உடலில் கொழுப்பு கட்டிகளா? கவலை இனி இல்லை, இதோ எளிய தீர்வுகள்!

நம்ம எல்லாருக்குமே நம்ம உடம்பு எப்பவும் ஃபிட்டாவும் அழகாவும் இருக்கணும்னு ஒரு ஆசை இருக்கும். அப்போதான் நமக்கே ஒரு தன்னம்பிக்கை வரும். ஆனா சில சமயங்கள்ல, நம்ம உடம்புல சின்னச் சின்ன பிரச்சனைகள் வரத்தான் செய்யுது. மத்தவங்க நம்மள கேலி பண்ணுவாங்களோ, நம்ம அழகு குறைஞ்சிடுமோன்னு ஒரு கவலை வந்துடும். அப்படிப்பட்ட ஒரு பிரச்சனைதான் இந்தக் கொழுப்பு கட்டிகள். இது நம்மளோட தன்னம்பிக்கையை குறைக்கிறது மட்டும் இல்லாம, மன உளைச்சலையும் சில சமயங்களில் ஏற்படுத்திடும்.

இந்தக் கொழுப்பு கட்டிகள்னா என்னன்னு கேட்டீங்கன்னா, நம்ம தோலுக்கு அடியில கொழுப்பு ஒரே இடத்துல சேர்ந்து உருவாகுறதுதான். இது பெரும்பாலும் மார்பு, கை, முழங்கை, இடுப்பு, வயிறு மாதிரியான இடங்கள்ல வரலாம். சிலருக்கு ஒண்ணு ரெண்டு இருக்கும், சிலருக்கு நிறைய கூட இருக்கலாம். இது பெண்களுக்கும் வரக்கூடிய ஒரு பிரச்சனைதான். உடம்புல கொழுப்பு அதிகமாக சேர்றதுனால இந்தக் கட்டிகள் வருதுன்னு சொல்றாங்க. ஆனா, இது குண்டா இருக்கறவங்களுக்கு மட்டும் தான் வரும்னு நினைச்சுக்காதீங்க, ஒல்லியா இருக்கறவங்களுக்கும் வர வாய்ப்பு இருக்கு. மரபு ரீதியாகவும் இது வரலாம்னு சில கருத்துக்கள் இருக்கு.

இந்தக் கட்டிகளால பெருசா வலி ஒண்ணும் இருக்காது. அதனால சில பேர் இதைப் பெருசா கண்டுக்க மாட்டாங்க. 'பரம்பரை பரம்பரையா வருது, விடு'ன்னு அசால்ட்டா விட்ருவாங்க. ஆனா, வலி இல்லாட்டியும் இது நம்மளோட அழகைக் கொஞ்சம் குறைக்கத்தான் செய்யுது. நாலு பேர் பார்க்கும்போது ஒரு மாதிரி இருக்கும், சில சமயம் கேலி கிண்டலுக்கு கூட ஆளாக நேரிடலாம். இதனால மனசு கஷ்டப்படவும் வாய்ப்பிருக்கு. 

சரி, இந்தக் கொழுப்பு கட்டிகளைக் கரைக்க என்னென்ன எளிய வழிகள் இருக்குன்னு பார்க்கலாம். முதல்ல, நம்ம சமையலறையில இருக்கிற மஞ்சள்தூளை எடுத்து, அதோட கொஞ்சம் நல்லெண்ணெய் கலந்து கட்டிகள் இருக்கிற இடத்துல தடவிட்டு வரலாம். மஞ்சள் ஒரு நல்ல கிருமிநாசினி மற்றும் அழற்சி எதிர்ப்பு பண்புகளை கொண்டது. 

அடுத்ததா, உப்பு ஒத்தடம் கொடுக்கலாம். ஒரு துணியில கல் உப்பை வறுத்து, மிதமான சூட்டுல கட்டிகள் மேல ஒத்தடம் கொடுத்தா, அங்க இருக்கிற இறுக்கம் குறைஞ்சு, கட்டியோட அளவு குறையறதுக்கு வாய்ப்பு இருக்கு. அதோட, அந்த இடத்துல ரத்த ஓட்டமும் நல்லா சீராகும்னு சொல்றாங்க. இது இல்லாம, கொடிவேலி தைலம் அல்லது தூஜா எண்ணெய் கூட இந்த கட்டிகளுக்கு நிவாரணம் தரதா சொல்லப்படுது. 

நம்ம வீட்ல இருக்கிற சில எளிய பொருட்களை வெச்சே இந்தக் கொழுப்பு கட்டிகளுக்கு தீர்வு காண முடியும். இதெல்லாம் செஞ்சு பாருங்க. உடனே பலன் கிடைக்காட்டியும், தொடர்ந்து முயற்சி செஞ்சா நல்ல மாற்றம் தெரியும்.

(முக்கிய அறிவிப்பு: இக்கட்டுரையில் உள்ள தகவல்கள், பல்வேறு செய்திகளின் தொகுப்பாக மட்டுமே வழங்கப்படுகின்றன. இவை மருத்துவ நிபுணர்களின் ஆலோசனைகள் அல்ல. உடல்நலம் தொடர்பான எந்தவொரு சந்தேகத்துக்கும், பிரச்னைக்கும், அவசியம் மருத்துவரை அணுகவும்.)