பெண்களுக்கு அளவற்ற நன்மைகளை அள்ளிக் கொடுக்கும் சர்க்கரை வள்ளிக்கிழங்கு!

ஒரு பெண்ணின் வயதுக்கேற்ப உடலில் பல்வேறு மாற்றங்கள் நிகழ்கின்றன இத்தகைய மாறுதல்களை சமாளிக்க ஆரோக்கியத்தில் கூடுதல் கவனம் செலுத்த வேண்டும் உங்களை சுறுசுறுப்பாக வைத்துக் கொள்வதுடன் உணவு முறையிலும் கூடுதல் அக்கறை செலுத்தினால் என்றும் ஆரோக்கியத்துடன் நீண்ட காலத்துக்கு வாழலாம்.

சர்க்கரை வள்ளிக்கிழங்கில் கொலஸ்ட்ரால் அளவுகள் மிகவும் குறைவாகவே உள்ளன.

சர்க்கரைவள்ளி கிழங்கில் நார்ச்சத்து ஆன்டி ஆக்ஸிடெண்ட் வைட்டமின்கள் நிறைந்துள்ளன. சர்க்கரை வள்ளி கிழங்கை பெண்கள் தங்கள் உணவில் சேர்த்து வர ஒன்றல்ல ஏராளமான ஆரோக்கியமான நன்மைகளை பெறலாம்.

சரும அமைப்பு மேம்படும்!

சரும அமைப்புக்கு வைட்டமின் ஏ மிகவும் அவசியமானது. இந்நிலையில் வைட்டமின் ஏ நிறைந்த சர்க்கரை வள்ளிகிழங்கை உங்கள் உணவில் சேர்த்து வர சரும அமைப்பு மேம்படும். இன்று பெரும்பாலான சரும பராமரிப்பு கிரீம்களில் இந்த வைட்டமின் ஏ அல்லது ரெட்டினால் சேர்க்கப்படுகின்றன. இது இளமையான பளபளப்பான சருமத்தை பெற உதவுகிறது. மேலும் உங்கள் எதிர்ப்பு சக்தியையும் அதிகரிக்கும்.

இரும்புச்சத்து பற்றாக்குறை தீரும்!

இரும்புச்சத்து நிறைந்த சர்க்கரைவள்ளி கிழங்கு பெண்கள் தங்கள் அன்றாட உணவில் தொடர்ந்து சேர்த்து வர உடலில் ஹீமோகுளோபின் அளவை கணிசமாக அதிகரிக்கலாம். மேலும் பெண்களின் நினைவாற்றலை மேம்படுத்தவும் இது உதவும். இதன் மூலம் ஞாபகம் மறதி போன்ற பிரச்சனைகளை பெண்கள் தவிர்க்கலாம்.      கர்ப்ப காலத்தில் ஏற்படும் இரும்புச் சத்து குறைபாட்டை போக்க கர்ப்பிணிகளுக்கும் சர்க்கரை  வள்ளிக்கிழங்கு சாப்பிடலாம்..

இனப்பெருக்க ஆரோக்கியம்!

சர்க்கரைவள்ளி கிழங்கு சாப்பிடுவது பெண்களின் இனப்பெருக்க ஆரோக்கியத்துக்கு நல்லது. இதில் உள்ள வைட்டமின் ஏ கருவுறுதலையும் பெண்களின் இனப்பெருக்கம் செயல்பாட்டையும் மேம்படுத்துகிறது. ஆகையால் பெண்கள் தவறாமல் சர்க்கரைவள்ளி கிழங்கு தங்கள் உணவில் சேர்த்துக் கொள்ள வேண்டும். கருத்தரிப்பதில் சிக்கல் அல்லது பிரச்சினைகளை எதிர்கொள்ளும் பெண்கள் சர்க்கரை வள்ளி கிழங்கு இதன் மூலம் கருத்தரிப்பதற்கான வாய்ப்பை அதிகரிக்கலாம்.

மன அழுத்தத்தை போக்கும்!

சர்க்கரை வள்ளி கிழங்கில் உள்ள மெக்னீசியம் மன அழுத்தம் மற்றும் பதற்றத்தை குறைக்க உதவுகிறது ஆகையால் மன அழுத்தத்திலிருந்து விடுபட நினைக்கும் பெண்கள் சர்க்கரை வள்ளிக்கிழங்கை தங்கள் உணவில் சேர்த்துக் கொள்ள வேண்டும்.