பெண்கள், பேச்சலர்ஸ் எனப் பலருக்கும் இருக்கும் பெரிய கவலை தினமும் என்ன சமைக்கலாம் என்று தான். சிலருக்கு எதை சாப்பிட்டால் வெயிட் குறையும் என்ற சந்தேகமும் உள்ளது. இந்த 2 பிரச்சனைகளுக்கும் சேர்த்து இந்த பதிவில் ஒரு பதிலைப் பார்க்கலாம். இந்த 7 உணவுகளை சாப்பிடுவதன் மூலம் உங்கள் டிபன் கவலையும் போகும், வெயிட் லாஸும் ஆகும்.
இட்லி - சாம்பார்:
தமிழ்நாட்டு உணவில் இட்லிக்கு முக்கிய பங்கு உண்டு என்றே சொல்லலாம். அரிசி, உளுந்து போட்டு அரைத்து நீங்கள் சாப்பிடுவதன் மூலம் உங்கள் உடலில் அதிக கலோரி சேராது. எளிதில் செரிமானம் ஆகக் கூடிய உணவாகும்.
ஓட்ஸ்:
ஓட்ஸில் அதிக நார்ச்சத்து இருப்பதால், உங்கள் உடலுக்கு ரொம்பவும் நல்லதாகும். காலையில் டிபனாக எடுத்துக் கொள்வதன் மூலம் உங்கள் வெயிட் லாஸுக்கு அது உதவும்.
முளைக்கட்டிய பயறு:
பயறு வகைகளை முளைக்கட்டி வைத்து, அதை டிபனாக சாப்பிடுவதன் மூலம் உங்களால் எளிதில் வெயிட் லாஸ் செய்ய முடியும்.
யோகர்ட்:
பதப்படுத்தப்பட்ட பாலில் பல மணி நேரத்திற்கு உயிருள்ள பாக்டீரியாக்களைச் சேர்த்து வைப்பதன் மூலம் யோகர்ட் தயாரிக்கப்படுகிறது. இது தயிரை விட அதிக ஊட்டச்சத்து கொண்டுள்ளது என்பதால் இது உங்கள் வெயிட் லாஸுக்கு உதவும்.
ஸ்மூத்தி:
அதிக காய்கறிகள், பழங்கள், புரோட்டின் பவுடர்கள் மூலம் தயாரிக்கப்படும் இந்த ஸ்மூத்தியைப் பருகுவதன் மூலம் உங்களுக்கு அதிக சத்துக்களும் கிடைக்கும்.
சியா விதை புட்டிங்:
சியா விதைகளில் அதிக நார்ச்சத்தும், ஒமேகா 3 இருப்பதாலும், உங்கள் இதயத்திற்கு மிகவும் நல்லதாகும்.
பாசிப் பருப்பு தோசை:
பாசிப் பருப்பை ஊறவைத்து அரைத்து, அதில் தேவையான காய்கறிகளைப் போட்டு தோசை ஊற்றிச் சாப்பிடுவது உங்கள் வெயிட் லாஸுக்கு உதவியாக இருக்கும்.