மார்பக புற்றுநோய்க்கும் இறுக்கமான பிராவுக்கும் என்ன சம்பந்தம்?

இறுக்கமான உள்ளாடைகளை அணிவதால் ஏற்படும் உடல்நலக் குறைபாடுகள் குறித்து விரிவான பார்வை. நீங்கள் தினமும் சந்திக்கும் சில உடல்நலப் பிரச்சனைகளுக்கும் இதற்கும் தொடர்பு உண்டு என்பது உங்களுக்குத் தெரியுமா?

• இறுக்கமாக உள்ளாடை அணிவது நமது ரத்த ஓட்டத்தில் பாதிப்பை ஏற்படுத்துகிறது.

• பிறப்புறுப்பு பகுதியில் சிறுநீர் பாதை நோய்த்தொற்று, ஈஸ்ட் மற்றும் பிற நுண்ணுயிர் நோய்த்தொற்றுகளின் அபாயம் ஏற்படுவதற்கான வாய்ப்புகளை அதிகரிக்கிறது.

• சருமத்தில் அடிக்கடி தேய்த்து, உராய்வு மற்றும் எரிச்சலை ஏற்படுத்துகிறது. இதனால் சிவத்தல், அரிப்பு மற்றும் தடிப்புகள் கூட ஏற்படுத்தக்கூடும்.

• ஆண்கள் இறுக்கமான உள்ளாடை அணிவதால், உயிரணுவின் உற்பத்தி மற்றும் அதன் தரத்தை பாதிக்கும். பெண்கள் இறுக்கமான உள்ளாடை அணிவதால், Vaginal infection ஏற்படும் வாய்ப்புகள் அதிகமாகிறது.

• இரவு தூங்கும் சமயம் இறுக்கமான உள்ளாடை அணிந்து தூங்குவதால், சரும எரிச்சல் மற்றும் புண் ஏற்படும் வாய்ப்புகள் அதிகம்.

• இறுக்கமான உள்ளாடையை அணியும் போது வயிற்றுப்பகுதி இறுக்கப்படுவதால்,  அமிலப்பின்னோட்டம் ஏற்பட்டு நெஞ்செரிச்சல் வரக்கூடும்.பெண்கள் இறுக்கமான பிரா அணிவதால், ரத்த ஓட்டம் தடைப்படுகிறது. இதனால் செல்களுக்கு குறைவான ஆக்ஸிஜனும், ஊட்டச்சத்துக்களும் கிடைக்கிறது.

• அதிக நேரம் இறுக்கமான பிரா அணிந்திருக்கும் பெண்களுக்கு மார்பக புற்றுநோய் வரக்கூடிய அபாயம் இருப்பதாக சொல்லப்படுகிறது.

இதற்கான சரியான தீர்வு என்ன?

• எப்போதும் காட்டன் உள்ளாடைகளை அணிவது சிறந்தது. இது ஈரத்தை உறிஞ்சிக்கொள்ளக் கூடிய தன்மையைக் கொண்டது.

• உங்களுடைய சரியான அளவை காட்டிலும் சற்று பெரிதான உள்ளாடைகளை தேர்வு செய்வது நல்லது.

• உங்களுடைய உள்ளாடைகளை ஒருநாளைக்கு ஒருமுறையாவது மாற்றுவது பேக்டீரியாவால் ஏற்படும் நோய்த்தொற்றை தடுக்க உதவும்.

• அதிக நேரம் உள்ளாடைகள் மற்றும் Shape wearஐ அணிவதை தவிர்க்கவும்.

• இரவு தூங்கும் சமயம் உள்ளாடைகள் அணியாமல் இருப்பது சிறந்தது அல்லது தளர்வான உள்ளாடைகளை தேர்வு செய்து அணிவது நல்லதாகும்.

இனி, உள்ளாடைகளை தேர்வு செய்து அணியும் போது இவற்றையெல்லாம் கவனத்தில் வைத்து கொள்வது ஆரோக்கியத்தை மேம்படுத்தும்.

(முக்கிய குறிப்பு: இந்தத் தகவல்கள் பொதுவான விழிப்புணர்வுக்காக மட்டுமே. மருத்துவ ஆலோசனைக்கு சரியான தகுந்த மருத்துவரை அணுகவும்.)