சிறுநீரக நோய்கள் அமைதியான கொலையாளிகள் என்பது தெரியுமா ?

சிறுநீரக நோய்கள் அமைதியான கொலையாளிகள், இது உங்கள் வாழ்க்கைத் தரத்தை பெரும்பாலும் பாதிக்கும். இருப்பினும், சிறுநீரக நோயை உருவாக்கும் அபாயத்தைக் குறைக்க பல எளிய வழிகள் உள்ளன.

• ஃபிட்டாகவும் சுறுசுறுப்பாகவும் இருங்கள். ஃபிட்டாக இருப்பது உங்கள் இரத்த அழுத்தத்தைக் குறைக்க உதவுகிறது, எனவே நாள்பட்ட சிறுநீரக நோய் அபாயத்தைக் குறைக்கிறது.

• உங்கள் இரத்த சர்க்கரை அளவை தவறாமல் கட்டுப்பாட்டில் வைத்திருங்கள். நீரிழிவு நோயாளிகளில் பாதி பேர் சிறுநீரக பாதிப்புக்கு உள்ளாகிறார்கள், எனவே நீரிழிவு நோயாளிகளுக்கு அவர்களின் சிறுநீரக செயல்பாடுகளை சரிபார்க்க வழக்கமான பரிசோதனைகள் செய்வது முக்கியம்.

• நீரிழிவு நோயால் ஏற்படும் சிறுநீரக பாதிப்பை ஆரம்பத்திலேயே கண்டறிந்தால் குறைக்கலாம் அல்லது தடுக்கலாம். மருத்துவர்கள் உதவியுடன் இரத்த சர்க்கரை அளவைக் கட்டுப்படுத்துவது முக்கியம்.

• உங்கள் இரத்த அழுத்தத்தை கண்காணிக்கவும். உயர் இரத்த அழுத்தம் பக்கவாதம் அல்லது மாரடைப்புக்கு வழிவகுக்கும் என்பதை பலர் அறிந்திருந்தாலும், சிறுநீரக பாதிப்புக்கு இது மிகவும் பொதுவான காரணம் என்பதை ஒரு சிலரே அறிவார்கள்.

• ஆரோக்கியம் நிறைந்த உணவுகளை சாப்பிடுங்கள் மற்றும் உங்கள் எடையை கட்டுக்குள் வைத்திருங்கள். இது நீரிழிவு, இதய நோய் மற்றும் நாள்பட்ட சிறுநீரக நோயுடன் தொடர்புடைய பிற பிரச்சனைகளை தடுக்க உதவும்.

• உப்பு உட்கொள்ளலைக் குறைத்துக் கொள்ளுங்கள். பரிந்துரைக்கப்பட்ட உப்பு உட்கொள்ளும் அளவு ஒரு நாளைக்கு 5-6 கிராம் உப்பு (ஒரு டீஸ்பூன்) ஆகும். உங்கள் உப்பு உட்கொள்ளலைக் குறைக்க, பதப்படுத்தப்பட்ட மற்றும் துரித உணவுகளின் அளவைக் கட்டுப்படுத்த முயற்சிக்கவும்.

• ஆரோக்கியமான திரவ உட்கொள்ளலை பராமரிக்கவும். நல்ல ஆரோக்கியத்தை பராமரிக்க நாம் தினமும் உட்கொள்ள வேண்டிய சிறந்த அளவு நீர் மற்றும் பிற திரவங்கள் குறித்து மருத்துவ ஆய்வுகள் ஒரு உடன்பாட்டை எட்டவில்லை என்றாலும், நீண்ட காலமாக நாம் கடைபிடித்து வருவது ஒரு நாளைக்கு 1.5 முதல் 2 லிட்டர் தண்ணீரைக் குடிக்க வேண்டும் என்பதுதான். ஏராளமான திரவங்களை உட்கொள்வது சிறுநீரகங்கள் உடலில் இருந்து சோடியம், யூரியா மற்றும் நச்சுகளை அழிக்க உதவுகிறது. எந்தவொரு நபருக்கும் சரியான அளவு திரவ உட்கொள்ளல் பாலினம், உடற்பயிற்சி, காலநிலை, சுகாதார நிலைமைகள், கர்ப்பம் மற்றும் தாய்ப்பால் உள்ளிட்ட பல காரணிகளைப் பொறுத்தது என்பதை நினைவில் கொள்வது அவசியம். மேலும், ஏற்கனவே சிறுநீரக கல் ஏற்பட்டவர்கள் ஒரு புதிய கல் உருவாகும் அபாயத்தைக் குறைக்க தினமும் 2 முதல் 3 லிட்டர் தண்ணீர் குடிக்க அறிவுறுத்தப்படுகிறார்கள்.

• புகை பிடிக்காதீர்கள். புகைபிடித்தல் சிறுநீரகங்களுக்கு இரத்த ஓட்டத்தை குறைக்கிறது. குறைந்த இரத்தம் சிறுநீரகங்களை அடையும் போது, அது சரியாக செயல்படும் திறனைக் குறைக்கிறது. புகைபிடித்தல் சிறுநீரக புற்றுநோயின் அபாயத்தையும் சுமார் 50 சதவீதம் அதிகரிக்கிறது.

• ஓவர்-தி-கவுண்டர் மாத்திரைகளை வாங்காதீர்கள். சிலவகையான மருந்துகளை தொடர்ந்து எடுத்துக் கொண்டால் சிறுநீரக பாதிப்பு ஏற்படுத்தும்.

• உங்களுக்கு அவ்வப்போது ஒன்று அல்லது அதற்கு மேற்பட்ட 'ஹை ரிஸ்க் ஃபேக்டர்' இருந்தால், அவ்வப்போது உங்கள் சிறுநீரக செயல்பாட்டை பரிசோதித்துக் கொள்ளுங்கள்.

தொகுப்பு: Dr. ஆர்.பார்த்தசாரதி