![Use of honey](http://media.assettype.com/kalkionline%2F2024-06%2F572b67de-9ea5-4441-84e0-1d75cf5f6bf7%2F1.jpg?w=480&auto=format%2Ccompress&fit=max)
நாட்டு வைத்தியத்தில் தேனின் பங்கு மிகவும் பெரிது. வீட்டு கை வைத்தியத்திலும் தேனுக்கு பெரும் பங்கு உண்டு. அவை பற்றி இந்தப் பதிவில் பார்க்கலாம்.
* ஒரு ஸ்பூன் துளசி சாறுடன் சிறிது தேன் கலந்து தினமும் காலையில் குடித்து வந்தால், தலைவலி, தொண்டை வலி பிரச்னைகள் வராது.
* வேப்பம்பூவை தேனில் ஊற வைத்து, தினமும் இரவு உறங்கச் செல்லமும் ஒரு ஸ்பூன் சாப்பிட்டால், நோய் எதிர்ப்பு சக்தி மிகுந்து, உடல் பலம் பெறும்.
* குழந்தைகளுக்கு தினம் அரை ஸ்பூன் தேன் கொடுத்து வந்தால் பல், எலும்பு உறுதியாக இருக்கும்.
* உஷ்ணத்தினால் வயிற்று வலி ஏற்பட்டால், ஒரு கப் வெந்நீரில் ஒரு ஸ்பூன் தேன் கலந்து குடித்தால், வலி உடனடியாக நின்று விடும்.
* காலையிலும், மாலையிலும் பசும்பாலில் இரண்டு ஸ்பூன் தேன் கலந்து குடித்து வர, நரம்புகள் உறுதி பெறும்.
* இஞ்சியை தோல் நீக்கி சிறு துண்டுகளாக்கி தேனில் ஊற வைத்து சாப்பிட்டால் பித்தம் சம்பந்தப்பட்ட அனைத்து பிரச்னைகளும் தீரும்.
* தேனில் சிறிது மாதுளம் பூக்களை ஊற வைத்து சாப்பிட்டு வந்தால், தொண்டைப்புண், வயிற்றுப்புண் நீங்கும்.
* சிறு காயங்களின் மீது தேன் தடவினால் விரைவில் ஆறிவிடும். வடு கூட ஏற்படாது.
* குழந்தைகளுக்கு தினமும் இரண்டு ஸ்பூன் தேன் சாப்பிடக் கொடுத்தால், இரத்தம் சுத்தமாகும். தசைகள் உறுதி பெறும்.
* கரும்புச் சாறுடன், சிறிது தேன் கலந்து பருகி வர, மலச்சிக்கல் தீரும்.
* தீக்காயங்களின் மீது தேனை தடவி வர சீக்கிரம் ஆறி விடும். எரிச்சலும் இருக்காது.
* குடல் புண், வாய்ப்புண் இவற்றுக்கு தேன் அருமருந்தாகும்.
* குழந்தை பெற்ற அன்னையர் தினமும் இரண்டு வேளை பசும்பாலில் தேன் மற்றும் 3 பூண்டு பற்கள் கலந்து பருகி வர, தாய்ப்பால் நிறைய சுரக்கும். குழந்தைக்கும் அஜீரணம், ஜலதோஷ பிரச்னைகள் வராது.
* காலையில் எழுந்ததும் கண்களை சுத்தம் செய்து விட்டு, மை தீட்டுவது போல கண்களில் தேன் தடவினால் பார்வை கூர்மை பெறும்.
* காலையில் மூன்று நான்கு ஸ்பூன் எலுமிச்சைச்சாறு, வெந்நீர் ஒரு கப், தேன் இரண்டு ஸ்பூன் கலந்து பருகி வர, இரத்த அழுத்தம் கட்டுப்படும்.
* வெதுவெதுப்பான பசும்பாலில் ஒரு ஸ்பூன் தேன் கலந்து பருகி வர ஜலதோஷம் தீரும். நிம்மதியான உறக்கமும் வரும்.
மாதாந்திர மளிகை பொருட்களுடன் தேனையும் வாங்கி வைத்தால் வீட்டிலேயே வைத்தியம் செய்து கொள்ளலாம்.