இந்தியா-தென்னாப்பிரிக்கா ஒருநாள் போட்டி: 5 விக்கெட்டுகளை சாய்த்து வரலாறு படைத்தார் அர்ஷதீப்!

தென்னாப்பிரிக்காவுக்கு எதிரான ஒருநாள் சர்வதேச கிரிக்கெட் போட்டியில் இந்திய அணி பந்துவீச்சாளர் அர்ஷதீப் சிங் 5 விக்கெட்டுகளைக் கைப்பற்றி சாதனை படைத்தார். தமது சிறப்பான பந்துவீச்சால் தென்னாப்பிரிக்க முன்னிலை வீர்ர்களை நிலைகுலையவைத்தார்.

ஜோஹன்னஸ்பர்கில் தென்னாப்பிரிக்காவுக்கு எதிரான டி-20 ஒருநாள் கிரிக்கெட் சர்வதேச போட்டி நடைபெற்றது. இந்த போட்டியில் வேகப்பந்துவீச்சாளரான அர்ஷதீப் பரபரப்பாக பந்துவீசி 10 ஓவர்கள் பந்துவீசி, 37 ரன்கள் கொடுத்து 5 விக்கெட்டுகளைக் கைப்பற்றினார்.

இந்தியா-தென்னாப்பிரிக்காவுக்கு எதிரான ஒருநாள் சர்வதேச போட்டியில் 5 விக்கெட்டுகளை சாய்த்த நான்காவது பந்துவீச்சாளர் அர்ஷதீப். இதற்கு முன் யுஸ்வேந்திர சாஹல் 5 விக்கெட் எடுத்து சாதனை படைத்துள்ளதுள்ளார். தற்போது அர்ஷ்தீப் 5 விக்கெட்டுகள் எடுத்த இரண்டாவது பந்துவீச்சாளர் என்ற பெருமையை பெற்றுள்ளார்.

2023 ஆம் ஆண்டு ஜோஹன்னஸ்பர்கில் நடைபெற்ற போட்டியில் அர்ஷ்தீப் சிங் 37 ரன்கள் கொடுத்து 5 விக்கெட்டுகளை கைப்பற்றியுள்ளார்.

2018 ஆம் ஆண்டு, சென்சூரியனில் நடைபெற்ற போட்டியில் யுஸ்வேந்திர சாஹல் 22 ரன்கள் மட்டும் கொடுத்து 5 விக்கெட்டுகளைக் கைப்பற்றினார்.

2023 இல் கொல்கத்தாவில் நடைபெற்ற போட்டியில் ரவீந்திர ஜடேஜா 33 ரன்கள் கொடுத்து 5 விக்கெட்டுகளை கைப்பற்றியுள்ளார்.

1999 ஆம் ஆண்டு நைரோபியில் நடைபெற்ற போட்டியில் சுநீல் ஜோஷி 5 ரன்கள் மட்டும் கொடுத்து 5 விக்கெட்டுகளை கைப்பற்றியது குறிப்பிடத்தக்கது.

தென்னாப்பிரிக்க அணிக்கு எதிராக ஞாயிற்றுக்கிழமை நடைபெற்ற ஒருநாள் போட்டியில் அர்ஷ்தீப் 5 விக்கெட்டுகளையும், அவேஷ்கான் 4 விக்கெட்டுகளையும் சாய்த்தனர். ஒரு கட்டத்தில் 58 ரன்களுக்கு 7 விக்கெட்டுகளை இழந்திருந்த தென்னாப்பிரிக்கா, பின்னர் 73 ரன்களுக்கு 8 விக்கெட்டை இழந்தது. கடைசியில் தட்டுத்தடுமாறி 100 ரன்களைக் கடந்தது.

தென்னாப்பிரிக்க அணியில் ஆன்டிலே பெஹ்லுக்வாயோ அதிகபட்சமாக 33 ரன்கள் எடுத்தார். ஆனால், அவரும் அர்ஷதீப் பந்துவீச்சில் LBW ஆகி அவுட்டானார்.

இதற்கு முன் அர்ஷதீப் சிங் 3 ஒருநாள் சர்வதேச போட்டியில் பங்கேற்ற போதிலும் விக்கெட் எதையும் எடுக்கவில்லை. 3 போட்டிகளில் ஒரு போட்டி மழையால் ரத்து செய்யப்பட்டது. எனினும் தென்னாப்பிரிக்காவுக்கு எதிரான ஒருநாள் போட்டியில் அவர், பரபரப்பாக பந்துவீசி 5 விக்கெட்டுகளை கைப்பற்றியது குறிப்பிடத்தக்கது.