கொழுப்பு கரைந்து, அடைப்பு நீங்கி, ரத்தம் எளிதாக ஓடணுமா? இந்த 10 உணவுகள் மஸ்ட்!

ஒருவருக்கு இதயநோய் ஏற்பட்டால் அவர்களின் குருதிக் குழாய்கள் அடைபட்டிருக்கலாம். நம் குருதிக் குழாய்கள் ரத்தத்தை இதயத்திலிருந்து உடலின் ஒவ்வொரு செல்லுக்கும் கொண்டு செல்லும் நெடுஞ்சாலைகளைப் போன்றவை. இவை சுத்தமாகவும், நெகிழ்ச்சியாகவும் இருந்தால் தான் ரத்தம் எளிதாக ஓடும்‌. ஆனால், காலப்போக்கில் கொழுப்பு, கால்ஷியம், கழிவுப் பொருட்கள் சேர்ந்து ப்ளாக் ஆகும் போது பாதை நெருக்கடியாகி விடுகிறது. இதற்கு சிறந்த தீர்வாக பத்து உணவுகள் உள்ளன. இது குருதிக் குழாயின் அடைப்பை இயற்கையாக நீக்குகிறது. அவை என்னென்ன என்பதைப் பார்ப்போம்.

1. மஞ்சள்

இது உடலின் அழற்சியைக் குறைக்கும். சிறிது பசுமஞ்சளை பாலுடன் சேர்த்து கோல்டன் மில்க்காக உட்கொள்ளலாம். இத்துடன் சிறிது மிளகும் சேர்ப்பது நல்லது. மஞ்சளின் குர்குமின் அழற்சியை போக்கும்.

2. அவகேடோ

அவகேடோவில் மோனோ அன்சாசுரேடட் கொழுப்பு உள்ளது‌. இது எல்டிஎல்(LDL) என்ற கெட்ட கொழுப்பை(Fat loss) குறைத்து, நல்ல கொழுப்பை அதிகரிக்கிறது.

மேலும் இதில் உள்ள பீடா சைடோஸ்டெரால் குடலில் கொழுப்பை உடல் உறிஞ்சுவதை தடுக்கும். இதன் பி வைட்டமின்கள் குருதிக் குழாய்களுக்கு சேதம் விளைவிக்கக் கூடிய ஹோமோசிஸ்டின் என்ற சேர்மத்தைக் குறைக்கும்.

3. ஆஸ்பராகஸ்

இதில் க்ளூடோதியோன் என்ற சக்திவாய்ந்த ஆன்டி ஆக்சிடண்ட் உடல் முழுவதும் உள்ள 100,000 மைல் நீளமான ரத்தநாளங்களை சுத்தப்படுத்த உதவுகிறது. கால்ஷியம் படிவங்களைக் தடுக்கிறது. உடல் அழற்சியைக் குறைக்கிறது.

4. மாதுளை

மாதுளையில் உள்ள பாலிஃபினால்கள் என்ற ஆன்டி ஆக்சிடண்ட்ஸ் கொழுப்பைக் குறைக்கும். மேலும் கெட்ட கொழுப்பைக் குறைக்கும்.

5. ப்ரோக்கோலி

இது இதயத்திற்கும் தேவையான பச்சை கவசம் என்று கருதப்படுகிறது. இதில் உள்ள சல்போரஃபேன் உடல் நச்சுக்கள், அழற்சி, ஆக்சிடேடிவ் அழுத்தம் ஆகியவற்றிலிருந்து காக்கும். குருதிக் குழாயை வலுவாக்கும். இதன் நார்சத்து கொழுப்பைக் குறைக்கும். இதன் சி,கே மற்றும் பி வைட்டமின்கள் இதயத்தைப் பாதுகாக்கும்.

6. சியா விதைகள்

சிறியதாக இருந்தாலும் பெரிய பலன் தரும். அளவு தினமும் 2 டீஸ்பூன். இதில் இயற்கையான ஒமேகா 3 கொழுப்பு அமிலம் உள்ளது. ரத்த அழுத்தத்தைக் குறைக்கும்‌, கொழுப்பை உடலிலிருந்து வெளியேற்றும். ஸ்மூத்தி ஓட்ஸ் மற்றும் ஜுஸ்களில் சேர்த்து உட்கொள்ளலாம்.

7. இலவங்கப் பட்டை

இது ரத்தக் குழாய்களுக்கான இனிய மருந்து. இது கெட்ட கொழுப்பைக் குறைக்கும். ரத்தச் சர்க்கரையைக் கட்டுக்குள் வைக்கும்‌. காபி, டீ, ஒட்ஸ்களில் சேர்த்து உட்கொள்ளலாம்.

8. தர்ப்பூசணி

சுவையும் ஆரோக்கியமும் கொடுக்கும் இனிய நண்பன் அளவு 5 லிருந்து 6 கப் துண்டுகள். தர்ப்பூசணி மில் உள்ள சிட்ருலின் ரத்தக் குழாய்களை தளர்த்தும்‌. ரத்த ஓட்டத்தை மேம்படுத்தும். இதய அழுத்தத்தைக் குறைக்கும்‌ மேலும் இதன் லைகோபீன் குருதிக் குழாய்களின் கடினத் தன்மையைக் குறைக்கும்.

9. கிரான் பெர்ரி

ரத்தக் குழாய்களை சுத்தம் செய்யும். புளிப்புச் சக்தி கொண்டது. ஒரு கப் உட்கொள்ளலாம். இது நல்ல மற்றும் கெட்ட கொலஸ்டிரால் இடையிலான சமநிலையை மேம்படுத்தும். ரத்தக் குழாயின் உட்சுவரை பாதுகாக்கும்‌. அழற்சியை குறைக்கும்.

10. ஸ்பைருலினா

உடலுக்கு இயற்கை சக்தி ஊட்டி. ஒரு டேபிள் ஸ்பூன் தினமும் எடுத்துக் கொள்ளலாம். ஸ்பைருலினாவில் உள்ள காமா லினோலிக் அமிலம் குருதிக் குழாயின் அடைப்பைக் குறைக்கும்.

ரத்த அழுத்தத்தை சரி செய்யும் அதீத ஆன்டி ஆக்சிடண்ட்ஸ் நிறைந்தது. ஸ்மூத்தியில் சேர்த்து குடிக்கலாம்.

குருதிக் குழாயை சுத்தமாக்க கூடுதல் வழிமுறைகள்

• முழுதாவர உணவுகள், சர்க்கரை, பொறித்த உணவுகள் தவிர்த்தல்.

• தினமும் 30 நிமிட நடை.

• மன அழுத்தத்தைக் குறைக்க தியானம், யோகா பயிற்சிகள்.

• போதிய தூக்கம்.

• நீங்கள் தினமும் சாப்பிடும் உணவே இரத்தக்குழாயையும், இதயத்தையும் பாதுகாக்கும் பெரிய மருந்து.

(முக்கிய குறிப்பு: இந்தத் தகவல்கள் பொதுவான விழிப்புணர்வுக்காக மட்டுமே. மருத்துவ ஆலோசனைக்கு சரியான தகுந்த மருத்துவரை அணுகவும்)