மழைக்காலம் நெருங்கிவிட்டது! இந்த நேரத்தில் நமது நோயெதிர்ப்பு சக்தியை அதிகரிப்பது மிகவும் அவசியம். இப்படி இந்த மழைக்காலத்திற்குத் தேவையான முன்னெச்சரிக்கைகள் மற்றும் எவ்வாறெல்லாம் நம்மைத் தயார்படுத்திக்கொள்ளலாம் என்பதைப் பற்றி தெரிந்துகொள்வோம்.

மழைக்கால நோய்களைப் பற்றிய விழிப்புணர்வு:

அதிக ஈரப்பதம் மற்றும் தேங்கி நிற்கும் நீர் ஆகியவை பருவமழை நோய்களுக்கு இனப்பெருக்கம் செய்யும் இடங்களாக உருவாக்குகின்றன. போதிய சுகாதாரமின்மை மற்றும் அசுத்தமான நீர் ஆதாரங்கள் டைபாய்டு, காலரா மற்றும் ஹெபடைடிஸ் ஏ1 போன்ற நோய்களின் 30% அதிகரிப்புக்கு வழிவகுக்கிறது. இதற்கிடையில், கொசுக்கள் டெங்கு காய்ச்சல், மலேரியா மற்றும் சிக்குன்குனியாவை பரப்புகின்றன. தேங்கி நிற்கும் நீர் கொசு உற்பத்தியைத் துரிதப்படுத்தி நோய் பரவுவதற்குப் பங்களிக்கிறது. மற்றும் வெப்பமான கோடையில் இருந்து குளிர்ந்த, ஈரமான சூழலுக்கு மாறுவதால் சுவாசப் பிரச்னைகளும் எழுகின்றன. ஆஸ்துமா மற்றும் மூச்சுக்குழாய் அழற்சி போன்ற ஏற்கனவே இருக்கும் நோய்கள் இந்த நேரத்தில் மேலும் தீவிரமடைகின்றன.

பின்பற்றவேண்டிய சுகாதார முன்னெச்சரிக்கைகள்:

கொசு பாதுகாப்பு: உங்கள் வீடுகளில் அதிகரித்து வரும் கொசுக்களின் எண்ணிக்கையை விழிப்புடன் கண்காணிக்க வேண்டும். இதை தடுக்க கொசு விரட்டிகளை கைவசம் வைத்திருங்கள் மற்றும் ஜன்னல்கள் மற்றும் கதவுகளில் வலைகளை நிறுவுங்கள்.

தேங்கி நிற்கும் நீரை அகற்றவும்: தேங்கி நிற்கும் நீர் கொசுக்களின் இனப்பெருக்கம் செய்யும் இடமாக செயல்படுகிறது. உங்கள் சுற்றுப்புறத்தை ஒவ்வொரு நாளும் தவறாமல் சரிபார்த்து, உங்கள் வீட்டிலும் அதைச் சுற்றிலும் தண்ணீர் தேங்காமல் பார்த்துக்கொள்ளுங்கள்.

கதகதப்பாக இருங்கள்: ஈரமான நிலைகள் சரும வெடிப்பு மற்றும் பூஞ்சை தொற்றுக்கு வழிவகுக்கும். உங்கள் துணிகளை அணிவதற்கு முன் அவற்றை நன்கு உலர வைக்கவும், சருமப் பிரச்னைகளை சமாளிக்க Anti fungal கிரீம்கள் மற்றும் பொடிகளைப் பயன்படுத்தவும்.

கணிக்க முடியாத இயற்கை பேரிடர்கள்:

இந்தியா, அதன் மாறுபட்ட நிலப்பரப்புகள் மற்றும் காலநிலை மாற்றங்களோடு பல்வேறு இயற்கை பேரழிவுகளை எதிர்கொண்டு வருகிறது. இமயமலையில் திடீர் வெள்ளம் மற்றும் நிலச்சரிவுகள் முதல் கடலோரப் பகுதிகளில் ஏற்படும் சூறாவளி வரை என்று எந்நேரமும் தயார்நிலையில் இருப்பது இப்போது எல்லோர் வாழ்விலும் முக்கியமான அங்கமாகிவிட்டது. ஆக இயற்கையின் இந்தக் கணிக்க முடியாத சக்திகளைச் சமாளிக்க, நாமும் சற்று தகவலறிந்து, விழிப்புடன் இருப்பது மிகவும் அவசியம்.

மேலும், இந்தியாவின் தீவிர வானிலை இறப்புகளுக்கு 95% இடி, மின்னல் மற்றும் கனமழை பெருமளவு காரணமாகும். எதிர்பார்க்காத சில நேரங்களில் மேகங்கள் ஒரு மணி நேரத்தில் 100 மில்லி மீட்டர் மழைப்பொழிவை சாதாரணமாக தருகின்றன. இதனால் நிலச்சரிவுகள் மற்றும் திடீர் வெள்ளம் போன்றவை உண்டாகின்றது. சமீபத்தில், வட இந்தியா மற்றும் கேரளாவில் கடுமையான மழையை எதிர்கொண்டது இந்திய நாடு. இதனால் உண்டான நிலச்சரிவுகளால் பல பேர் இறக்க நேரிட்டது. பின் வடகிழக்கில், வெள்ளம் மற்றும் நிலச்சரிவு காரணமாக 3,00,000 மக்கள் இடம்பெயர்ந்துள்ளனர். இப்படி கணிக்கமுடியாத சூழ்நிலைகள் நம் கண் முன்னே நிகழும்போது, இதை சமாளிக்க பிறரையோ அல்லது அரசையோ எதிர்பார்த்து இருக்காமல், நாம் வாழும் சூழ்நிலை பற்றி நாமும் சற்று புரிந்து வைத்து அதற்கேற்றவாறு தயார்நிலையில் இருப்பது இந்தக் காலகட்டத்திற்கு மிகவும் அவசியமானதாகும்.

எனவே பருவமழையின் அழகை நாம் தழுவும்போது, இந்த முன்னெச்சரிக்கை நடவடிக்கைகளையும் சேர்த்து கவனிப்போம். இயற்கையின் கணிக்க முடியாத சக்திகளுக்கு எதிராக விழிப்புடன் இருப்போம். எதிர்காலத்தில் நம்மைப்போலவே நம் சந்ததியினரும் தங்கள் வாழ்வை அச்சத்திலே கழிக்காமல் இருக்க, பேரிடர்களைத் தவிர்க்க தேவையான நடவடிக்கைகளை இன்றே தொடங்குவோம்.