறுதி கட்டத்தை எட்டி விட்டது. பெங்களூரு ராயல் சேலஞ்சர்ஸ், குஜராத் டைட்டன்ஸ், ஐதராபாத் சன் ரைசர்ஸ் ஆகிய அணிகள் அடுத்த சுற்றுக்கு(பிளே-ஆப்) முன்னேறி விட்டன.

மீதமுள்ள ஒரு இடத்திற்கு ராஜஸ்தான் ராயல்ஸ், பஞ்சாப் கிங்ஸ், கொல்கத்தா நைட் ரைடர்ஸ் ஆகிய 3 அணிகள் இடையே போட்டி நிலவுகிறது. இந்நிலையில் லக்னோவில் இன்று நடைபெறும் 68-வது லீக் ஆட்டத்தில் லக்னோ சூப்பர் ஜெயன்ட்ஸ்-பஞ்சாப் கிங்ஸ் அணிகள் மோதுகின்றன.

பஞ்சாப் அணி 13 ஆட்டங்கள் ஆடியதில் 7 வெற்றி, ஒரு ஆட்டம் முடிவில்லை, 6 தோல்வியுடன் 13 புள்ளிகள் பெற்று 5-வது இடத்தில் உள்ளது. இந்தப் போட்டியில் பஞ்சாப் அணி வெற்றி பெற்றால் மட்டுமே பிளே ஆப் சுற்று வாய்ப்பை தக்கவைக்கும் என்பது குறிப்பிடத்தக்கது.

லக்னோ அணி 13 ஆட்டங்களில் ஆடி 4 வெற்றி, 9 தோல்வியுடன் 8 புள்ளிகளை பெற்று கடைசி இடத்தில்(10-வது) தவிக்கிறது. இந்த அணி ஏற்கனவே பிளே-ஆப் வாய்ப்பை பறிகொடுத்து விட்டது.

இவ்விரு அணிகளும் இதுவரை 7 முறை நேருக்கு நேர் மோதி இருக்கின்றன. இதில் 4-ல் பஞ்சாப்பும், 3-ல் லக்னோவும் வெற்றி பெற்றுள்ளன.

இந்நிலையில் இன்றைய போட்டிக்கான டாஸ் சுண்டப்பட்டதில் பஞ்சாப் அணி டாஸ் வென்று பவுலிங் தேர்வு செய்தது. அதனை தொடர்ந்து முதலில் பேட்டிங் செய்ய களத்தில் இறங்கிய லக்னோ அணி 20 ஓவர் முடிவில், 6 விக்கெட்டுகள் இழப்பிற்கு 196 ரன்களை குவித்தது.

அதனை தொடர்ந்து 197 ரன்கள் எடுத்தால் வெற்றி என்ற இலக்குடன் களத்தில் இறங்கிய பஞ்சாப் அணி அதிரடியாக விளையாடி இறுதியில் 7 விக்கெட்டுகள் வித்தியாசத்தில் இலக்கை எட்டியது.

இந்த வெற்றியின் மூலம் பஞ்சாப் அணி பிளே ஆப் சுற்று வாய்ப்பை தக்கவைத்தது.