தொப்பையை குறைக்க எளிய வழிகள்!

தொப்பைக்கு முக்கியக் காரணம் ஆரோக்கியமற்ற வாழ்க்கை முறையை பின்பற்றுவதுதான். இத்தகைய வாழ்க்கை முறையை யாரும் கட்டாயப்படுத்தி வாழ வேண்டும் என்று சொல்வதில்லை. நாமேதான் அத்தகைய ஆரோக்கியமற்ற வாழ்க்கை முறையை வெளியுலகத்துக்காக தேர்ந்தெடுத்து வாழ்கிறோம். இன்னும் பலர் ஆரோக்கியமற்றது என்று தெரிந்தும் இன்றும் அதுபோன்ற உணவு முறையைப் பின்பற்றுகின்றனர். தொப்பையைக் குறைப்பது மிகவும் எளித தான். அதற்கு முதலில் செய்ய வேண்டியதெல்லாம் ஜங்க் உணவுகளை தவிர்த்து, தினமும் போதிய அளவில் உடற்பயிற்சி செய்வதுதான். இதனால் அதிகப்படியான உடல் எடை குறைவதோடு, தொப்பையையும் எளிதில் குறைக்கலாம்.

1. தண்ணீர்: தினமும் குறைந்தது ஏழு முதல் எட்டு டம்பளர் தண்ணீர் குடித்தால், உடல் வறட்சியில்லாமல் இருப்பதோடு, உடலில் தங்கியிருக்கும் நச்சுக்கள் அனைத்தும் வெளியேறிவிடும். மேலும், அவ்வப்போது சீரான இடைவெளியில் தண்ணீர் குடித்தால், உடலின் மெட்டபாலிசமானது அதிகரிக்கும். இதனால் வயிற்றைச் சுற்றி காணப்படும் பெல்லியும் குறைந்துவிடும்.

2. உப்பு: உணவில் அதிகப்படியான உப்பு சேர்ப்பதைத் தவிர்க்க வேண்டும். ஏனெனில், உப்பை அதிகம் சேர்த்தால், உடலில் தண்ணீர் வெளியேறாமல், அதிகமாகத் தங்கிவிடும். எனவே, உணவில் அதிகப்படியான உப்பு சேர்ப்பதை அறவே தவிர்க்க வேண்டும். வேண்டுமெனில் அதற்கு பதிலாக உணவில் சுவையைக் கூட்டுவதற்கு மூலிகைகள் மற்றும் மசாலாக்கள் அதிகம் சேர்த்துக் கொள்ளலாம்.

3.தேன்: தொப்பை ஏற்படுவதற்கு சர்க்கரையும் ஒரு காரணம். எனவே, உண்ணும் உணவுப் பொருட்களில் சர்க்கரைக்கு பதிலாக தேனை சேர்த்துக் கொண்டால் தொப்பை குறைவதோடு, உடல் எடையும் குறையும்.

4. பட்டை: தினமும் காலையில் காபி அல்லது டீ குடிக்கும்போது, அதில் சிறிது பட்டை தூளை சேர்த்து கலந்து குடித்தால், இரத்தத்தில் உள்ள சர்க்கரையின் அளவை சீராக வைக்கலாம். மேலும், உடல் எடையையும் ஆரோக்கியமான முறையில் குறைக்கலாம்.

5. நட்ஸ்: உடல் எடையைக் குறைக்க வேண்டுமெனில் உடனே கொழுப்புள்ள உணவுப் பொருட்கள் உண்பதை நிறுத்த வேண்டும் என்பது தவறான கருத்து. காரணம், உடலுக்கு ஆரோக்கியமான கொழுப்புகள் கிடைக்க வேண்டியது மிகவும் இன்றியமையாதது. அத்தகைய கொழுப்புகள் நட்ஸில் அதிகம் உள்ளது. எனவே, ஸ்நாக்ஸ் நேரத்தில் வால்நட், பாதாம், வேர்க்கடலை போன்றவற்றை சாப்பிடுவது மிகவும் நல்லது.

6. அவகேடோ: அவகேடோவிலும் உடலுக்கு வேண்டிய கொழுப்பு அதிகம் நிறைந்துள்ளது. மேலும், இதனை சாப்பிட்டால் அதில் நிறைந்துள்ள ஊட்டச்சத்துக்கள் வயிற்றை நிறைத்து, அடிக்கடி பசி ஏற்படுவதைத் தடுக்கும்.

7. சிட்ரஸ்: சிட்ரஸ் பழங்களை தினசரி உணவோடு அதிகம் சாப்பிட்டால், அதில் உள்ள வைட்டமின் சி உடலில் தங்கியுள்ள தேவையில்லாத கொழுப்புகளை கரைத்து வெளியேற்றிவிடும். இதனால் அழகான உடலைப் பெற முடியும்.

8. தயிர்: தினமும் உணவில் தயிரை சேர்த்துக் கொண்டால், அதில் உள்ள குறைவான கலோரி மற்றும் ஊட்டசசத்துக்களால் எடை குறைவதோடு, தொப்பையும் குறைய ஆரம்பிக்கும்.

9. க்ரீன் டீ: அனைவருக்குமே க்ரீன் டீ குடித்தால் உடல் எடை குறையும் என்பது தெரியும். மேலும், பலரும் இந்த க்ரீன் டீயின் பலனைப் பெற்றுள்ளனர். எனவே, தினமும் ஒரு டம்ளபர் க்ரீன் டீ குடித்து வாருங்கள்.

10. சால்மன் மீன்: சால்மன் மீனில் ஒமேகா 3 ஃபேட்டி ஆசிட் அதிகம் நிறைந்துள்ளது. இது உடலின் செயல்பாட்டுக்கு மிகவும் இன்றியமையாத ஒரு கொழுப்பாகும். ஆகவே, இந்த மீனை உணவில் அதிகம் சேர்த்து வந்தால், நாள் முழுவதும் வயிறு நிறைந்திருப்பதோடு தொப்பை வராமலும் தடுக்கும்.

11. பெர்ரி பழங்கள்: கொழுப்பைக் குறைக்கும் ஒரு சிறந்த உணவுப் பொருள் பெர்ரி பழங்கள். ஏனெனில், அதில் வைட்டமின் சி சத்து அதிக அளவில் நிறைந்துள்ளதால் தொப்பையால் அவஸ்தைப்படுபவர்கள் பெர்ரி பழங்களை அதிகம் சாப்பிட்டால் நல்ல பலனை விரைவில் பெறலாம்.

12. ப்ராக்கோலி: மன அழுத்தத்தை அதிகரிக்கும் கார்டிசோலின் அளவைக் கட்டுப்படுத்தும் வைட்டமின் சி சத்து ப்ராக்கோலியில் அதிகம் நிறைந்துள்ளது. அதுமட்டுமல்லாமல், இதனை சாப்பிட்டால் உடலில் உள்ள கொழுப்புக்களை ஆற்றலாக மாற்றுவதால் தொப்பை பிரச்னை உள்ளவர்கள் ப்ராக்கோலியை அதிகம் சாப்பிடுவது நல்லது.

13. எலுமிச்சை சாறு: தொப்பையைக் குறைக்க சிறந்த வழி, தினமும் காலையில் எலுமிச்சை ஜுஸ் போட்டு குடிக்கலாம். அதிலும் வெதுவெதுப்பான நீரில் எலுமிச்சை சாற்றினை ஊற்றி, அதில் சிறிது உப்பு மற்றும் தேன் சேர்த்து குடித்தால் நிச்சயம் தொப்பை குறையும்.