- முகப்பு
- கல்கி
- மங்கையர் மலர்
- தீபம்
- கோகுலம்/Gokulam
- முக்கிய பிரிவுகள்முக்கிய பிரிவுகள்
- தொகுப்புகள்தொகுப்புகள்
- Archives
ஏடிபி இறுதிப் போட்டிகள் என்பது ஆண்கள் டென்னிஸ் சீசன் முடிவின் இறுதிப் போட்டியாகும், இதில், ஒவ்வொரு ஆண்டும் தகுதி பெற்ற முதல் எட்டு ஒற்றையர் வீரர்கள் மற்றும் இரட்டையர் அணிகள் சாம்பியன்ஷிப்பிற்காக போட்டியிடுவார்கள்.
2023 நிட்டோ ஏடிபி பைனல்ஸ் நவம்பர் 12 -19 வரை நடைபெறும். இப்போட்டிகள் 1970 ஆம் ஆண்டு நிறுவப்பட்ட உள்ளக ஹார்ட்-கோர்ட் நிகழ்வு. இத்தாலியில் உள்ள டுரினில் இவ்வாண்டு இப்போட்டிகள் நடைபெறுகிறது. டுரினில் தொடர்ச்சியாக மூன்றாவது முறை இந்நிகழ்வு நடத்தப் படுகிறது. இந்த நிகழ்வின் இயக்குனர் ஆடம் ஹாக்.
டுரினில் நடைபெறும் நிகழ்வில் எட்டு வீரர்கள்/ இரட்டையர் குழுக்கள், நான்கு பேர் கொண்ட இரண்டு குழுக்களாகப் பிரிக்கப்பட்டு, ஒவ்வொரு குழுவிலிருந்தும் முதல் இரண்டு பேர் அரையிறுதிக்கு முன்னேறுவார்கள்.
நோவக் ஜோகோவிச், கார்லோஸ் அல்கராஸ்,டேனியல் மெட்வெடேவ், ஜன்னிக் பாவி, ஆண்ட்ரி ரூப்லெவ், ஸ்டெபனோஸ் சிட்சிபாஸ்,அலெக்சாண்டர் ஸ்வெரேவ் மற்றும் ஹோல்கர் ரூன் இந்த ஆண்டின் முதல் எட்டு இடங்களைப் பிடித்த டென்னிஸ் வீரர்கள்.
இவான் டோடிக் - ஆஸ்ட்ரின் கிராஜிசெக்
சாண்டியாகோ கோன்சலஸ் - எட்வார்ட் ரோஜர்-வாசெலின்
மார்செல் கிரானோல்லர்ஸ் - ஹோராசியோ செபாலோஸ்
ஆண்ட்ரெஸ் மோல்டெனி - மாக்சிமோ கோன்சலஸ்
வெஸ்லி கூல்ஹோஃப் - நீல் ஸ்குப்ஸ்கி
ரோஹன் போபண்ணா - மேத்யூ எப்டன்
ராஜீவ் ராம் - ஜோ சாலிஸ்பரி
ரிங்கி ஹிஜிகாடா - ஜேசன் குப்லர்
ஆகியோர் இவ்வாண்டின் நிட்டோ ATP போட்டிக்கு தகுதி பெற்ற இரட்டையர் குழுக்கள். இந்த அணியில் இந்தியாவைச் சேர்ந்த ரோஹன் போபண்ணா விளையாடுவது குறிப்பிடத்தக்கது.
* முதல் ரவுண்ட் போட்டிகள்: நவம்பர் 12, ஞாயிறு துவங்கி நவம்பர் 17, வெள்ளி வரை நடை பெறுகிறது .
* அரையிறுதி: நவம்பர் 18 சனிக்கிழமை நடை பெறுகிறது.
* இறுதிப் போட்டி: நவம்பர் 19 ஞாயிறு அன்று நடைபெறுகிறது.
இப்போட்டிகளை இந்தியாவில் சோனி லிவ் (Sony Liv) இணையதளத்தில் காணலாம்.
கடந்த பதிப்பை வென்றவர் யார்?
நோவக் ஜோகோவிச் 2022 ஆம் ஆண்டு, கடந்த பதிப்பில், 7-5, 6-3 என்ற நேர் செட்களில் காஸ்பார் ரட்டை வென்று சாம்பியன்ஷிப்பை வென்றார். இவ்வாண்டும் ஜோகோவிச் முதல் எட்டு டென்னிஸ் வீரர்கள் பட்டியலில் இருக்கிறார் என்பது குறிப்பிடத்தக்கது.
ராஜீவ் ராம் மற்றும் ஜோ சாலிஸ்பரி கொண்ட இரட்டையர் அணி 2022ல் சாம்பியன்ஷிப்பை வென்றனர்.
