கொட்டைகளின் (Nuts) பால் மிக நல்லது! ஏன்?

சாதாரண பாலை விட கொட்டைகளின் (Nuts) பால் ஆரோக்கியத்துக்கு மிகச் சிறந்தது. ஊட்டச் சத்துக்கள் நிறைந்த கொட்டைகளின் பால் உடலுக்கு பல நன்மைகள் அளிக்கிறது.

ஏன் கொட்டைகளின் பால் சிறந்தது?

• சிலருக்கு பாலில் உள்ள லாக்டோஸ்  உடலுக்கு ஒவ்வாமை ஏற்படுத்தலாம் அத்தகையவர்களுக்கு கொட்டை (Nuts) பால் சிறந்தது. 

• கொட்டைகளில் இருந்து தயாரிக்கப்படும் பாலில் அதிக ஊட்டச்சத்துக்கள், மினரல்ஸ் மற்றும் ஆன்டி ஆக்சிடண்ட்ஸ் நிறைந்துள்ளன. 

• கரையாத கொழுப்புக்கள் உள்ள இப்பால் இதய ஆரோக்கியத்திற்கு மிக நல்லது. 

• மேலும் இதில் கால்சியம் மற்றும் வைட்டமின் டி உள்ளதால் எலும்பு ஆரோக்கியத்திற்கும் சிறந்தது. 

  மாட்டுப் பாலை விட இது  செரிமானத்திற்கு மிக நல்லது.

• நல்ல எனர்ஜியை தருகிறது. இந்தப் பாலில் லாக்டோஸ் இல்லாததால்  மாட்டுப் பாலை உட்கொள்ளும் போது ஏற்படும் வயிறு உப்புசம், ஏற்படாமல் தடுக்கும். லாக்டோஸ் அலர்ஜி உள்ளவர்களுக்கு கொட்டை (Nuts) பால் சிறந்தது.

• இந்த பாலில் கலோரிகள் குறைவாக உள்ளன. பாதாம் பாலில்  ஒரு கப்பில் 30 லிருந்து 50 கலோரிகள்தான் உள்ளன. ஆனால் மாட்டுப் பாலில் ஒரு கப்பில் 150 கலோரிகள் உள்ளன. எனவே, எடைக் குறைப்புக்கு கொட்டை (Nuts) பாலே சிறந்தது.

• மாட்டுப் பாலில் கரையும் கொழுப்புகள் உள்ளன. ஆனால் கொட்டைகளின் பாலில் கரையாத கொழுப்புகள் உள்ளன. அதிலும் முந்திரி மற்றும் பாதாம் பால் கொழுப்பைக் குறைத்து இதய ஆரோக்கியத்தை மேம்படுத்துகிறது. மேலும் வயிறு நிரம்பிய உணர்வைத் தருகிறது.

• கொட்டைகளின் பாலில் ஊட்டச்சத்துக்கள்  மற்றும் கால்சியம், மக்னீசியம், வைட்டமின் டி , வைட்டமின் ஈ போன்றவை உள்ளன. இதன் வைட்டமின் ஈ சத்து சிறந்த ஆன்டி ஆக்சிடண்டாக செயல்பட்டு சரும அழற்சியிலிருந்து பாதுகாக்கிறது. இதனால் சரும ஆரோக்கியம் மேம்படுத்தப்படுகிறது.

• கொட்டைகளின் பாலில் கொலஸ்டிரால் இல்லாததால் இதயத்திற்கு நல்லது. இதயத்திற்கு நண்பனாக செயல்படுகிறது.

• இதில் மாட்டுப் பாலில் இருக்கும் அளவுக்கு அதிக கால்சியம் கிடையாது.  இருப்பினும் எலும்புகளின் வளர்ச்சிக்கு சிறந்தது. 

எனவே பாதாம் வால்நட், ஹேசில் நட் (Hazelnut) , மகடாமியா நட் (Macadamia nut), பிஸ்தா, பெக்கான் (Pecan) மற்றும் பைன் நட் (Pine nut) போன்றவற்றிலிருந்து பால் தயாரித்து குடிப்பது ஆரோக்கியமானது. 

எப்படி தயாரிப்பது?

• முதல் நாள் இரவே கொட்டைகளை (Nuts) தண்ணீரில் ஊறவைக்கவும். 

• காலையில் இவற்றை நன்கு கழுவி தண்ணீர் சேர்த்து அரைக்கவும்.  இதை நன்கு வடிகட்டி பால் எடுக்கவும். 

• உங்களுக்கு வேண்டுமென்றால் சிறிது தேன் அல்லது பேரீச்சம்பழத் துண்டுகள் சேர்க்கலாம். காபி டீ யை தவிர்த்து. இந்தமாதிரி கொட்டைகளின் பால் அருந்துவது ஆரோக்கியமானது.