புதுசா பிசினஸ் ஆரம்பிக்க போறீங்களா.. அப்போ இந்த சீக்ரெட்ஸ் தெரிஞ்சிக்காம களத்துல இறங்காதீங்க!

வேலைக்கு செல்வதை விட சொந்தமாக ஒரு தொழில் தொடங்க வேண்டும் என்பது நம்மில் பலரின் மிகப்பெரிய கனவாக இருக்கிறது. ஆனால் நினைத்த உடனே ஒரு பிசினஸை ஆரம்பித்து அதில் ஜெயித்து விட முடியாது. இதற்கென சில அடிப்படையான விஷயங்களை நாம் முன்கூட்டியே தெரிந்து வைத்துக்கொள்வது மிக மிக அவசியம். 

வெறும் ஆசையை மட்டும் வைத்துக்கொண்டு தொழிலில் இறங்கினால் நஷ்டம் தான் மிஞ்சும். ஒரு புது பிசினஸ் ஆரம்பிக்கும் முன் நீங்கள் கட்டாயம் கவனிக்க வேண்டிய மிக முக்கியமான விஷயங்களை பற்றி தெரிஞ்சுக்கலாம் வாங்க.

சரியான ஆராய்ச்சி & திட்டமிடல்!

எந்த ஒரு பொருளை விற்கப் போகிறோம் என்பதை விட அதனை யாரிடம் விற்கப் போகிறோம் என்பதில் தான் உங்கள் வெற்றியே அடங்கியிருக்கிறது. சந்தையில் அந்த பொருளுக்கு என்ன தேவை இருக்கிறது என்பதை முதலில் முழுமையாக ஆராய வேண்டும். போட்டியாளர்கள் என்ன செய்கிறார்கள் என்பதை கவனிப்பது முக்கியம். 

அதேபோல கச்சிதமான ஒரு பிசினஸ் பிளான் கையில் இருக்க வேண்டும். எப்போதுமே ஒரு தெளிவான திட்டம் இல்லாமல் எந்த ஒரு புதிய அடியையும் எடுத்து வைக்கவே கூடாது. இது தான் உங்கள் வியாபாரத்தின் முதல் அஸ்திவாரம்.

பணப்புழக்கம் மற்றும் பேக்கப்!

பிசினஸ் ஆரம்பிக்கும் போது செய்யக்கூடிய மிகப்பெரிய தப்பு சொந்த காசையும் கம்பெனி காசையும் ஒன்றாக சேர்த்து வைப்பது தான். வியாபாரத்திற்கு என தனியாக ஒரு வங்கி கணக்கை துவங்குவது மிகவும் நல்லது. 

முதல் சில மாதங்களுக்கு லாபமே இல்லை என்றாலும் பிசினஸை தொடர்ந்து நடத்தும் அளவிற்கு கையில் ஒரு எமர்ஜென்சி ஃபண்ட் கட்டாயம் இருக்க வேண்டும். பணப்புழக்கம் தான் ஒரு வியாபாரத்தின் உயிர்நாடி என்பதை எப்போதுமே மனதில் ஆழமாக பதிய வைத்துக்கொள்ளுங்கள்.

மார்க்கெட்டிங்!

ஆரம்பத்திலேயே உங்களது பிசினஸை சட்டப்பூர்வமாக பதிவு செய்துவிடுவது பிற்காலத்தில் வரும் பெரிய சிக்கல்களை தடுக்கும். நல்ல ஆடிட்டர் மற்றும் வழக்கறிஞர்களின் ஆலோசனையை தொடக்கத்திலேயே பெறுவது நல்லது. அதேபோல இப்போது டிஜிட்டல் காலம் என்பதால் சோஷியல் மீடியா மார்க்கெட்டிங் மீது அதிக கவனம் செலுத்துங்கள். 

உங்கள் தயாரிப்பு எவ்வளவு அருமையாக இருந்தாலும் அது மக்களிடம் சரியாக போய் சேரவில்லை என்றால் எந்த பிரயோஜனமும் கிடையாது. மக்களிடம் உங்களை கொண்டு சேர்க்கும் முதலீடு மிக மிக முக்கியம்.

நெட்வொர்க்கிங்!

பிசினஸ் என்பது எப்போதுமே லாபத்தை நோக்கி மட்டுமே போகாது. தோல்விகளை சந்திக்க தயாராக இருக்கும் மனநிலை இங்கு மிக மிக அவசியம். பொறுமை தான் ஒரு தொழில்முனைவோருக்கு இருக்க வேண்டிய மிகப்பெரிய ஆயுதம். உங்களுக்கு தெரிந்தவர்களையும் நண்பர்களையும் தாண்டி புதிய மனிதர்களிடம் நெட்வொர்க்கிங் வைத்துக்கொள்வது உங்கள் பிசினஸை பல மடங்கு விரிவுபடுத்த உதவும். 

வாடிக்கையாளர்களின் நெகடிவ் விமர்சனங்களை காதுகொடுத்து கேட்டு அதற்கேற்ப உங்களை மாற்றி அமைத்துக் கொள்வது தான் உங்கள் பிசினஸை அடுத்த கட்டத்திற்கு கொண்டு செல்லும்.

 தொழில் தொடங்கும் போது ஆரம்பத்தில் வரும் சிறு சிறு சறுக்கல்களைப் பார்த்து பயந்து பின்வாங்காமல் தொடர்ந்து போராடினால் வெற்றி நிச்சயம் உங்களைத் தேடி வரும்.