மன அழுத்தம் போக்கும் 'Breathwork'!

இன்றைய வேகமான உலகில், ஸ்ட்ரெஸ் என்பது நம் நிழலைப் போலத் தொடர்ந்து வருகிறது. தியானம் செய்வது நல்லது என்று நமக்குத் தெரியும். ஆனால் பலருக்கும் தியானத்தில் உட்கார்ந்தால் மனம் அலைபாயும். கண்களை மூடி அமைதியாக இருக்க முடியவில்லை என்பவர்களுக்காகவே 2026-ல் உலகையே ஒரு புதிய ட்ரெண்ட். அதுதான் 'Breathwork'.

Breathwork என்றால் என்ன?

தியானம் என்பது பெரும்பாலும் கவனித்தலையும், மனதை ஒருநிலைப்படுத்துதலையும் சார்ந்தது. ஆனால், Breathwork என்பது உங்கள் மூச்சை நீங்களே ஒரு கருவியாகப் பயன்படுத்தி, உங்கள் உடலின் ரசாயன மாற்றங்களை மாற்றுவதாகும்.

சுருக்கமாகச் சொன்னால், தியானம் உங்கள் மனதை மாற்ற முயற்சிக்கும்; 'Breathwork' உங்கள் உடலை மாற்றி, அதன் மூலம் மனதை தானாகவே அமைதிப்படுத்தும்.

ஏன் 2026-ல் இது இவ்வளவு பிரபலம்?

நவீன அறிவியல் ஆய்வுகளின்படி, நாம் சுவாசிக்கும் விதம் நமது 'நேர்வஸ் சிஸ்டம்' எனப்படும் நரம்பு மண்டலத்துடன் நேரடியாகத் தொடர்புகொண்டுள்ளது. தவறான சுவாச முறை உங்களை எப்போதும் ஒரு பதற்றமான நிலையிலேயே வைத்திருக்கும். இதைச் சரிசெய்ய 'Breathwork' ஒரு ரிமோட் கண்ட்ரோல் போலச் செயல்படுகிறது.

இதனாலேயே, முன்னணி கார்ப்பரேட் நிறுவனங்கள் தங்கள் ஊழியர்களுக்கு மதிய இடைவேளையில் 10 நிமிட 'Breathwork' கட்டாயமாக்கியுள்ளன.

4-4-8 விதி:

உடனடியாக மன அழுத்தத்தைக் குறைக்க நினைப்பவர்களுக்கு இது ஒரு வரப்பிரசாதம். உங்கள் நரம்பு மண்டலத்தை 'Panic Mode'-லிருந்து 'Peace Mode'-க்கு மாற்ற இந்த எளிய பயிற்சியைச் செய்யுங்கள்.

• 4 வினாடிகள்; மூச்சை ஆழமாக மூக்கு வழியாக உள்ளே இழுக்கவும்.

• 4 வினாடிகள்; அப்படியே மூச்சை அடக்கி வைக்கவும்.

• 8 வினாடிகள்; மெதுவாக வாய் வழியாக அல்லது மூக்கு வழியாக மூச்சை வெளியே விடவும்.

நீங்கள் மூச்சை வெளியே விடும் நேரம் உள்ளே இழுக்கும் நேரத்தை விட அதிகமாக இருக்கும்போது, உங்கள் மூளைக்கு "எல்லாம் பாதுகாப்பாக இருக்கிறது, அமைதியாகு" என்ற சிக்னல் செல்கிறது. இது இதயத் துடிப்பைச் சீராக்கி, ரத்த அழுத்தத்தைக் குறைக்கிறது.

'Breathwork' செய்வதால் கிடைக்கும் 5 நன்மைகள்:

• வேலைப்பளு அல்லது பதற்றமான சூழ்நிலையில் 5 முறை இதைச் செய்தால் போதும், உடனடி மாற்றம் தெரியும்.

• இரவில் தூக்கம் வராமல் தவிப்பவர்கள் படுக்கையில் இருந்தபடியே இதைச் செய்யலாம்.

• மூளைக்கு ஆக்சிஜன் செல்வதை முறைப்படுத்துவதால், வேலையில் கூடுதல் கவனம் கிடைக்கும்.

• சரியான சுவாசம் உடலில் உள்ள நச்சுக்களை வெளியேற்ற உதவுகிறது.

• சட்டெனக் கோபம் வரும்போது, உங்கள் மூச்சை 4-4-8 முறைக்கு மாற்றினால் கோபம் காணாமல் போகும்.

எப்போது செய்ய வேண்டும்?

இதற்குத் தனியாக யோகா மேட் அல்லது அமைதியான அறை தேவையில்லை. ஆபீஸ் மீட்டிங்கிற்குச் செல்லும் முன்,

டிராஃபிக்கில் சிக்கியிருக்கும்போது, தூங்குவதற்கு 10 நிமிடங்களுக்கு முன் செய்யலாம். சமூக வலைதளங்களில் நேரத்தை வீணடிப்பதை விட, 5 நிமிடம் உங்கள் சுவாசத்தில் கவனம் செலுத்துங்கள்.

2026-ல் ஆரோக்கியம் என்பது ஜிம்மிற்குச் செல்வது மட்டுமல்ல, உங்கள் நுரையீரலை நீங்கள் எப்படிக் கையாளுகிறீர்கள் என்பதிலும் இருக்கிறது. இனி "மன அழுத்தமாக இருக்கிறது" என்று புலம்புவதை விட்டுவிட்டு, ஒரு நிமிடம் உங்கள் மூச்சை முறைப்படுத்துங்கள். மாற்றத்தை நீங்களே உணர்வீர்கள்!

(முக்கிய குறிப்பு: இந்தத் தகவல்கள் பொதுவான விழிப்புணர்வுக்காக மட்டுமே. மருத்துவ ஆலோசனைக்கு சரியான தகுந்த மருத்துவரை அணுகவும்)