குல்கந்து என்பது இந்திய துணைக்கண்டத்தில் தோன்றிய ரோஜா இதழ்களைக் கொண்டு தயாரிக்கப்படும் ஒரு வகை ஜாம். குல்கந்து எனும் சொல் பாரசீக மொழியிலிருந்து பெறப்பட்டது; குல் என்றால் ரோஜா என்றும் கந்த் என்ன்றால் சர்க்கரை/இனிப்பு என்றும் பொருள் கொள்ள வேண்டும்.

குல்கந்து தயாரிக்கப் பயன்படுத்தப்படும் ரோஜா வகைகள்!

பாரம்பரியமாக, குல்கந்து, டமாஸ்க் ரோஜாக்களால் தயாரிக்கப்படுகிறது. சீனா ரோஜா, பிரஞ்சு ரோஜா மற்றும் முட்டைக்கோஸ் ரோஜா ஆகியவைகளும் கூட குல்கந்து தயாரிக்க பயன்படுத்தப்படும் மற்ற பொதுவான வகை ரோஜாக்களாக பட்டியலிடப்படுகின்றன. இது சிறப்பான இளஞ்சிவப்பு ரோஜா இதழ்களைப் பயன்படுத்தி தயாரிக்கப்படுகிறது, உடன் சர்க்கரையுடன் கலக்கப்படுகிறது. ரோஜா இதழ்களில் இருக்கும் சாறு சர்க்கரையுடன் மெதுவாகக் கலந்து நாளவிடைவில் லேகியம் போன்ற பக்குவத்தை அடைகின்றன.

ஹோம்மேட் குல்கந்து ரெசிப்பி:

ரோஜா இதழ்கள் - 1 கப்

கற்கண்டு - 1/4 கப்

தேன் - தேவையான அளவு

செய்முறை:

முதலில் ஒரு பெரிய ரோஜா பூ எடுத்து அதன் இதழ்களை உதிர்த்து நிழலில் காயவைக்கவும். பிறகு அதனுடன் பெரிய கற்கண்டினைத் தூளாக்கி கலக்கவும். பின்னர் இரண்டையும் ஒன்றாக சேர்த்து நன்றாகப் பிசைந்து லேகிய பக்குவத்திற்கு மரத்தாலான சிறு கை உரலால் இடிக்கவும். இப்போது குல்கந்து தயார். இதனுடன் தேவயான அளவு தேன் கலந்து வைத்துக் கொண்டால் நெடுநாட்களுக்கு கெடாது.

தினமும் குல்கந்த் சாப்பிடலாமா?

குல்கந்த் தினமும் எடுத்துக் கொள்ளலாம். குறிப்பாக கோடை காலத்தில் குல்கந்த் வெப்பத்தை தணிக்க உதவுகிறது. கோடை காலத்தில் புத்துணர்ச்சியுடன் இருப்பதற்கான சிறந்த வழிகளில் இதுவும் ஒன்று!

தினமும் குல்கந்த் சாப்பிடுவதால் கிடைக்கும் நன்மைகள்!

இது சருமத்தில் ஒரு நல்ல மற்றும் அமைதியான விளைவைக் கொண்டிருக்கிறது மற்றும் முகப்பருக்களைக் குறைக்கும். நிலையான அமிலத்தன்மை உள்ளவர்களுக்கு, ஆன்டாக்சிட்களை சார்ந்திருப்பதைக் குறைக்க இது உதவும். தினமும் குல்கந்து சாப்பிடுவதால் உடலின் ஆற்றல் நீடித்து எப்போதும் புத்துணர்ச்சியாக உணர முடியும்.

குல்கந்த் சாப்பிட சிறந்த நேரம் எது?

குல்கந்த் அல்லது ரோஜா இதழ் ஜாம் கோடையில் புத்துணர்ச்சி அளிப்பது மட்டுமல்லாமல், எந்த பருவத்திலும் அமிலத்தன்மை, வீக்கம் மற்றும் மலச்சிக்கல் போன்ற செரிமான பிரச்சனைகளிலிருந்து விடுபடலாம். ஒரு டீஸ்பூன் குல்கந்துடன் உங்கள் நாளைத் தொடங்குவது, நாள் முழுவதும் உங்களை உற்சாகமாக வைத்திருக்க முடியும். செரிமானத்தை ஆதரிக்க உணவுக்குப் பிறகும் கூட குல்கந்து சாப்பிடலாம்.