பெண்களுக்கு ஆப்பிள் சைடர் வினிகர் செய்யும் மாயம்! 

ஆப்பிள் சைடர் வினிகர் ஆப்பிள் சாற்றை புளிக்க வைத்து தயாரிக்கப்படும் ஒரு இயற்கை திரவம். இதில் அசிட்டிக் அமிலம், பாக்டீரியா எதிர்ப்பு கூறுகள், ஆன்ட்டி ஆக்ஸிடென்ட்கள் உள்ளிட்ட பல சத்துக்கள் நிறைந்துள்ளன. பண்டைய காலங்களில் இருந்தே பல நோய்களுக்கு மருந்தாக பயன்படுத்தப்பட்டு வரும் இந்த வினிகர், தற்போது ஆரோக்கிய உணவுப் பிரியர்களிடையே மிகவும் பிரபலமாகி வருகிறது. குறிப்பாக, பெண்களின் ஆரோக்கியத்திற்கு ஆப்பிள் சைடர் வினிகர் பல வழிகளில் பயனளிக்கிறது. 

• பெண்களுக்கு மாதவிடாய் காலத்தில் ஏற்படும் வலி, பிடிப்புகள் போன்ற பிரச்சனைகளை ஆப்பிள் சைடர் வினிகர் குறைக்க உதவும். இதில் உள்ள அசிட்டிக் அமிலம் வீக்கத்தை குறைத்து வலியைத் தணிக்கிறது. 

• ஆப்பிள் சைடர் வினிகர் வளர்ச்சிதை மாற்றத்தை அதிகரித்து, உடலில் உள்ள கொழுப்பு எரிப்பை துரிதப்படுத்துகிறது. மேலும், இது பசியைக் கட்டுப்படுத்தி அதிகமாக உணவு உண்பதைத் தடுக்கிறது. 

• இந்த வினிகரில் உள்ள ஆன்ட்டி பாக்டீரியல் பண்புகள் மாதவிடாய் காலத்தில் பெண்களுக்கு ஏற்படும் முகப்பரு, கரும்புள்ளிகள் போன்ற சருமப் பிரச்சனைகளைக் குறைக்க உதவும். குறிப்பாக, இது சருமத்தின் pH அளவை சமநிலைப்படுத்தி சருமத்தை பொலிவாக மாற்றுகிறது.

• உச்சந்தலையை சுத்தமாக வைத்திருக்கவும், பொடுகுப் பிரச்சனையைத் தடுக்கவும் ஆப்பிள் சைடர் வினிகர் உதவுகிறது. இது முடியை மென்மையாகவும், பளபளப்பாகவும் மாற்றுகிறது. 

• உடலில் இன்சுலின் உற்பத்தியை அதிகரிப்பதில் ஆப்பிள் சைடர் வினிகர் உதவுவதால் ரத்தத்தில் சர்க்கரை அளவு சமநிலைப்படுத்துகிறது. எனவே, இது நீரிழிவு நோயால் பாதிக்கப்பட்ட பெண்களுக்கு மிகவும் பயனுள்ளதாக இருக்கும். 

• செரிமான நொதிகளின் செயல்பாட்டை அதிகரித்து செரிமானத்தை எளிதாக்கும் பண்புகள் ஆப்பிள் சைடர் வினிகர் உள்ளன. இது வயிற்றுப்புண் அஜீரணம் போன்ற பிரச்சினைகளைக் குறைக்கிறது. 

• ஆப்பிள் சைடர் வினிகரில் உள்ள கால்சியம் எலும்புகளை வலுப்படுத்தி எலும்பு முறிவுகள் ஏற்படுவதைத் தடுக்கிறது. 

இப்படி பெண்களின் ஒட்டுமொத்த ஆரோக்கியத்தை மேம்படுத்தும் பல நன்மைகளைக் கொண்டுள்ளது ஆப்பிள் சைடர் வினிகர். இருப்பினும், அதிக அளவில் இதை உட்கொள்வது பற்களின் எனாமலை பாதிக்கலாம், வயிற்றில் அமிலத்தை அதிகரிக்கலாம். எனவே, ஆப்பிள் சைடர் வினிகரை எடுத்துக் கொள்வதற்கு முன் மருத்துவரை அணுகி ஆலோசனை பெறுவது நல்லது. ஏனெனில், சிலருக்கு இது ஒவ்வாமையை ஏற்படுத்தும்.