செரிமானப் பிரச்சனையா? சோம்பு + கற்கண்டு போதும்!

இப்போதைய பரபரப்பான உலகத்துல, நாம சாப்பிடுற சாப்பாடும், நம்ம வாழ்க்கை முறையும் நம்ம உடம்பைப் பெரிய அளவுல பாதிக்குது. குறிப்பா, நம்ம செரிமான மண்டலம் ரொம்பவே சிரமப்படுது. கண்ட நேரத்துல சாப்பிடுறது, சரியா தூங்காம இருக்குறது, மன அழுத்தம் இது எல்லாமே வயித்தைக் கெடுக்குது. இதனால நிறைய பேருக்கு அஜீரணம், வாயுத் தொல்லை, மலச்சிக்கல்னு பல பிரச்சனைகள் ஏற்படலாம். ஆனா, இதுக்கெல்லாம் நம்ம சமையலறையிலேயே ஒரு எளிய தீர்வு இருக்குன்னா நம்புவீங்களா? ஆமாங்க, நம்ம தாத்தா பாட்டி காலத்துல இருந்து பயன்படுத்திட்டு வர்ற சோம்பு மற்றும் கற்கண்டு கலவைதான் அது.

சோம்பு + கற்கண்டு சாப்பிடுவதன் நன்மைகள்:

சாப்பிட்டதுக்கு அப்புறம் சோம்பும் கற்கண்டும் சேர்த்து மென்னு சாப்பிடுற பழக்கம் நம்ம ஊர்ல நிறைய பேருக்கு உண்டு. இது வெறும் வாய் புத்துணர்ச்சிக்காக மட்டும் இல்ல. இதுக்கு பின்னாடி பெரிய மருத்துவ குணமே இருக்கு. சோம்புல நார்ச்சத்து நிறைய இருக்கு. இது நம்ம சாப்பிட்ட சாப்பாட்டை சீக்கிரமா செரிக்க வைக்க உதவும். மலச்சிக்கல் பிரச்சனை இருக்கிறவங்களுக்கு இது ஒரு நல்ல மருந்து. சோம்புல இருக்குற ஆன்டிஆக்ஸிடன்ட்கள் நம்ம வயித்துல இருக்குற தேவையில்லாத நச்சுக்களை வெளியேத்தவும், வயிறு உப்பசத்தைக் குறைக்கவும் உதவும்.

கற்கண்டு, நம்ம உடம்புக்கு ஒரு குளிர்ச்சியைத் தரும். இது வயித்துல அதிகமா அமிலம் சுரக்குறதைக் கட்டுப்படுத்தும். இதனால நெஞ்செரிச்சல், புளிச்ச ஏப்பம் வர்றது குறையும். சோம்பையும் கற்கண்டையும் சேர்த்து சாப்பிடும்போது, இது ரெண்டும் ஒண்ணா சேர்ந்து செரிமான மண்டலத்தை பலப்படுத்தும். குடல்களை சுத்தமா வச்சுக்க இது உதவும்.

தினமும் காலையில எழுந்ததும் ஒரு டம்ளர் வெந்நீர் குடிச்சுட்டு, கொஞ்ச நேரம் உடற்பயிற்சி செஞ்சிட்டு, அப்புறமா இந்த சோம்பு கற்கண்டு கலவையை ஒரு சிட்டிகை எடுத்து மென்னு சாப்பிடுறது ஒரு நல்ல பழக்கம். இல்லன்னா, ஒவ்வொரு வேளை சாப்பாட்டுக்கு அப்புறமும் இதை கொஞ்சமா எடுத்து மென்னு சாப்பிடுங்க. இது உங்க செரிமானத்தை சீராக்கி, வாயு, அமிலத்தன்மை, மலச்சிக்கல் போன்ற பிரச்சனைகள் வராம தடுக்கும். வயிறு எப்பவும் இலகுவா இருக்கிற மாதிரி ஒரு உணர்வை இது கொடுக்கும்.

நம்ம முன்னோர்கள் பயன்படுத்தின பல விஷயங்கள்ல இந்த சோம்பு கற்கண்டு கலவையும் ஒன்னு. இது ஒரு சின்ன பழக்கமா இருந்தாலும், இதுல இருக்குற செரிமான நன்மைகள் ரொம்ப அதிகம். கெட்ட உணவுப் பழக்கத்தால வர்ற வயிறு பிரச்சனைகளை சரி செய்ய இந்த எளிய வைத்தியம் ரொம்பவே கை கொடுக்கும். ஆரோக்கியமான செரிமான மண்டலத்துக்கு உங்க உணவுப் பழக்கத்தையும் வாழ்க்கை முறையையும் மாத்திக்கிட்டு, கூடவே இந்த சோம்பு கற்கண்டு பழக்கத்தையும் சேர்த்துக்கிட்டா உங்க வயிறு எப்பவும் ஆரோக்கியமா இருக்கும்.

(முக்கிய அறிவிப்பு: இக்கட்டுரையில் உள்ள தகவல்கள், பல்வேறு செய்திகளின் தொகுப்பாக மட்டுமே வழங்கப்படுகின்றன. இவை மருத்துவ நிபுணர்களின் ஆலோசனைகள் அல்ல. உடல்நலம் தொடர்பான எந்தவொரு சந்தேகத்துக்கும், பிரச்னைக்கும், அவசியம் மருத்துவரை அணுகவும்.)