60 வயது ஆச்சா? நீரிழப்பு என்ற ஆபத்து இருக்கே... கவனிச்சுக்கோங்க!

60 வயதுக்கு மேற்பட்ட முதியவர்களுக்கு பொதுவாக தாகம் எடுப்பதில்லை. அதன் விளைவாக, போதுமான அளவு தண்ணீர் குடிப்பதை நிறுத்துகிறார்கள். யாரும் அவர்களின் அருகில் இல்லாதபோதும், அவர்களுக்கு திரவங்களை குடிக்க நினைவூட்ட யாரும் இல்லாத போதும், அவர்களுக்கு விரைவாக நீரிழப்பு ஏற்படுகிறது.

திரவங்களை குடிக்க மறந்துவிடும் இந்த பழக்கம் 60 வயதில் ஒருவருக்கு தொடங்குகிறது. நம் உடலில் தண்ணீரின் அளவு 50% க்கும் அதிகமாக இருக்க வேண்டும். பொதுவாக 60 வயதுக்கு மேற்பட்டவர்களுக்கு குறைந்த நீர் இருப்பு உள்ளது. இது இயற்கையாக வயதாவதின்  ஒரு வாழ்வியல் பகுதியாகும்.

நீரிழப்பு நோய் மிகவும் கடுமையானது. அது முழு உடலையும் பாதிக்கிறது. நீரிழப்பு ஏற்பட்டால், அது திடீர் மனக் குழப்பம், இரத்த அழுத்தம் குறைதல், இதயத் துடிப்பு அதிகரிப்பு, ஆஞ்சினா (மார்பு வலி), கோமா மற்றும் மரணம் கூட ஏற்படலாம்.

60 வயதுக்கு மேற்பட்டவர்கள் எளிதில் நீரிழப்பு நோயினுக்கு ஆளாகிறார்கள். அவர்கள் நீரிழப்புடன் இருந்தாலும், தண்ணீர் குடிக்க விரும்புவதில்லை. அவர்களுக்கு குறைந்த அளவு நீர் விநியோகம் இருப்பதால் மட்டுமல்ல;  உடலில் நீர் பற்றாக்குறையை அவர்கள் உணராததால் எளிதில் நீரிழப்புக்கு ஆளாகிறார்கள். 60 வயதுக்கு மேற்பட்டவர்கள் ஆரோக்கியமாகத் தோன்றினாலும், எதிர்வினைகள் மற்றும் வேதியியல் செயல்பாடுகளின் செயல்திறன் அவர்களின் முழு உடலையும் சேதப்படுத்தும்.

வீட்டில் உள்ளவர்கள், வயதானவர்கள் திரவங்களை குடிக்கும் பழக்கத்தை ஏற்படுத்திக் கொடுக்க வேண்டும். திரவங்களில் தண்ணீர், பழச்சாறுகள், தேநீர், தேங்காய் தண்ணீர், சூப்கள் மற்றும் தர்பூசணி, முலாம்பழம், பீச் மற்றும் அன்னாசி போன்ற நீர் நிறைந்த பழங்கள் அடங்கும். ஒவ்வொரு இரண்டு மணி நேரத்திற்கும், அவர்கள் சிறிது திரவத்தையாவது குடிக்க வேண்டும்.

வயதானவர்கள் திரவங்களை நிராகரிக்கிறார்கள் என்பதை நாம் உணர்ந்தால், ஒரு நாள் முதல் அடுத்த நாள் வரை, அவர்களுக்கு எரிச்சல், மூச்சுத்திணறல் அல்லது கவனக்குறைவு போன்றவை இருந்தால், இவை நிச்சயமாக நீர்ப்போக்கின் தொடர்ச்சியான அறிகுறிகளாகும்.

நீரிழப்பு பொதுவாக முதியோரிடையே அதிகமாக காணப்பட்டாலும், நாம் அனைவருமே ஒரு நாளைக்கு மூன்று லிட்டர் தண்ணீரையாவது குடிப்பது நல்லது. குறிப்பாக கடுமையான காய்ச்சல், அதீத வயிற்றுப் போக்கு, வாந்தி ஆகியவை நமது  உடலில் உள்ள நீர்ச்சத்தின் அளவைக் குறைக்கின்றன. நீரிழப்பை ஏற்படுத்துகின்றன. எனவே, இவ்வாறான நேரங்களில் உடலில் நீரின் அளவை சமன் செய்ய ஓஆர்ஸ், மற்றும் பழச்சாறுகளை அதிகமாக எடுத்துக் கொள்ள வேண்டும்.